Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 42:1-38

42  Iti kamaudiananna nakita ni Jacob nga adda bukbukel idiay Egipto.+ Idin kinuna ni Jacob iti annakna: “Apay nga agkikinnitakayo?”  Ket innayonna: “Adtoy nangngegko nga adda bukbukel idiay Egipto.+ Sumalogkayo sadiay ket gumatangkayo sadiay iti agpaay kadatayo, tapno makapagtalinaedtayo a sibibiag ket saantayo a matay.”  Iti kasta simmalog ti sangapulo a kakabsat+ ni Jose tapno gumatangda iti bukbukel manipud Egipto.  Ngem ni Jacob saanna nga imbaon ni Benjamin,+ kabsat ni Jose, a kumuyog iti sabsabali pay a kakabsatna, agsipud ta kinunana: “Di la ket ta mapagteng kenkuana ti maysa a makapapatay nga aksidente.”+  Gapuna ti annak ni Israel napanda a kagiddan ti sabsabali pay nga immay gumatang, agsipud ta ti nakaro a bisin naadda iti daga ti Canaan.+  Ket ni Jose isu idi ti lalaki nga adda iti pannakabalin iti daga.+ Isu idi daydiay aglaklako kadagiti amin a tattao ti daga.+ Gapu itoy dimteng dagiti kakabsat ni Jose ket nagruknoyda kenkuana a ti ruprupada dumanon iti daga.+  Idi nakita ni Jose ti kakabsatna, dagus a nabigbigna ida, ngem saanna nga impabigbig kadakuada ti bagina.+ Gapuna nakisao a sigugubsang kadakuada ket kinunana kadakuada: “Sadino ti naggapuanyo?” nga iti dayta kinunada: “Manipud iti daga ti Canaan tapno gumatangkami kadagiti pagtaraon.”+  Iti kasta nabigbig ni Jose ti kakabsatna, ngem isu saanda a nabigbig.  Dagus a nalagip ni Jose dagiti tagtagainep a natagtagainepna maipapan kadakuada,+ ket kinunana kadakuada: “Dakayo managsimisimkayo! Immaykayo tapno kitaenyo ti sipapanayag a kasasaad ti daga!”+ 10  Idin kinunada kenkuana: “Saan, apok,+ no di ket dagiti adipenmo+ immayda tapno gumatangda kadagiti pagtaraon. 11  Dakami amin annaknakami ti maymaysa a lalaki. Nalintegkami a lallaki. Dagiti adipenmo saanda nga agserserbi kas managsimisim.”+ 12  Ngem kinunana kadakuada: “Saankayo a kasta! Agsipud ta immaykayo tapno kitaenyo ti sipapanayag a kasasaad ti daga!”+ 13  Gapu itoy kinunada: “Dagiti adipenmo sangapulo ket duada nga agkakabsat a lallaki.+ Dakami annaknakami ti maymaysa a lalaki+ iti daga ti Canaan; ket adtoy ti inaudian adda ken amami ita nga aldaw,+ idinto ta daydiay sabali awanen.”+ 14  Nupay kasta, kinuna kadakuada ni Jose: “Dayta ti sinaok kadakayo, a kinunak, ‘Dakayo managsimisimkayo!’ 15  Babaen iti daytoy masubokkayto. Kas sibibiag ni Faraon, saankayto a pumanaw ditoy malaksid no umay ditoy ti inaudian a kabsatyo.+ 16  Ibaonyo ti maysa kadakayo tapno alaenna koma ti kabsatyo bayat a sibabaludkayo, tapno masubok ti sasaoyo no pudnoda kadakayo.+ Ket no saan, ngarud, kas sibibiag ni Faraon, dakayo managsimisimkayo.” 17  Iti kasta impupokna ida a sangsangkamaysa iti tallo nga aldaw. 18  Kalpasan dayta kinuna kadakuada ni Jose iti maikatlo nga aldaw: “Aramidenyo daytoy ket agtalinaedkayo a sibibiag. Agbutengak+ iti pudno a Dios. 19  No nalintegkayo, bay-anyo nga agtalinaed a sibabalud ti maysa kadagiti kakabsatyo iti balay a nakaipupokanyo,+ ngem mapan ti dadduma kadakayo, mangipankayo iti bukbukel maipaay iti nakaro a bisin iti balbalayyo.+ 20  Kalpasanna iyegyonto kaniak ti inaudian a kabsatyo, tapno ti sasaoyo masarakan a mapagpiaran; ket saankayto a matay.”+ Ket inaramidda ti kasta. 