Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Genesis 27:1-46

27  Ita naaramid nga idi a lakayen ni Isaac ket dagiti matana nakudrepda unayen a makakita+ inayabanna kalpasanna ni Esau nga anakna nga in-inauna ket kinunana kenkuana:+ “Anakko!” nga iti dayta kinunana kenkuana: “Adtoyak!”  Ket kinunana: “Adtoy, ita, lakayakon.+ Diak ammo ti aldaw ti ipapatayko.+  Gapuna iti daytoy a tiempo alaem, pangngaasim, ti ramramitmo, ti tagubanmo ken ti baim, ket mapanka iti tay-ak ket iyanupannak iti ugsa.+  Kalpasanna iyaramidannak iti naimas a putahe a kas iti pagay-ayatko ket iyegmo kaniak ket, ah, bay-am a manganak, tapno ti kararuak bendisionannaka koma sakbay a matayak.”+  Nupay kasta, umim-imdeng idi ni Rebecca bayat a ni Isaac nagsao ken Esau nga anakna. Ket ni Esau napan iti tay-ak tapno aganup iti aanupen ken tapno iyegna dayta.+  Ket ni Rebecca kinunana ken Jacob nga anakna:+ “Adtoy kangkangngegko ni amam nga agsasao ken Esau a kabsatmo, a kunkunana,  ‘Iyegannak iti aanupen ket iyaramidannak iti naimas a putahe ket, ah, bay-am a manganak, tapno bendisionanka koma iti sanguanan ni Jehova sakbay ti ipapatayko.’+  Ket ita, anakko, imdengam ti timekko no ania ti ibilinko kenka.+  Mapanka, pangngaasim, iti pangen ket iyalaannak sadiay iti dua nga urbon dagiti kalding, dagidiay nasayaat, tapno isaganak ida a maysa a naimas a putahe maipaay ken amam a kas iti pagay-ayatna. 10  Kalpasanna ipanmonto ken amam ket kanennanto, tapno bendisionannaka koma sakbay ti ipapatayna.” 11  Ket ni Jacob kinunana ken Rebecca nga inana: “Ngem ni Esau a kabsatko maysa a lalaki a muldotan ket siak maysaak a lalaki a nalamuyot ti kudilna.+ 12  Anian no arikapennak ni amak?+ Iti kasta sigurado nga agbalinakto kadagiti matana a kas iti maysa a mangar-aramid iti panangrabrabak,+ ket sigurado nga iyegkonto iti bagik ti maysa a lunod ket saan a ti bendision.”+ 13  Gapu itoy kinuna kenkuana ni inana: “Siak koma ti umayan ti lunod nga agpaay kenka, anakko.+ Imdengam laeng ti timekko ket mapanka, alaem ida maipaay kaniak.”+ 14  Iti kasta napan ket innalana ida ken inyegna ida ken ni inana, ket ni inana nangaramid iti naimas a putahe a kas iti pagay-ayat ni amana. 15  Kalpasan dayta nangala ni Rebecca iti kawkawes ni Esau nga anakna nga in-inauna,+ dagidiay kaay-ayo unay nga adda kenkuana iti balay,+ ket inkawesna ida ken Jacob nga anakna nga ub-ubing.+ 16  Ket ti lallalat dagiti urbon dagiti kalding inkapetna iti im-imana ken iti awan muldotna a paset ti lengngesna.+ 17  Kalpasanna inyawatna iti ima ni Jacob nga anakna ti naimas a putahe ken ti tinapay nga inaramidna.+ 18  Gapuna simrek a napan ken amana ket kinunana: “Amak!” nga iti dayta kinunana: “Adtoyak! Siasinoka, anakko?” 19  Ket ni Jacob kinunana ken amana: “Siak ni Esau nga inaunam.+ Inaramidko kas ti sinaom kaniak. Bumangonka, pangngaasim. Agtugawka ket manganka iti inanupak, tapno ti kararuam bendisionannak koma.”+ 20  Iti kasta kinuna ni Isaac iti anakna: “Kasano a nakadardaraska a nakasarak iti dayta, anakko?” Kinunana kalpasanna: “Agsipud ta ni Jehova a Diosmo pinasamakna a sumabet dayta kaniak.” 21  Idin ni Isaac kinunana ken Jacob: “Umasidegka, pangngaasim, iti kasta maarikapka, anakko, tapno maammuak no pudno a sika ti anakko nga Esau wenno saan.”+ 22  Gapuna ni Jacob immasideg ken Isaac nga amana, ket isu inar-arikapna, a kalpasan dayta kinunana: “Ti timek isu ti timek ni Jacob, ngem ti im-ima isu ti im-ima ni Esau.”+ 23  Ket saanna a nailasin, agsipud ta ti im-imana muldotan idi a kas iti im-ima ni Esau a kabsatna. Ngarud binendisionanna.+ 24  Kalpasan dayta kinunana: “Pudno a sika ti anakko nga Esau?” nga iti dayta kinunana: “Siak.”+ 25  Idin kinunana: “Iyasidegmo kaniak tapno makapanganak iti inanupan ti anakko, iti panggep a bendisionannaka koma ti kararuak.”+ Gapuna inyasidegna kenkuana ket nangrugi a mangan, ket inyeganna iti arak ket nangrugi nga uminum. 26  Kalpasanna kinuna kenkuana ni Isaac nga amana: “Umasidegka, pangngaasim, ket agkannak, anakko.”+ 27  Gapuna immasideg ket inagkanna, ket masay-upna ti ayamuom dagiti kawesna.