Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 31:1-55

31  Idi agangay nangngegna ti sasao ti annak ni Laban, a kunkunada: “Innala ni Jacob ti isuamin a kukua ni amatayo; ket manipud iti kukua ni amatayo inakupna amin daytoy a kinabaknang.”+  No kumita ni Jacob iti rupa ni Laban, adtoy saanen a kas iti sigud kenkuana.+  Kamaudiananna ni Jehova kinunana ken Jacob: “Agsublika iti daga dagiti ammam ken iti kakabagiam,+ ket agtultuloyakto nga adda kenka.”+  Idin nagbaon ni Jacob ket pinaayabanna da Raquel ken Lea a mapan idiay talon iti arbanna,  ket kinunana kadakuada: “Makitkitak ti rupa ni amayo, nga isu saan a kas iti sigud kaniak;+ ngem ti Dios ni amak adda kaniak.+  Ket dakayo pudno unay a pagaammoyo a buyogen ti isuamin a bilegko nagserbiak ken amayo.+  Ket ni amayo pinagang-angawannak ket naminsangapulo a binaliwanna dagiti tangdanko, ngem isu saan a pinalubosan ti Dios a dangrannak.+  No iti maysa a bangir kunaenna, ‘Dagidiay tudiktudikan agbalindanto a tangdanmo,’ iti kasta ti intero nga arban nangpataud kadagiti tudiktudikan; ngem no iti sabali a bangir kunaenna, ‘Dagidiay garitgaritan agbalindanto a tangdanmo,’ iti kasta ti intero nga arban nangpataud kadagiti garitgaritan.+  Gapuna ti Dios intultuloyna nga innala ti pangen ni amayo ken intedna kaniak.+ 10  Iti kamaudiananna naaramid idi tiempo a nagmaya ti arban nga intangadko dagiti matak ket adda nakitak a buya iti maysa a tagtagainep+ ket adtoy garitgaritan dagiti kalakian a kalding a rumabrabaw iti arban, tudiktudikan ken labang.+ 11  Idin ti anghel ti pudno a Dios kinunana kaniak iti tagtagainep, ‘Jacob!’ nga iti dayta kinunak, ‘Adtoyak.’+ 12  Ket intuloyna, ‘Itannawagmo dagita matam, pangngaasim, ket kitaem dagiti amin a kalakian a kalding a rumabrabaw iti arban garitgaritanda, tudiktudikan ken labang, ta nakitak ti isuamin nga ar-aramiden kenka ni Laban.+ 13  Siak ti pudno a Dios ti Bethel,+ a sadiay nangsapsapoka iti adigi+ ken nagkarika iti maysa a kari kaniak.+ Ita tumakderka, pumanawka iti daytoy a daga ket agsublika iti daga a nakayanakam.’”+ 14  Gapu itoy simmungbat da Raquel ken Lea ket kinunada kenkuana: “Adda pay kadi binglay ti tawid a maipaay kadakami iti balay ni amami?+ 15  Saan aya a pudno a naibilangkami a kas ganggannaet kenkuana yantangay isu inlakonakami, iti kasta agtultuloy a mangmangan uray pay manipud iti kuarta a naited nga agpaay kadakami?+ 16  Ta amin dagiti kinabaknang nga innala ti Dios manipud ken amami kukuami ken kukua ti annakmi.+ Gapuna ita tunggal banag a sinao ti Dios kenka aramidem.”+ 17  Idin timmakder ni Jacob ket insakayna ti annakna ken dagiti assawana kadagiti kamelio;+ 18  ket rinugianna nga inabug ti isuamin a pangenna ken amin dagiti sanikua a naurnongna,+ ti nagun-odna a pangen a naurnongna idiay Padan-aram, tapno mapan ken Isaac nga amana idiay daga ti Canaan.+ 19  Ita ni Laban napan tapno pukisanna dagiti karnerona. Kabayatanna tinakaw ni Raquel ti terafim+ a kukua ni amana. 20  Gapuna ni Jacob sinikapanna ni Laban a Sirio, agsipud ta saanna nga imbaga kenkuana nga isu agtalaw. 