Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 45:1-28

45  Gapu itoy saanen a kabaelan ni Jose a medmedan ti bagina iti sanguanan amin dagidiay adda iti sibayna.+ Gapuna impukkawna: “Paruarenyo ti isuamin manipud kaniak!” Ket awanen ti sabali pay a nagtalinaed a kaduana bayat nga impakaammo ni Jose ti bagina iti kakabsatna.+  Ket impigsana ti timekna iti panagsangit,+ iti kasta nangngeg dayta dagiti Egipcio ket nangngeg dayta ti balay ni Faraon.  Kamaudiananna kinuna ni Jose iti kakabsatna: “Siak ni Jose. Sibibiag pay laeng kadi ni amak?” Ngem saan a pulos nabalinan a sungbatan ti kakabsatna, agsipud ta nariribukanda gapu kenkuana.+  Gapuna kinuna ni Jose iti kakabsatna: “Umasidegkayo kaniak, pangngaasiyo.” Iti kasta immasidegda kenkuana. Kalpasanna kinunana: “Siak ni Jose a kabsatyo, nga inlakoyo iti Egipto.+  Ngem ita dikay masaktan+ ken dikay kaunget ti bagbagiyo gapu ta inlakodak ditoy; agsipud ta maipaay iti pannakataginayon ti biag imbaonnak ti Dios nga inyun-una kadakayo.+  Ta daytoy ti maikadua a tawen ti panagbisin iti tengnga ti daga,+ ket adda pay lima a tawen nga awanto ti tiempo ti panagarado wenno panagani.+  Gapu itoy imbaonnak ti Dios nga inyun-una kadakayo tapno mangikabilak iti natda+ maipaay kadakayo iti daga ken tapno pagtalinaedenkayo a sibibiag babaen ti dakkel nga itatalaw.  Gapuna ita saan a dakayo ti nangibaon kaniak ditoy,+ no di ket ti pudno a Dios, tapno madutokannak nga ama+ ken Faraon ken apo iti intero a balayna ken kas mangdominar iti intero a daga ti Egipto.  “Sumang-atkayo a sidadaras ken amak, ket masapul a kunaenyo kenkuana, ‘Daytoy ti kinuna ni anakmo a Jose: “Ti Dios dinutokannak nga apo iti intero nga Egipto.+ Sumalogka nga umay kaniak. Dika agtaktak. 10  Ket masapul nga agnaedka iti daga ti Gosen,+ ket masapul nga agtalinaedka iti asidegko, sika ken ti annakmo ken ti annak dagiti annakmo ken dagiti arbanmo ken dagiti pangenmo ken isuamin nga adda kenka. 11  Ket abastuankanto iti taraon sadiay, ta adda pay lima a tawen ti panagbisin;+ ta amangan no kumurapayka ken ti balaymo ken ti isuamin nga adda kenka.”’ 12  Ket adtoy dagiti matayo ken dagiti mata ni kabsatko a Benjamin makitkitada a ti ngiwatko ti agsasao kadakayo.+ 13  Gapuna masapul nga ibagayo ken amak maipapan ti isuamin a dayagko iti Egipto ken ti isuamin a nakitayo; ket masapul nga agdardaraskayo ket isalogyo ditoy ni amak.” 14  Kalpasanna inapungolna ti tengnged ni Benjamin a kabsatna ket nagsangit, ket ni Benjamin nagsangit iti tengngedna.+ 15  Ket inagepanna ti amin a kakabsatna ket nagsangit kadakuada,+ ket kalpasan dayta nakisao kenkuana ti kakabsatna. 16  Ket ti damag nangngegan idi iti balay ni Faraon, a kunkunana: “Immay dagiti kakabsat ni Jose!” Ket naimbag idi dayta kadagiti mata ni Faraon ken dagiti adipenna.+ 17  Iti kasta ni Faraon kinunana ken Jose: “Sawem iti kakabsatmo, ‘Aramidenyo daytoy: Paawitanyo dagiti animalyo a pagtrabaho ket inkay sumrek idiay daga ti Canaan,+ 18  ket alaenyo ni amayo ken dagiti sangakabbalayanyo ket umaykayo kaniak ditoy, tapno maitedko kadakayo ti imbag iti daga ti Egipto; ket kanenyo ti nataba a paset ti daga.+ 19  Ket sika mabilinka:+ “Aramidenyo daytoy: Iyalaanyo ti bagbagiyo kadagiti kareson+ manipud iti daga ti Egipto agpaay kadagiti ubbingyo ken kadagiti assawayo, ket masapul nga iluganyo ni amayo iti maysa ket umaykayo ditoy.+ 20  Ket dikay bay-an ti matayo a mailalaan iti alikamenyo,+ agsipud ta ti imbag ti intero a daga ti Egipto kukuayo.”’”+ 21  Kalpasan dayta ti annak ni Israel inaramidda ti kasta, ket inikkan ida ni Jose kadagiti kareson maitunos iti bilbilin ni Faraon ket inikkanna ida kadagiti pagtaraon+ iti dalan. 22  Iti tunggal maysa kadakuada isu nangted kadagiti saggaysa a pagsukatan a kagay,+ ngem ken Benjamin nangted iti tallo gasut a kapisi a pirak ken lima a pagsukatan a kagay.+ 23  Ket ni amana pinatulodanna kadagiti sumaganad: sangapulo nga asno a siaawit iti naimbag a bambanag ti Egipto ken sangapulo nga asna a siaawit iti bukbukel ken tinapay ken pagtaraon nga agpaay ken amana iti dalan. 24  Iti kasta pinalubosanna ti kakabsatna, ket napanda. Nupay kasta, kinunana kadakuada: “Dikay karurod ti maysa ken maysa iti dalan.”+ 25  Ket rinugianda ti simmang-at manipud Egipto ket iti kamaudiananna dimtengda idiay daga ti Canaan ken Jacob nga amada. 26  Idin impadamagda kenkuana, a kunkunada: “Ni Jose sibibiag pay, ket isu ti mangdomdominar iti intero a daga ti Egipto!”+ Ngem nabibineg ti pusona, agsipud ta saanna a pinati ida.+ 27  Idi sinaoda kenkuana ti amin a sasao ni Jose nga insaona kadakuada ken nakitana dagiti kareson nga impatulod ni Jose a mangilugan kenkuana, ti espiritu ni Jacob nga amada nangrugi a maungaran.+ 28  Idin inyebkas ni Israel: “Umanayen! Ni Jose nga anakko sibibiag pay! Ah, bay-andak a mapan ket isu kitaek sakbay a matayak!”+

Footnotes