Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 15:1-21

15  Kalpasan dagitoy a banag dimteng ti sao ni Jehova ken Abram iti maysa a sirmata,+ a kunkunana: “Dika agbuteng,+ Abram. Maysaak a kalasag maipaay kenka.+ Ti gunggonam dakkelto unay.”+  Gapu itoy kinuna ni Abram: “Soberano nga Apo Jehova, ania ti itdemto kaniak, yantangay agtultuloy nga awananak iti putot ket daydiay mangtagikuanto iti balayko maysa a tao ti Damasco, ni Eliezer?”+  Ket innayon ni Abram: “Adtoy! Saannak nga inikkan iti bin-i,+ ket, adtoy! maysa nga anak+ iti sangakabbalayak ti mangsuno kaniak kas agtawid.”  Ngem, adtoy! ti sao kenkuana ni Jehova ket kadagitoy a sasao: “Daytoy a lalaki saannakanto a sunuan kas agtawid, no di ket daydiay rummuarto manipud iti bukodmo a makin-uneg a paspaset ti mangsunonto kenka kas agtawid.”+  Isu impanna ita iti ruar ket kinunana: “Tumangadka, pangngaasim, iti langlangit ket bilangem dagiti bituen, no kabaelam a bilangen ida.”+ Ket intultuloyna a kunaen kenkuana: “Kasta ti pagbalinanto ti bin-im.”+  Ket naaddaan iti pammati ken Jehova;+ ket imbilangna dayta kenkuana kas kinalinteg.+  Kalpasanna innayonna kenkuana: “Siak ni Jehova, a nangiruar kenka manipud Ur dagiti Caldeo tapno itdek kenka daytoy a daga tapno tagikuaem.”+  Iti daytoy kinunana: “Soberano nga Apo Jehova, babaen ti ania a maammuakto a tagikuaek dayta?”+  Kinunana kenkuana kalpasanna: “Iyalaannak iti bumalasang a baka a tallo ti tawenna ken kabaian a kalding a tallo ti tawenna ken kalakian a karnero a tallo ti tawenna ken pagaw ken urbon nga atap a kalapati.”+ 10  Gapuna innalana amin dagitoy ket pinisina ida a ginudua ket inkabilna ti tunggal pasetda tapno tumupag iti sabali, ngem dagiti tumatayab saanna a pinispisi.+ 11  Ket dagiti tumatayab nga agsippayot nangrugida a bumaba iti rabaw dagiti bangkay,+ ngem binugbugaw ida ni Abram. 12  Idi agangay ngannganin lumnek ti init, ket immapay ken Abram ti nargaan a turog,+ ket, adtoy! maysa a nakaal-aliaw a dakkel a kinasipnget ti umap-apay idi kenkuana. 13  Ket rinugianna a kunaen ken Abram: “Maammuamto a sigurado a ti bin-im agbalinto a ganggannaet nga agnanaed iti daga a saanda a kukua,+ ket kasapulanto nga agserbida kadakuada, ket dagitoy sigurado a parigatendanto ida iti uppat a gasut a tawen.+ 14  Ngem ti nasion a pagserbiandanto ukomek,+ ket kalpasan dayta rummuardanto agraman adu a sanikua.+ 15  No maipapan kenka, mapankanto a sitatalna kadagidi ammam; maitabonkanto iti naimbag a kinalakay.+ 16  Ngem iti maikapat a kaputotan agsublidanto ditoy,+ agsipud ta ti biddut dagiti Amoreo saan pay a dimteng iti pannakaan-anay.”+ 17  Lumlumnek itan ti init ket dimteng ti maysa a napuskol a kinasipnget ket, adtoy! ti maysa nga umas-asuk nga urno ken maysa a gumilgil-ayab nga aluten a limmasat iti nagbaetan dagitoy pispisi.+ 18  Iti dayta nga aldaw namatalged ni Jehova iti maysa a tulag ken Abram,+ a kunkunana: “Iti bin-im itdekto daytoy a daga,+ manipud iti karayan ti Egipto agingga iti dakkel a karayan, ti karayan Eufrates:+ 19  dagiti Keneo+ ken dagiti Kenizeo ken dagiti Cadmoneo 20  ken dagiti Heteo+ ken dagiti Perizeo+ ken ti Refaim+ 21  ken dagiti Amoreo ken dagiti Canaanita ken dagiti Girgaseo ken dagiti Jebuseo.”+

Footnotes