Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Genesis 28:1-22

28  Iti kasta ni Isaac inayabanna ni Jacob ket binendisionanna ken binilinna ket kinunana kenkuana: “Dika mangala iti asawa manipud iti annak a babbai ti Canaan.+  Tumakderka, mapanka idiay Padan-aram iti balay ni Betuel nga ama ni inam ket manipud sadiay iyalaam ti bagim iti asawa manipud iti annak a babbai ni Laban a kabsat ni inam.+  Ket ti Dios a Mannakabalin-amin bendisionannakanto ket pagbalinennaka a nabunga ket paaduennaka, ket sigurado nga agbalinkanto a kongregasion dagiti ili.+  Ket itdennanto kenka ti bendision ni Abraham,+ kenka ken iti bin-im a mairaman kenka,+ tapno matagikuam ti daga a pagnanaedam kas ganggannaet,+ nga inted ti Dios ken Abraham.”+  Gapuna ni Isaac imbaonna ni Jacob, ket nagluas nga agturong idiay Padan-aram, nga agturong ken Laban nga anak ni Betuel a Sirio,+ ti kabsat ni Rebecca,+ ina da Jacob ken Esau.+  Idi nakita ni Esau a ni Isaac binendisionanna ni Jacob ken imbaonna a mapan idiay Padan-aram tapno mangala sadiay iti asawa maipaay iti bagina, ken idi a binendisionanna impasdekna ti bilin kenkuana, a kunkunana: “Dika mangala iti asawa manipud iti annak a babbai ti Canaan”;+  ket ni Jacob nagtulnog kada amana ken inana ket napan idiay Padan-aram;+  idin nakita ni Esau a ti annak a babbai ti Canaan makaparurodda kadagiti mata ni Isaac nga amana.+  Ngarud ni Esau napan ken Ismael ket innalana kas asawa ni Mahalat nga anak a babai ni Ismael nga anak ni Abraham, ti kabsat a babai ni Nebayot, malaksid ti sabsabali pay nga assawana.+ 10  Ket ni Jacob pimmanaw manipud Beer-seba ket nagtultuloy a napan idiay Haran.+ 11  Idi agangay nakagteng iti maysa a disso ket nagsagana a mangbusbos iti rabii sadiay agsipud ta ti init limneken. Gapuna nangala iti maysa kadagiti bato ti disso ket insaadna a pagpunganan ti ulona ket nagidda iti dayta a disso.+ 12  Ket nangrugi nga agtagtagainep,+ ket, adtoy! adda maysa nga agdan a naisaad iti rabaw ti daga ket ti murdongna dumanon iti langlangit; ket, adtoy! adda dagiti anghel ti Dios nga umul-ulida ken umul-ulog iti dayta.+ 13  Ket, adtoy! adda ni Jehova a nagsaad iti ngatuen dayta, ket kinunana:+ “Siak ni Jehova a Dios ni Abraham nga amam ken ti Dios ni Isaac.+ Ti daga a pagid-iddaam, itedkonto kenka ken iti bin-im.+ 14  Ket ti bin-im pudno unay nga agbalinto a kas kadagiti binukel ti tapok ti daga,+ ket pudno unay nga agsaknapkanto iti laud ken iti daya ken iti amianan ken iti abagatan,+ ket babaen kenka ken babaen ti bin-im amin a pampamilia iti daga pudno unay a bendisionandanto ti bagbagida.+ 15  Ket adtoy addaak kenka ket aywanankanto iti isuamin a dalan a papanam ket isublikanto iti daytoy a daga,+ agsipud ta saankanto a baybay-an agingga a pudno a naaramidkon ti sinaok kenka.”+ 16  Kalpasanna nagriing ni Jacob iti turogna ket kinunana: “Pudno unay a ni Jehova adda itoy a disso ket saanko nga ammo dayta.” 17  Ket nagbuteng ket innayonna:+ “Anian a nakaam-amak daytoy a disso!+ Daytoy ket awan sabali no di ti balay ti Dios+ ken daytoy ti ruangan ti langlangit.” 18  Gapuna ni Jacob bimmangon a nasapa iti bigat ket innalana ti bato nga adda sadiay a nagpunganan ti ulona ket impasdekna kas maysa nga adigi ket nangibukbok iti lana iti rabaw dayta.+ 19  Kanayonanna, pinanagananna dayta a disso iti Bethel;+ ngem ti kinapudnona ket, Luz ti sigud a nagan ti siudad.+ 20  Ket ni Jacob nangikari iti maysa a kari,+ a kunkunana: “No ti Dios agtultuloyto nga adda kaniak ket pudno unay nga aywanannakto iti daytoy a dalan a papanak ket pudno unay nga ikkannakto iti tinapay a kanek ken kadagiti pagan-anay nga ikawesko+ 21  ket pudno unay nga agsubliakto a sitatalna iti balay ni amak, ngarud ni Jehova isunto ti Diosko.+ 22  Ket daytoy a bato nga impasdekko a kas adigi agbalinto a balay ti Dios,+ ket no maipapan iti isuamin nga itedmonto kaniak di bumurong nga itedkonto kenka ti apagkapullo dayta.”+

Footnotes