+ Ket binendisionanna ket kinunana: “Kitaem, ti ayamuom ti anakko kas iti ayamuom ti tay-ak a binendisionan ni Jehova. 28  Ket ti pudno a Dios itdenna koma kenka dagiti linnaaw ti langlangit+ ken dagiti nadam-eg a talon ti daga+ ken naruay a bukbukel ken baro nga arak.+ 29  Agserbi koma kenka dagiti ili ket dagiti nasional a bunggoy agruknoyda koma kenka.+ Agbalinka nga agturay iti kakabsatmo, ket ti annak ni inam agruknoyda koma kenka.+ Mailunod koma ti tunggal maysa kadagidiay mangilunlunod kenka, ket mabendisionan koma ti tunggal maysa kadagidiay mangbembendision kenka.”+ 30  Ita naaramid apaman a ni Isaac nalpasna a binendisionan ni Jacob, wen, pudno a naaramid idi karuruar pay laeng ni Jacob manipud iti sanguanan ni Isaac nga amana, a ni Esau a kabsatna nagsubli manipud iti panaganupna.+ 31  Ket isu met napan nangaramid iti naimas a putahe. Kalpasanna inyegna ken amana ket kinunana ken amana: “Bumangon koma ni amak ket mangan iti inanupan ti anakna, tapno iti kasta ti kararuam bendisionannak koma.”+ 32  Gapu itoy kinuna kenkuana ni Isaac nga amana: “Siasinoka?” nga iti dayta kinunana: “Siak ti anakmo, ti inaunam, ni Esau.”+ 33  Ket ni Isaac nangrugi nga agkintayeg buyogen ti dakkel unay a panagpigerger, ket iti kasta kinunana: “Siasino, ngarud, daydiay naganup iti aanupen ket inyegna kaniak, iti kasta kinnanko amin sakbay a makastrekka ket isu binendisionak? Isu agbalinto met a bendito!”+ 34  Idi mangngegna ti sasao ni amana nangrugi nga umkis ni Esau iti napalalo a kinanatbag ken kinapait ket kunana iti amana:+ “Bendisionannak, uray siak met, amak!”+ 35  Ngem kinunana: “Ti kabsatmo immay buyogen ti panangallilaw tapno maalana ti bendision nga agpaay kenka.”+ 36  Gapu itoy kinunana: “Saan aya a dayta ti makagapu a napanaganan iti Jacob, ta gamsawannak kadagitoy mamindua a daras?+ Innalanan ti kalintegak iti pannakayanak,+ ket adtoy iti daytoy a tiempo innalana ti bendisionko!”+ Kalpasanna innayonna: “Saannak kadi nga inteddaan iti bendision?” 37  Ngem kas sungbat ken Esau intuloy ni Isaac: “Adtoy isu dinutokak nga agturay kenka,+ ket amin ti kakabsatna intedko kenkuana kas ad-adipen,+ ket ti bukbukel ken baro nga arak intedko a sustentona,+ ket adda kadi pay aniaman a mabalinko nga aramiden kenka, anakko?” 38  Idin ni Esau kinunana ken amana: “Maymaysa laeng kadi ti bendision nga adda kenka, amak? Bendisionannak, uray siak met, amak!”+ Iti kasta impigsa ni Esau ti timekna ket nagsangit.+ 39  Gapuna kas sungbat kinuna kenkuana ni Isaac nga amana: “Kitaem, ti pagnaedam masarakanto iti adayo iti nadam-eg a dagdaga ti daga, ken iti adayo iti linnaaw ti langlangit sadi ngato.+ 40  Ket babaen ti kampilanmo agbiagkanto,+ ket ti kabsatmo pagserbiamto.+ Ngem sigurado a mapasamakto nga, inton saankan a makaidna, pudno a tukkolemto nga ikkaten ti sangolna ita lengngesmo.”+ 41  Nupay kasta, ing-ingpen idi ni Esau ti gura ken Jacob maigapu iti bendision nga imbendision kenkuana ni amana,+ ket kinunkuna ni Esau iti pusona:+ “Dagiti aldaw ti kapaut ti panagleddaang maipaay ken amak umas-asidegdan.+ Kalpasan dayta papatayekto ni Jacob a kabsatko.”+ 42  Idi a ti sasao ni Esau nga anakna nga in-inauna naibaga ken Rebecca, madagdagus a nagbaon ket inayabanna ni Jacob nga anakna nga ub-ubing ket kinunana kenkuana: “Adtoy! Ni Esau a kabsatmo liwliwaenna ti bagina maipapan kenka—tapno papatayennaka.+ 43  Ita, ngarud, anakko, imdengam ti timekko ket tumakderka,+ agtalawka nga agturong ken Laban a kabsatko idiay Haran.+ 44  Ket masapul a makipagnaedka kenkuana iti sumagmamano nga aldaw agingga nga agkalma ti pungtot ni kabsatmo,+ 45  agingga a pumanaw kenka ti unget ni kabsatmo ket nalipatannan ti inaramidmo kenkuana.+ Ket pudno unay nga agbaonakto ket alaenka manipud sadiay. Apay koma a maulilaak met kadakayo a dua iti maymaysa nga aldaw?” 46  Kalpasan dayta ni Rebecca kinunkunana ken Isaac: “Karurodko daytoy biagko gapu iti annak a babbai ni Het.+ No ni Jacob mangalanto iti asawa manipud iti annak a babbai ni Het a kas kadagitoy manipud iti annak a babbai ti daga, ania ti mamaay ti biag kaniak?”+

Footnotes