Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 46:1-34

46  Iti kasta pimmanaw ni Israel ken ti isuamin a kukuana ket dimteng idiay Beer-seba,+ ket nangisakripisio kadagiti sakripisio iti Dios ni amana nga Isaac.+  Kalpasanna ti Dios nagsao ken Israel kadagiti sirmata iti rabii ket kinunana:+ “Jacob, Jacob!” nga iti dayta kinunana: “Adtoyak!”+  Ket kinunana: “Siak ti pudno a Dios,+ ti Dios ni amam.+ Dika agbuteng a sumalog idiay Egipto, ta pagbalinenkanto sadiay a dakkel a nasion.+  Siak kuyogenkanto a sumalog idiay Egipto ket sigurado a siak pasang-atenkanto met;+ ket ni Jose ipataynanto ti imana kadagiti matam.”+  Kalpasan dayta nagluas ni Jacob manipud Beer-seba, ket ti annak ni Israel intultuloyda nga indaliasat ni Jacob nga amada ken dagiti ubbingda ken dagiti assawada kadagiti kareson nga impatulod ni Faraon a pangidaliasat kenkuana.+  Kanayonanna, intugotda dagiti pangenda ken dagiti sanikuada, a naurnongda idiay daga ti Canaan.+ Iti kamaudiananna dimtengda idiay Egipto, ni Jacob ken isuamin a putotna a naikuyog kenkuana.  Intugotna ti annakna a lallaki ken ti annak a lallaki ti annakna a lallaki a naikuyog kenkuana, ti annakna a babbai ken ti annak a babbai ti annakna a lallaki, ti mismo nga isuamin a putotna, a maikuyog kenkuana idiay Egipto.+  Ita dagitoy ti nagnagan ti annak ni Israel a dimteng iti Egipto:+ Ni Jacob ken ti annakna: Ti inauna ni Jacob isu ni Ruben.+  Ket ti annak ni Ruben isu da Hanoc ken Pallu ken Hezron ken Carmi.+ 10  Ket ti annak ni Simeon+ isu da Jemuel ken Jamin ken Ohad ken Jaquin+ ken Zohar ken Shaul+ nga anak ti maysa a babai a Canaanita. 11  Ket ti annak ni Levi+ isu da Gerson,+ Cohat+ ken Merari.+ 12  Ket ti annak ni Juda+ isu da Er+ ken Onan+ ken Sela+ ken Perez+ ken Zera.+ Nupay kasta, da Er ken Onan natayda idiay daga ti Canaan.+ Ket ti annak ni Perez isu idi da Hezron+ ken Hamul.+ 13  Ket ti annak ni Isacar+ isu da Tola+ ken Puva+ ken Yob ken Simron.+ 14  Ket ti annak ni Zabulon+ isu da Sered ken Elon ken Jaleel.+ 15  Dagitoy ti annak ni Lea,+ nga impasngayna ken Jacob idiay Padan-aram, agraman ti anakna a babai a ni Dina.+ Amin dagiti kararua ti annakna a lallaki ken ti annakna a babbai tallopulo ket talloda. 16  Ket ti annak ni Gad+ isu da Zifion ken Haggi, Suni ken Ezbon, Eri ken Arodi ken Areli.+ 17  Ket ti annak ni Aser+ isu da Imnah ken Isva ken Isvi ken Berias,+ ken adda idi ni Sera a kabsatda a babai. Ket ti annak ni Berias isu da Heber ken Malkiel.+ 18  Dagitoy ti annak ni Zilpa,+ nga inted ni Laban iti anakna a babai a ni Lea. Idi agangay impasngayna dagitoy ken Jacob: sangapulo ket innem a kararua. 19  Ti annak ni Raquel,+ asawa ni Jacob, isu da Jose+ ken Benjamin.+ 20  Ket nayanak idi ken Jose idiay daga ti Egipto da Manases+ ken Efraim,+ nga impasngay kenkuana ni Asenat+ nga anak a babai ni Potifera a padi ti On. 21  Ket ti annak ni Benjamin isu da Bela+ ken Bequer+ ken Asbel, Gera+ ken Naaman,+ Ehi ken Ros, Muppim+ ken Huppim+ ken Ard. 22  Dagitoy ti annak ni Raquel a nayanak ken Jacob. Amin dagiti kararua sangapulo ket uppatda. 23  Ket ti annak ni Dan+ isu da Husim.+ 24  Ket ti annak ni Neftali+ isu da Jazeel ken Guni+ ken Jezer ken Sillem.+ 25  Dagitoy ti annak ni Bilha,+ nga inted ni Laban iti anakna a babai a ni Raquel. Idi agangay impasngayna dagitoy ken Jacob; amin dagiti kararua pitoda. 26  Amin dagiti kararua nga immay ken Jacob iti Egipto isuda dagidiay nagtaud iti makinngato a luppona,+ malaksid dagiti assawa ti annak a lallaki ni Jacob. Amin dagiti kararua innem a pulo ket innemda. 27  Ket ti annak ni Jose a nayanak kenkuana idiay Egipto duada a kararua. Amin dagiti kararua iti balay ni Jacob nga immay iti Egipto pitopuloda.+ 28  Ket imbaonna ni Juda+ nga umun-una kenkuana a mapan ken Jose tapno mangipaay iti pakaammo a nasaksakbay ngem isu idiay Gosen. Kalpasan dayta dimtengda idiay daga ti Gosen.+ 29  Idin impaisagana ni Jose ti karuahena ket simmang-at a sumabet ken Israel nga amana idiay Gosen.+ Idi nagparang kenkuana madagdagus nga inapungolna ti tengngedna ket nagarubos dagiti luana iti tengngedna a maulit-ulit.+ 30  Kamaudiananna ni Israel kinunana ken Jose: “Iti daytoy a tiempo situtulokak a matay,+ ita ta nakitakon ti rupam, yantangay sibibiagka pay.” 31  Kalpasanna kinuna ni Jose iti kakabsatna ken iti sangakabbalayan ni amana: “Palubosandak a sumang-at ket ipadamagko ken Faraon ket kunaek kenkuana,+ ‘Ti kakabsatko ken ti sangakabbalayan ni amak nga adda idi idiay daga ti Canaan immayda kaniak ditoy.+ 32  Ket dagiti lallaki papastorda,+ agsipud ta nagbalinda nga agtartaraken iti an-animal;+ ket dagiti arbanda ken dagiti pangenda ken isuamin nga adda kadakuada inyegda ditoy.’+ 33  Ket ti masapul a mapasamak ket inton ayabannakayo ni Faraon ken pudno a kunaenna, ‘Ania ti pagsapulanyo?’ 34  masapul a kunaenyo, ‘Dagiti adipenmo nagtultuloyda nga agtartaraken iti an-animal nanipud iti kinaagtutubomi agingga ita, agpadpada a dakami ken dagidi ammami,’+ tapno makapagnaedkayo iti daga ti Gosen,+ agsipud ta tunggal agtartaraken iti karnero nakarimrimon a banag iti Egipto.”+

Footnotes