21  Ket nagtalaw ken timmakder ket binallasiwna ti Karayan,+ isu ken ti isuamin nga adda kenkuana. Kalpasan dayta inturongna ti rupana iti nakabambantay a rehion ti Galaad.+ 22  Idi agangay, iti maikatlo nga aldaw, naibaga ken Laban a nagtalaw ni Jacob. 23  Gapu iti dayta inkuyogna ti kakabsatna ket isu kinamkamatda+ iti kaadayo ti pito nga aldaw a panagbaniaga ket nakamakamda iti nakabambantay a rehion ti Galaad. 24  Idin ti Dios immay ken Laban a Sirio+ iti maysa a tagtagainep iti rabii+ ket kinunana kenkuana: “Aluadam ti bagim a dika agsao ken Jacob iti uray naimbag wenno dakes.”+ 25  Gapuna ni Laban immasideg ken Jacob, idi a naibangon ni Jacob ti toldana iti bantay ket ni Laban pinagpakarsona ti kakabsatna iti nakabambantay a rehion ti Galaad. 26  Idin ni Laban kinunana ken Jacob: “Ania ti inaramidmo, nga inkeddengmo ti panangsikap kaniak ken panangabug iti annakko a babbai a kasla kautibo a naala babaen ti kampilan?+ 27  Apay a kasapulan nga agtalawka a sililimed ken sikapannak ken saanmo nga ibaga kaniak, tapno palubosanka koma buyogen ti panagrag-o ken buyogen ti kankanta,+ buyogen ti pandereta ken buyogen ti arpa?+ 28  Ket saannak nga inikkan ti gundaway a mangagep kadagiti ubbingko ken iti annakko a babbai.+ Ita nagtignayka a simamaag. 29  Adda iti pannakabalin ti imak a dangrankayo,+ ngem ti Dios ni amayo nagsao kaniak idi rabii, a kunkunana, ‘Aluadam ti bagim iti panagsao ken Jacob iti uray naimbag wenno dakes.’+ 30  Bayat a pudno nga ita napankan agsipud ta nasged unay ti panangil-iliwmo iti balay ni amam, apay, ngarud, a tinakawmo ti didiosko?”+ 31  Kas sungbat kinuna ni Jacob ken Laban: “Agsipud ta nagbutengak.+ Ta kinunak iti bagik, ‘Mabalin nga alat-atem kaniak ti annakmo a babbai.’ 32  Siasinoman a pakasarakam iti didiosmo, saan koma nga agbiag.+ Iti sanguanan dagiti kakabsatta, sukimatem no ania ti adda kaniak ket alaem ida.”+ Ngem saan nga ammo ni Jacob a tinakaw ida ni Raquel.+ 33  Gapuna simrek ni Laban iti tolda ni Jacob ken iti tolda ni Lea ken iti tolda ti dua nga adipenna a babbai,+ ngem saanna a nasarakan ida. Kamaudiananna rimmuar iti tolda ni Lea ket simrek iti tolda ni Raquel. 34  Ita ni Raquel innalana ti terafim, ket inkeddengna nga ikabil ida iti silia a labba ti kamelio a maipaay iti babai, ket isu nagtalinaed a situtugaw iti rabawda. Gapuna ni Laban nagari-arikap iti intero a tolda, ngem saanna a nasarakan ida. 35  Idin kinunana ken amana: “Ti unget saan koma nga agrimat kadagiti mata ti apok,+ agsipud ta diak kabaelan ti tumakder iti sanguanam, ta ti kadawyan a banag kadagiti babbai adda kaniak.”+ Gapuna isu nagsukimat a siaannad, ngem saanna a nasarakan ti terafim.+ 36  Ket nakaunget ni Jacob+ ket rinugianna ti makiriri ken Laban, ket kas sungbat kinuna ni Jacob ken Laban: “Ania ti iyaalsa iti biangko,+ ania ti basolko, a rason no apay a sibabara a kinamatnak?+ 37  Ita ta naarikapmon amin dagiti sanikuak, ania kadagiti amin a sanikua ti balaymo ti nasarakam?+ Ikabilmo ditoy iti sanguanan ti kakabsatko ken ti kakabsatmo,+ ket bay-am ida a mangikeddeng iti nagbaetanta a dua.