Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 7:1-24

7  Kalpasan dayta ni Jehova kinunana ken Noe: “Sumrekka, sika ken ti intero a sangakabbalayam,+ iti daong, agsipud ta sika ti nakitak a nalinteg iti sanguanak iti tengnga daytoy a kaputotan.+  Iti tunggal nadalus nga animal masapul a mangalaka iti sagpipito, ti kalakian ken ti kaasmangna;+ ket iti tunggal animal a di nadalus dua laeng, ti kalakian ken ti kaasmangna;  kasta met kadagiti agtaytayab a parsua iti langlangit iti sagpipito, kalakian ken kabaian,+ tapno taginayonen a sibibiag ti kaputotan iti rabaw ti intero a daga.+  Ta iti pito laengen nga aldaw pagtuduek+ iti rabaw ti daga iti uppat a pulo nga aldaw ken uppat a pulo a rabii;+ ket punasekto ti tunggal adda a banag nga inaramidko manipud iti rabaw ti daga.”+  Ket inaramid ni Noe ti maitunos iti isuamin nga imbilin kenkuana ni Jehova.  Ket ni Noe innem a gasut ti tawenna idi a ti layus ti dandanum napasamak iti daga.+  Gapuna simrek ni Noe, ken ti annakna ken ti asawana ken ti assawa ti annakna a maikuyog kenkuana, iti daong kasanguanan ti dandanum ti layus.+  Iti tunggal nadalus nga animal ken iti tunggal animal a di nadalus ken kadagiti agtaytayab a parsua ken isuamin nga aggaraw iti daga,+  simrekda a sagdudua a napan ken Noe iti uneg ti daong, kalakian ken kabaian, kas iti imbilin ti Dios ken Noe. 10  Ket pito nga aldaw kalpasanna napasamak a ti dandanum ti layus dimtengda iti rabaw ti daga. 11  Idi maikanem a gasut a tawen ti panagbiag ni Noe, iti maikadua a bulan, iti maikasangapulo ket pito nga aldaw ti bulan, itoy nga aldaw nagpussuak dagiti amin nga ubbog ti nakadakdakkel a nadanum a yuyeng ket naluktan dagiti aribengbeng ti langlangit.+ 12  Ket ti bayakabak iti rabaw ti daga nagtultuloy iti uppat a pulo nga aldaw ken uppat a pulo a rabii.+ 13  Iti daytoy met laeng nga aldaw simrek ni Noe, ken ni Sem ken ni Ham ken ni Jafet, annak ni Noe,+ ken ti asawa ni Noe ken ti tallo nga assawa ti annakna a maikuyog kenkuana, iti daong;+ 14  isuda ken tunggal atap nga animal sigun iti kakikitana,+ ken tunggal naamo nga animal sigun iti kakikitana, ken tunggal aggargaraw nga animal nga aggaraw iti daga sigun iti kakikitana,+ ken tunggal agtaytayab a parsua sigun iti kakikitana,+ tunggal tumatayab, tunggal nagpayak a parsua.+ 15  Ket nagtultuloyda a napan ken Noe iti uneg ti daong, sinagdudua, iti tunggal kita ti lasag nga iti dayta aktibo ti puersa ti biag.+ 16  Ket dagidiay sumsumrek, kalakian ken kabaian ti tunggal kita ti lasag, simrekda, kas iti imbilin kenkuana ti Dios. Kalpasan dayta inrikep ni Jehova ti ruangan iti likudanna.+ 17  Ket ti layus nagtultuloy iti uppat a pulo nga aldaw iti rabaw ti daga, ket ti dandanum nagtultuloy a dimmakkel ket nangrugi nga inawitda ti daong ket tumtumpaw iti nangato iti ngatuen ti daga. 18  Ket ti dandanum nagbalin a manglapunos ket nagtultuloy a dimmakkel iti kasta unay iti rabaw ti daga, ngem ti daong nagtultuloy iti rabaw ti dandanum.+ 19  Ket ti dandanum linapunosda ti daga iti kasta unay nga amin dagiti natayag a bantay nga adda iti baba ti intero a langlangit natinep.+ 20  Agingga iti sangapulo ket lima a kasiko linapunos ida ti dandanum ket ti bambantay naabbongan.+ 21  Gapuna isuamin a lasag nga aggargaraw iti rabaw ti daga nauyos ti biagda,+ kadagiti agtaytayab a parsua ken kadagiti naamo nga animal ken kadagiti atap nga animal ken kadagiti amin a pangen nga agpangpangen iti rabaw ti daga, ken intero a sangatauan.+ 22  Isuamin nga iti dayta aktibo kadagiti abut ti agongna ti anges ti puersa ti biag, kayatna a sawen, isuamin nga adda iti namaga a daga, natay.+ 23  Iti kasta pinunasna ti tunggal banag nga adda idi iti rabaw ti daga, manipud iti tao agingga iti animal, agingga iti aggargaraw nga animal ken agingga iti agtaytayab a parsua iti langlangit, ket napunasda iti daga;+ ket ni laeng Noe ken dagidiay naikuyog kenkuana iti daong ti nagtultuloy a nakalasat.+ 24  Ket ti dandanum nagtultuloy a linapunosda ti daga iti sangagasut ket limapulo nga aldaw.

Footnotes