Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 23:1-20

23  Ket ti panagbiag ni Sara sangagasut duapulo ket pito a tawen ti kaatiddogna. Dagita idi ti tawen ti panagbiag ni Sara.+  Gapuna natay ni Sara idiay Kiriat-arba,+ kayatna a sawen, Hebron,+ iti daga ti Canaan,+ ket immay ni Abraham tapno dung-awanna ni Sara ken tapno sangitanna.  Kalpasanna timmakder ni Abraham manipud iti sanguanan ti minatayna ket nagsao iti annak ni Het,+ a kunkunana:  “Maysaak a ganggannaet nga agnanaed ken makipaggigian iti tengngayo.+ Ipatagikuayo kaniak ti maysa a lugar a pagitabonan iti tengngayo tapno maitabonko ti minatayko manipud imatangko.”+  Gapu itoy ti annak ni Het simmungbatda ken Abraham, a kunkunada kenkuana:  “Denggennakami, apok.+ Maysaka a panguluen ti Dios iti tengngami.+ Iti kasayaatan kadagiti lugar a pagitabonanmi itabonmo ti minataymo.+ Awan kadakami ti mangipaidamto kenka iti lugar a pagitabonanna tapno lapdanna ti pannakaitabon ti minataymo.”+  Idin timmakder ni Abraham ket nagruknoy kadagiti katutubo,+ iti annak ni Het,+  ket nakisao kadakuada, a kunkunana: “No dagiti kararuayo umannugot nga itabonko ti minatayko manipud imatangko, imdengandak ket guyugoyenyo maipaay kaniak ni Efron nga anak ni Zohar,+  tapno itedna koma kaniak ti rukib ti Macpela,+ a kukuana, nga adda iti ungto ti talonna. Maipaay iti naan-anay a gatad ti pirak ipatagikuana koma dayta kaniak iti tengngayo ti maysa a lugar a pagitabonan.”+ 10  Kas iti sigud, situtugaw idi ni Efron iti tengnga ti annak ni Het. Gapuna ni Efron a Heteo+ simmungbat ken Abraham iti pagdengngeg ti annak ni Het agraman amin dagidiay sumsumrek iti ruangan ti siudadna, a kunkunana:+ 11  “Saan, apok! Imdengannak. Ti talon itedko kenka, ket ti rukib nga adda iti dayta itedko kenka. Iti imatang ti annak ti ilik itedko dayta kenka.+ Itabonmo ti minataymo.” 12  Iti kasta nagruknoy ni Abraham iti sanguanan dagiti katutubo 13  ket nagsao ken Efron iti pagdengngeg dagiti katutubo, a kunkunana: “No la ket sika—saan, imdengannak! Itedkonto kenka ti gatad ti pirak a maipaay iti talon. Alaem kaniak,+ tapno maitabonko ti minatayko sadiay.” 14  Idin ni Efron simmungbat ken Abraham, a kunkunana kenkuana: 15  “Apok, imdengannak. Ti sangkadisso a daga nga aggatad iti uppat a gasut a siklo a pirak, ania dayta iti nagbaetanta? Gapuna itabonmo ti minataymo.”+ 16  Iti kasta ni Abraham impangagna ni Efron, ket ni Abraham tinimbangna ken Efron ti gatad ti pirak a sinaona iti pagdengngeg ti annak ni Het, uppat a gasut a siklo a pirak a gagangay a pagbaybayad dagiti komersiante.+ 17  Ngarud ti talon ni Efron nga adda idiay Macpela, nga adda iti sango ti Mamre, ti talon ken ti rukib nga adda iti dayta ken amin dagiti kayo nga adda iti talon,+ nga adda iti uneg dagiti amin a beddengna iti aglikmut, napatalgedan+ 18  ken Abraham kas nagatangna a sanikua iti imatang ti annak ni Het iti tengnga dagidiay amin a sumsumrek iti ruangan ti siudadna.+ 19  Ket kalpasan dayta ni Abraham intabonna ni Sara nga asawana iti rukib ti talon ti Macpela iti sango ti Mamre, kayatna a sawen, Hebron, idiay daga ti Canaan.+ 20  Ngarud ti talon ken ti rukib nga adda iti dayta napatalgedan ken Abraham ti panangtagikua iti lugar a pagitabonan iti im-ima ti annak ni Het.+

Footnotes