+ 38  Kadagitoy duapulo a tawen addaak kenka. Dagiti kabaian a karnerom ken dagiti kabaian a kaldingmo saan a naregreg ti sikogda,+ ket dagiti kalakian a karnero ti arbanmo saanko a pulos kinnan. 39  Aniaman nga animal a narangrangkay saanko nga inyeg kenka.+ Siak itakderak ti pannakapukaw dayta. Uray no ti maysa natakaw iti aldaw wenno natakaw iti rabii, singirem dayta iti imak.+ 40  Kapadasak nga iti aldaw ibusennak ti pudot ket ti lam-ek iti rabii, ket ti turogko pumanaw kadagiti matak.+ 41  Daytoy ti mamagduapulo a tawen ti kaaddak iti balaymo. Nagserbiak kenka iti sangapulo ket uppat a tawen maipaay iti dua nga annakmo a babbai ken innem a tawen maipaay iti arbanmo, ket naminsangapulo a binalbaliwam dagiti tangdanko.+ 42  No ti Dios ni amak,+ ti Dios ni Abraham ken ti Alinggaget ni Isaac,+ awan iti dasigko, pinapanawnak koma ita nga ima-ima. Ti kinapimpimanko ken ti panagbannog dagiti imak nakita ti Dios, ket iti kasta tinubngarnaka idi rabii.”+ 43  Kalpasanna ni Laban kinunana ken Jacob kas sungbat: “Ti annak a babbai annakko a babbai ket ti annak annakko ket ti arban arbanko, ket isuamin a kitkitaem kukuak ken kukua ti annakko a babbai. Ania ti mabalinko nga aramiden maibusor kadagitoy ita nga aldaw wenno maibusor iti annakda nga impasngayda? 44  Ket ita, umayka, mamatalgedta koma iti tulag,+ siak ken sika, ket agserbinto a kas saksi iti nagbaetanta.”+ 45  Ngarud nangala ni Jacob iti maysa a bato ket impasdekna kas adigi.+ 46  Kalpasanna kinuna ni Jacob iti kakabsatna: “Agpidutkayo iti batbato!” Ket nangalada iti batbato ket nangaramidda iti bunton.+ Kalpasan dayta nanganda sadiay bunton. 47  Ket rinugian nga inawagan dayta ni Laban iti Jegar-sahaduta, ngem inawagan dayta ni Jacob iti Galeed. 48  Ket kinuna ni Laban: “Daytoy a bunton maysa a saksi iti nagbaetanta ita nga aldaw.” Dayta ti makagapu a pinanagananna iti Galeed,+ 49  ken Ti Pagwanawanan, agsipud ta kinunana: “Ni Jehova agsiput koma iti nagbaetanta no saantan a makapagkinkinnita.+ 50  No parigatem ti annakko a babbai+ ken no mangalaka iti assawa a mainayon iti annakko a babbai, awan lalaki a naikadua kadata. Kitaem! Ti Dios maysa a saksi iti nagbaetanta.”+ 51  Ket intultuloy ni Laban a kunaen ken Jacob: “Adtoy daytoy a bunton ket adtoy ti adigi nga impatakderko iti nagbaetanta. 52  Daytoy a bunton maysa a saksi, ket ti adigi maysa a banag a mangsaksi,+ a saankonto a labsan daytoy a bunton maibusor kenka ket saanmonto a labsan daytoy a bunton ken daytoy nga adigi maibusor kaniak maipaay iti panangdangran.+ 53  Ti dios ni Abraham+ ken ti dios ni Nacor+ mangukom koma iti nagbaetanta, ti dios ni amada.” Ngem ni Jacob nagsapata babaen ti Alinggaget ni amana nga Isaac.+ 54  Kalpasan dayta nangisakripisio ni Jacob iti maysa a sakripisio idiay bantay ket inawisna ti kakabsatna tapno manganda iti tinapay.+ Ngarud nanganda iti tinapay ket pinalabasda ti rabii idiay bantay. 55  Nupay kasta, ni Laban bimmangon a nasapa iti bigat ket inagkanna+ dagiti ubbingna ken ti annakna a babbai ket binendisionanna ida.+ Kalpasanna ni Laban napan iti dalanna tapno agsubli iti bukodna a disso.+

Footnotes