Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 4:1-26

4  Ita ni Adan nakidenna ken Eva nga asawana ket nagsikog.+ Idi agangay impasngayna ni Cain+ ket kinunana: “Nakapataudak iti maysa a lalaki iti tulong ni Jehova.”+  Kalpasanna nagpasngay manen, ken kabsatna nga Abel.+ Ket ni Abel nagbalin a managtaraken iti karnero,+ ngem ni Cain nagbalin a managtalon iti daga.+  Ket naaramid iti panagngudo ti sumagmamano a tiempo a ni Cain nangyeg iti sumagmamano a bunga ti daga+ kas daton ken Jehova.+  Ngem no maipapan ken Abel, nangyeg met iti sumagmamano nga inauna+ ti arbanna, dagiti mismo a nalulukmeg kadakuada.+ Ita bayat a ni Jehova kumitkita buyogen ti panangpabor ken Abel ken iti datonna,+  saan a kimmita buyogen ti aniaman a panangpabor ken Cain ken iti datonna.+ Ket pimmudot ni Cain buyogen ti napalalo nga unget,+ ket nangrugi nga agliday ti rupana.  Gapu itoy ni Jehova kinunana ken Cain: “Apay nga agpupudotka buyogen ti unget ken apay a nagliday ti rupam?  No tumurongka iti panagaramid iti naimbag, awanto aya ti pannakaitan-ok?+ Ngem no saanka a tumurong iti panagaramid iti naimbag, adda basol a kumkumleb iti pagserkan, ket sika ti paggargartemanna;+ ket sika, iti biangmo, maparukmamto kadi dayta?”+  Kalpasan dayta ni Cain kinunana ken Abel a kabsatna: [“Mapanta idiay tay-ak.”] Gapuna naaramid a bayat nga addada idiay tay-ak, ni Cain dinuklosna ni Abel a kabsatna ket pinapatayna.+  Idi agangay ni Jehova kinunana ken Cain: “Sadino ti ayan ni Abel a kabsatmo?”+ ket kinunana: “Diak ammo. Siak aya ti agay-aywan ken kabsatko?”+ 10  Gapu itoy kinunana: “Ania ti inaramidmo? Imdengam! Ti dara ni kabsatmo um-umkis kaniak manipud iti daga.+ 11  Ket ita nailunodka iti pannakapagtalaw iti daga,+ a nanginganga iti ngiwatna tapno awatenna ti dara ni kabsatmo ita imam.+ 12  Inton talonem ti daga, saannanto nga isubli kenka ti bilegna.+ Managallaalla ken pugante ti pagbalinamto iti daga.”+ 13  Gapu itoy ni Cain kinunana ken Jehova: “Ti dusak gapu iti biddut dakkel unay nga awiten. 14  Adtoy pudno a pagtaltalawennak itoy nga aldaw iti rabaw ti daga, ket manipud iti sanguanam mailingedak;+ ket agbalinakto a managallaalla+ ken pugante iti daga, ket sigurado nga asinoman a makasarak kaniak papatayennakto.”+ 15  Gapu itoy kinuna kenkuana ni Jehova: “Iti dayta a rason asinoman a mangpapatay ken Cain masapul nga agsagaba iti pammales a mamimpito.”+ Ket ngarud nangipasdek ni Jehova iti pagilasinan ken Cain tapno saan a kabilen ti asinoman a makasarak kenkuana.+ 16  Gapuna pimmanaw ni Cain iti sanguanan ni Jehova+ ket nagtaeng iti daga ti Kinapugante idiay daya ti Eden. 17  Kalpasanna ni Cain nakidenna ken asawana+ ket nagsikog ket impasngayna ni Enoc. Idin nangibangon iti maysa a siudad ket pinanagananna ti siudad iti nagan ti anakna nga Enoc.+ 18  Idi agangay nayanak ken Enoc ni Irad. Ket ni Irad isu ti ama ni Mehujael, ket ni Mehujael isu ti ama ni Matusael, ket ni Matusael isu ti ama ni Lamec. 19  Ket ni Lamec nangala iti dua nga assawa maipaay iti bagina. Ti nagan ti umuna Ada ket ti nagan ti maikadua Zilla. 20  Idi agangay ni Ada impasngayna ni Jabal. Isu idi ti namunganay kadagidiay agnaed kadagiti tolda+ ken addaan dinguen.+ 21  Ket ti nagan ti kabsatna Jubal. Isu idi ti namunganay kadagidiay amin nga agar-aramat iti arpa+ ken pito.+ 22  No maipapan ken Zilla, impasngayna met ni Tubal-cain, ti mammanday iti tunggal kita ti rimienta a gambang ken landok.+ Ket ti kabsat a babai ni Tubal-cain isu ni Naama. 23  Gapuna pinutar ni Lamec dagitoy a sasao maipaay iti assawana a da Ada ken Zilla: “Denggenyo ti timekko, dakayo nga assawa ni Lamec; Umimdengkayo iti sasaok: Pinapatayko ti maysa a tao gapu iti panangsugatna kaniak, Wen, ti maysa nga agtutubo a lalaki gapu iti panangdanogna kaniak. 24  No mamimpito a maibalesan ni Cain,+ Ngarud ni Lamec mamimpitopulo ken pito.” 25  Ket ni Adan nakidenna manen ken asawana ket iti kasta nangipasngay iti anak a lalaki ket pinanagananna iti Set,+ agsipud ta, kas iti kinunana: “Ti Dios nangituding maipaay kaniak iti sabali pay a bin-i a mangsandi ken Abel, agsipud ta pinapatay ni Cain.”+ 26  Ket kasta met ken Set nayanak ti maysa nga anak a lalaki ket pinanagananna iti Enos.+ Iti dayta a tiempo narugian ti iyaawag iti nagan ni Jehova.+

Footnotes