Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 47:1-31

47  Iti kasta immay ni Jose ket impadamagna ken Faraon ket kinunana:+ “Ni amak ken ti kakabsatko ken dagiti arbanda ken dagiti pangenda ken isuamin nga adda kadakuada dimtengda manipud daga ti Canaan, ket adtoy addada idiay daga ti Gosen.”+  Ket manipud iti intero a bilang ti kakabsatna isu nangala iti lima a lallaki, tapno maidatagna ida ken Faraon.+  Idin kinuna ni Faraon iti kakabsatna: “Ania ti pagsapulanyo?”+ Gapuna kinunada ken Faraon: “Dagiti adipenmo agtartarakenda iti karnero,+ agpadpada a dakami ken dagidi ammami.”+  Kalpasan dayta kinunada ken Faraon: “Immaykami tapno agtaengkami kas ganggannaet iti daga,+ agsipud ta awan pagpaaraban a maipaay iti arban a kukua dagiti adipenmo,+ ta ti bisin nakaro idiay daga ti Canaan.+ Ket ita bay-am nga agnaed dagiti adipenmo, pangngaasim, iti daga ti Gosen.”+  Iti kasta ni Faraon kinunana ken Jose: “Ni amam ken ti kakabsatmo immayda kenka ditoy.  Ti daga ti Egipto adda iti aywanmo.+ Pagnaedem ni amam ken ti kakabsatmo iti kasayaatan unay ti daga.+ Bay-am nga agnaedda iti daga ti Gosen,+ ket no ammom nga adda natured a lallaki kadakuada,+ masapul a dutokam ida a papanguluen ti an-animal a kukuak.”+  Kalpasanna ni Jose inserrekna ni Jacob nga amana ket inyam-ammona ken Faraon, ket ni Jacob binendisionanna ni Faraon.+  Ni Faraon kinunana ita ken Jacob: “Kasano kaadu dagiti aldaw ti tawtawen ti panagbiagmo?”  Gapuna ni Jacob kinunana ken Faraon: “Dagiti aldaw ti tawtawen dagiti panagnaedko kas ganggannaet sangagasut ket tallopulo a tawen.+ Bassit idi ken nariribuk dagiti aldaw ti tawtawen ti panagbiagko,+ ket saanda a nadanon dagiti aldaw ti tawtawen dagiti panagbiag ti ammak kadagiti aldaw dagiti panagnaedda kas ganggannaet.”+ 10  Kalpasan dayta ni Jacob binendisionanna ni Faraon ket rimmuar manipud iti sanguanan ni Faraon.+ 11  Iti kasta ni Jose pinagnaedna ni amana ken ti kakabsatna ket inikkanna ida iti sanikua iti daga ti Egipto, iti kasayaatan unay ti daga, iti daga ti Rameses,+ kas iti imbilin ni Faraon. 12  Ket ni Jose intultuloyna nga inabastuan ni amana ken ti kakabsatna ken ti intero a sangakabbalayan ni amana iti tinapay,+ sigun iti bilang dagidiay ubbing.+ 13  Ita awan idi ti tinapay iti intero a daga, agsipud ta ti panagbisin nakaro unay;+ ket ti daga ti Egipto ken ti daga ti Canaan kimmapsut kas bunga ti bisin.+ 14  Ket inummong ni Jose ti isuamin a kuarta a masarakan idi iti daga ti Egipto ken iti daga ti Canaan maipaay iti bukbukel a gatgatangen dagiti tattao;+ ket intultuloy nga impan ni Jose ti kuarta iti balay ni Faraon. 15  Idi agangay nabusbosen ti kuarta manipud iti daga ti Egipto ken iti daga ti Canaan, ket amin dagiti Egipcio nangrugida nga immay ken Jose, a kunkunada: “Ikkannakami iti tinapay!+ Ket apay koma a mataykami iti sanguanam gapu ta naibusen ti kuarta?”+ 16  Idin kinuna ni Jose: “Iyawatyo dagiti dinguenyo ket ikkankayto iti tinapay a sukat dagiti dinguenyo, no naibusen ti kuarta.” 17  Ket rinugianda nga inyeg dagiti dinguenda ken Jose; ket inik-ikkan ida ni Jose iti tinapay a sukat dagiti kabalioda ken dagiti dinguen ti arban ken dagiti dinguen ti pangen ken dagiti asno,+ ket impapaayanna ida iti tinapay a sukat ti isuamin a dinguenda bayat dayta a tawen. 