21  Ket rinugianda a kunaen ti maysa iti sabali: “Di pagduaduaan a nakabasoltayo maipapan iti kabsattayo,+ agsipud ta nakitatayo ti tuok ti kararuana idi nagkiddaw iti panangngaasitayo, ngem saantayo nga immimdeng. Dayta ti makagapu a dimteng kadatayo daytoy a tuok.”+ 22  Idin sinungbatan ida ni Ruben, a kunkunana: “Saan aya a kinunak kadakayo, ‘Dikay agbasol a maikaniwas iti ubing,’ ngem saankayo nga immimdeng?+ Ket ita ti darana, adtoy sigurado a masingir dayta.”+ 23  No maipapan kadakuada, saanda nga ammo nga agim-imdeng idi ni Jose, agsipud ta adda manangipatarus iti nagbaetanda. 24  Gapu itoy immadayo kadakuada ket nangrugi nga agsangit.+ Kalpasanna nagsubli kadakuada ket nagsao kadakuada ket innalana ni Simeon+ kadakuada ket pinarautanna iti imatangda.+ 25  Kalpasan dayta ni Jose intedna ti bilin, ket napanda pinunno dagiti pagkargaanda iti bukbukel. Kasta met, isublida ti kuarta dagiti lallaki iti kada sako ti tunggal maysa+ ken ikkan ida kadagiti pagtaraon iti panagbaniaga.+ Ngarud naaramid a kasta kadakuada. 26  Gapuna impasakayda ti bukbukelda kadagiti asnoda ket napanda manipud sadiay. 27  Idi a linuktan ti maysa ti sakona tapno ikkanna iti taraon ti asnona idiay disso a pagdagusan,+ nakitana ti kuartana, ket adtoy adda iti ngarab ti supotna.+ 28  Iti kasta kinunana iti kakabsatna: “Naisubli ti kuartak ket ita adtoy adda iti supotko!” Idin limned ti puspusoda, iti kasta namigergerda a bimmaw-ing iti maysa ken maysa,+ a kunkunada: “Ania daytoy inaramid kadatayo ti Dios?”+ 29  Iti kamaudiananna dimtengda ken Jacob nga amada idiay daga ti Canaan ket imbagada kenkuana ti amin a bambanag a napagtengda, a kunkunada: 30  “Ti lalaki nga apo ti pagilian nakisao a sigugubsang kadakami,+ yantangay impagarupnakami a lallaki nga agsimsimisim iti pagilian.+ 31  Ngem kinunami kenkuana, ‘Nalintegkami a lallaki.+ Saankami nga agserserbi kas managsimisim. 32  Sangapulo ket duakami nga agkakabsat,+ ti annak ni amami.+ Maysa ti awanen,+ ket ti inaudian kadua ita nga aldaw ni amami idiay daga ti Canaan.’+ 33  Ngem kinuna kadakami ti lalaki nga apo ti pagilian,+ ‘Babaen iti daytoy ammuek a nalintegkayo:+ Pagbatienyo kaniak ti maysa a kabsatyo.+ Kalpasanna mangalakayo ti maipaay iti nakaro a bisin iti balbalayyo ket mapankayo.+ 34  Ket iyegyo kaniak ti inaudian a kabsatyo, tapno maammuak a saankayo a managsimisim no di ket nalintegkayo. Ti kabsatyo isublikto kadakayo, ket mabalinyo ti agnegosio itoy a daga.’”+ 35  Ket naaramid nga idi ik-ikkatenda ti nagyan dagiti sakoda adtoy adda idi ti nareppet a kuarta ti tunggal maysa iti sakona. Ket isuda kasta met ni amada nakitada ti narepreppet a kuartada, ket nagbutengda. 36  Idin inyebkas kadakuada ni Jacob nga amada: “Siak ti inulilayo!+ Awanen ni Jose ken awanen ni Simeon,+ ket ni Benjamin alaenyo! Siak ti dimtengan amin dagitoy a banag!” 37  Ngem kinuna ni Ruben iti amana: “Ti bukodko a dua nga annak mabalinmo a papatayen no isu saanko nga isubli kenka.+ Itedmo iti aywanko, ket siakto ti mangisubli kenkuana kenka.”+ 38  Nupay kasta, kinunana: “Ti anakko saanto a makipagsalog kadakayo, agsipud ta natayen ti kabsatna ket is-isunan ti nabati.+ No mapagteng kenkuana ti makapapatay nga aksidente iti dalan a papananyo, iti kasta pudno unay nga ibabayonto dagiti ubanko idiay Sheol buyogen ti ladingit.”+

Footnotes