Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Genesis 13:1-18

13  Kalpasan dayta simmang-at ni Abram manipud Egipto, isu ken ti asawana ken ti amin nga adda kenkuana, ken ni Lot a naikuyog kenkuana, nga agturong idiay Negeb.+  Ket ni Abram aduan unay idi kadagiti pangen ken pirak ken balitok.+  Ket isu napan a nagalis-alis iti pakarso manipud Negeb ken agturong iti Bethel, nga agturong iti disso a sadiay idi ti immuna nga ayan ti toldana iti nagbaetan ti Bethel ken Ai,+  agturong iti disso ti altar nga inaramidna sadiay idi damo;+ ket ni Abram immawag sadiay iti nagan ni Jehova.+  Ita ni Lot, a kumuykuyog idi ken Abram, nagikut met iti karkarnero ken bakbaka ken toltolda.  Gapuna saanen a kabalinan ti daga nga agnaedda amin a sangsangkamaysa, agsipud ta immadu dagiti sanikuada ket saanda a mabalin ti agnaed amin a sangsangkamaysa.+  Ket timmaud ti riri iti nagbaetan dagiti agtartaraken kadagiti dinguen ni Abram ken dagiti agtartaraken kadagiti dinguen ni Lot; ket iti dayta a tiempo agnanaed idi ti Canaanita ken ti Perizeo iti daga.+  Gapuna ni Abram kinunana ken Lot:+ “Pangngaasim, dika bay-an a ti aniaman a panagririri agtultuloy iti nagbaetanta ken iti nagbaetan dagiti pumapastorko ken dagiti pumapastormo, ta agkakabsattayo.+  Saan aya a madadaan nga agpaay kenka ti intero a daga? Pangngaasim, suminaka kaniak. No mapanka iti makannigid, ngarud mapanakto iti makannawan; ngem no mapanka iti makannawan, ngarud mapanakto iti makannigid.”+ 10  Gapuna intannawag ni Lot dagiti matana ket nakitana ti intero a Distrito ti Jordan,+ nga isuamin dayta ket nasayaat-pannakapadanumna a rehion sakbay a rinebbek ni Jehova ti Sodoma ken Gomorra, kas iti minuyongan ni Jehova,+ kas iti daga ti Egipto agingga iti Zoar.+ 11  Idin pinili ni Lot maipaay iti bagina ti intero a Distrito ti Jordan, ket ni Lot inyakarna ti pakarsona iti daya. Gapuna nagsinada ti maysa manipud iti sabali. 12  Ni Abram nagnaed iti daga ti Canaan, ngem ni Lot nagnaed iti tengnga dagiti siudad ti Distrito.+ Kamaudiananna nangibangon iti tolda iti asideg ti Sodoma. 13  Ket dagiti lallaki ti Sodoma dakesda ken nakaroda a managbasol maikaniwas ken Jehova.+ 14  Ket ni Jehova kinunana ken Abram kalpasan a simminan ni Lot kenkuana: “Itannawagmo dagiti matam, pangngaasim, ket kumitaka manipud iti disso nga ayanmo, agpaamianan ken agpaabagatan ken agpadaya ken agpalaud,+ 15  agsipud ta isuamin a daga a kitkitaem, kenka ken iti bin-im itedko dayta agingga iti tiempo a di nakedngan.+ 16  Ket aramidekto ti bin-im a kas kadagiti binukel ti tapok ti daga, tapno, no ti maysa a tao kabaelanna a bilangen dagiti binukel ti tapok ti daga, iti kasta ti bin-im mabalin a bilangen.+ 17  Tumakderka, sursorem ti daga iti kaatiddogna ken iti kaakabana, agsipud ta itdek kenka dayta.”+ 18  Gapuna ni Abram nagtultuloy nga agnaed kadagiti tolda. Idi agangay immay ket nagnaed iti tengnga dagiti dadakkel a kayo ti Mamre,+ nga adda idiay Hebron;+ ket sadiay nangbangon iti maysa nga altar ken Jehova.+

Footnotes