18  Nagin-inut a nagpatingga dayta a tawen, ket nangrugida nga immay kenkuana iti sumaganad a tawen ken nagkuna kenkuana: “Saanminto nga ilemmeng iti apok ngem ti kuarta ken ti pangen dagiti naamo nga animal nabusbosen iti apok.+ Awanen ti nabati iti sanguanan ti apok no di ti bagbagimi ken ti dagami.+ 19  Apay koma a mataykami iti imatangmo,+ agpadpada a dakami ken ti dagami? Gatangennakami ken ti dagami maipaay iti tinapay,+ ket dakami agraman ti dagami agbalinto nga ad-adipen ken Faraon; ket ikkannakami iti bin-i tapno agbiagkami koma ket saankami a matay ket ti dagami saan a mapaglangalang.”+ 20  Gapuna ginatang ni Jose ti intero a daga dagiti Egipcio maipaay ken Faraon,+ agsipud ta dagiti Egipcio inlakoda tunggal maysa ti talonna, ta ti panagbisin immirut ti panangpetpetna kadakuada; ket ti daga nagbalin a kukua ni Faraon. 21  No maipapan kadagiti umili, impanawna ida nga impan kadagiti siudad manipud maysa nga ungto ti teritoria ti Egipto agingga iti sabali nga ungtona.+ 22  Ti laeng daga ti papadi ti saanna a ginatang,+ agsipud ta dagiti rasion a maipaay iti papadi naggapuda ken Faraon ket kinnanda dagiti rasionda nga inted kadakuada ni Faraon.+ Dayta ti makagapu a saanda nga inlako ti dagada.+ 23  Idin kinuna ni Jose kadagiti umili: “Kitaenyo, ita nga aldaw ginatangkayo ken ti dagayo maipaay ken Faraon. Adtoy ti bin-i a maipaay kadakayo, ket masapul a mulaanyo ti daga iti dayta.+ 24  Inton mangibunga iti apit,+ ngarud masapul nga itedyo ken Faraon ti apagkalima,+ ngem ti uppat a paset agbalinto a kukuayo kas bin-i a maipaay iti talon ken kas taraon a kanen maipaay kadakayo ken maipaay kadagidiay adda kadagiti balayyo ken maipaay kadagidiay ubbingyo.”+ 25  Gapu itoy kinunada: “Tinaginayonmo dagiti biagmi.+ Makasarakkami koma iti pabor kadagiti mata ni apok, ket agbalinkamto nga ad-adipen ken Faraon.”+ 26  Ket ni Jose inaramidna dayta a maysa a bilin agingga itoy nga aldaw mainaig iti sanikua a daga ti Egipto a maited ken Faraon ti maikalima a paset. Ti laeng daga ti papadi kas naisalsalumina a bunggoy ti saan a nagbalin a kukua ni Faraon.+ 27  Ket ti Israel nagtultuloy nga agnaed idiay daga ti Egipto, iti daga ti Gosen;+ ket nagbalinda nga aggigian iti dayta ken nabungada ket immaduda unay.+ 28  Ket ni Jacob nagtultuloy a nagbiag iti daga ti Egipto iti sangapulo ket pito a tawen, iti kasta dagiti aldaw ni Jacob, ti tawtawen ti panagbiagna, nagdagup iti sangagasut uppat a pulo ket pito a tawen.+ 29  Nagin-inut nga immadani dagiti aldaw ti ipapatay ni Israel.+ Gapuna inayabanna ni anakna a Jose ket kinunana kenkuana: “No, ita, nakasarakak iti pabor kadagita matam, ikabilmo ta imam, pangngaasim, iti sirok ti luppok,+ ket watwatemto maipaay kaniak ti naayat a kinamanangngaasi ken kinamapagpiaran.+ (Pangngaasim, saannak nga itabon iti Egipto.)+ 30  Ket makikaiddaakto kadagiti ammak,+ ket awitennakto nga iruar manipud Egipto ket itabonnak iti tanemda.”+ Iti kasta kinunana: “Siak aramidekto kas panangsalimetmet iti saom.” 31  Kalpasanna kinunana: “Agsapataka kaniak.” Gapuna nagsapata kenkuana.+ Iti kasta inruknoy ni Israel ti bagina iti rabaw ti uluanan ti sopa.+

Footnotes