Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 6:1-22

6  Ita naaramid nga idi a dagiti tattao nangrugi a dumakkel ti bilangda iti rabaw ti daga ket nayanak kadakuada ti annak a babbai,+  idin ti annak ti pudno a Dios+ nangrugi a mapaliiwda+ ti annak a babbai ti tattao, a napipintasda; ket nangalada iti assawa a maipaay iti bagbagida, awan sabali, dagiti amin a pinilida.  Kalpasan dayta kinuna ni Jehova: “Ti espirituk+ saanto nga agtignay iti tao iti di nakedngan+ gapu ta isu lasag met.+ Iti kasta ti al-aldawna agdagupto iti sangagasut ket duapulo a tawen.”+  Dagiti Nefilim addada idi iti daga kadagidiay nga aldaw, ken kasta met kalpasan dayta, idi a ti annak ti pudno a Dios nagtultuloyda a makidenna iti annak a babbai ti tattao ket nagipasngayda iti annak kadakuada, isuda dagidiay mannakabalin nga adda idi ugma, dagiti agdindinamag a lallaki.  Gapuna nakita ni Jehova a ti kinadakes ti tao naruay iti daga ken tunggal pagannayasan+ ti pampanunot ti pusona dakes laeng iti amin a tiempo.+  Ket nagladladingitan ni Jehova+ ti panangaramidna kadagiti tattao iti daga, ket nasaktan ti pusona.+  Gapuna kinuna ni Jehova: “Punasek dagiti tattao a pinarsuak+ manipud iti rabaw ti daga, manipud iti tao agingga iti naamo nga animal, agingga iti aggargaraw nga animal ken agingga iti agtaytayab a parsua iti langlangit,+ agsipud ta pagladingitak nga inaramidko ida.”+  Ngem ni Noe nakasarak iti pabor kadagiti mata ni Jehova.  Daytoy ti pakasaritaan ni Noe. Ni Noe maysa a lalaki a nalinteg.+ Pinaneknekanna ti bagina nga awan pagkuranganna iti tengnga dagiti kapatadanna. Ni Noe nakipagna iti pudno a Dios.+ 10  Idi agangay nagbalin ni Noe nga ama ti tallo nga annak, da Sem, Ham ken Jafet.+ 11  Ket ti daga nadadael iti imatang ti pudno a Dios+ ken ti daga napno iti kinaranggas.+ 12  Gapuna ti Dios nakitana ti daga ket, adtoy! nadadael,+ agsipud ta isuamin a lasag dinadaelna ti dalanna iti daga.+ 13  Kalpasan dayta ti Dios kinunana ken Noe: “Ti panungpalan ti isuamin a lasag dimtengen iti imatangko,+ agsipud ta ti daga napno iti kinaranggas maigapu kadakuada; ket adtoy dadaelek ida a mairaman iti daga.+ 14  Mangaramidka maipaay kenka iti maysa a daong manipud kayo ti natutot a kayo.+ Mangaramidkanto kadagiti benneg iti daong, ket iti uneg ken ruar masapul a kalupkopam dayta iti alkitran.+ 15  Ket kastoy ti panangaramidmonto iti dayta: tallo gasut a kasiko+ ti kaatiddog ti daong, limapulo a kasiko ti kaakabana, ket tallopulo a kasiko ti kangatona. 16  Iyaramidamto ti daong iti tso′har [atep; wenno, tawa], ket an-anayemto agingga iti sangkasiko nga agpangato, ket ti pagserkan ti daong ikabilmonto iti sikiganna;+ aramidemto nga addaan makimbaba a kadsaaran, maikadua a kadsaaran ken maikatlo a kadsaaran. 17  “Ket no maipapan kaniak, adtoy iyegko ti layus+ ti dandanum iti rabaw ti daga tapno mangdadael iti isuamin a lasag a kadakuada aktibo ti puersa ti biag+ iti baba ti langlangit. Isuamin nga adda iti daga mauyosto ti biagda.+ 18  Ket ipasdekko ti tulagko kenka; ket masapul a sumrekka iti daong, sika ken ti annakmo ken ti asawam ken ti assawa ti annakmo a maikuyog kenka.+ 19  Ket ti tunggal sibibiag a parsua ti tunggal kita ti lasag,+ dua iti tunggal kita, iserrekmonto iti daong tapno taginayonen ida a sibibiag a maikuyog kenka.+ Kalakian ken kabaiandanto. 20  Kadagiti agtaytayab a parsua sigun kadagiti kakikitada ken kadagiti naamo nga animal sigun kadagiti kakikitada,+ kadagiti amin nga aggargaraw nga animal iti daga sigun kadagiti kakikitada, dua iti tunggal kita sumrekto sadiay a mapan kenka tapno mataginayon ida a sibibiag.+ 21  Ket no maipapan kenka, iyalaam ti bagim iti tunggal kita ti taraon a makan;+ ket ummongemto kenka, ket agserbinto a taraon a maipaay kenka ken maipaay kadakuada.”+ 22  Ket inaramid ni Noe ti maitunos iti isuamin nga imbilin kenkuana ti Dios. Inaramidna ti kasta met laeng.+

Footnotes