Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Genesis 12:1-20

12  Ket ni Jehova kinunana ken Abram: “Pumanawka iti pagiliam ken kadagiti kabagiam ken iti balay ni amam nga agturong iti pagilian nga ipakitakto kenka;+  ket mangaramidakto iti dakkel a nasion manipud kenka ket bendisionankanto ket pagbalinekto a naindaklan ti naganmo; ket agbalinka a maysa a bendision.+  Ket bendisionakto dagidiay mangbendision kenka, ket ti mangidawdawat ti pakadaksam ilunodkonto,+ ket amin a pampamilia iti daga pudno unay a bendisionandanto ti bagbagida babaen kenka.”+  Iti kasta napan ni Abram kas iti sinao kenkuana ni Jehova, ket kimmuyog kenkuana ni Lot. Ket ni Abram pitopulo ket lima ti tawenna idi pimmanaw idiay Haran.+  Gapuna ni Abram innalana ni Sarai nga asawana+ ken ni Lot nga anak ti kabsatna+ ken amin dagiti sanikua a naurnongda+ ken dagiti kararua a nagun-odda idiay Haran, ket rimmuarda a mapan iti daga ti Canaan.+ Kamaudiananna dimtengda iti daga ti Canaan.  Ket ni Abram nagtultuloy a limmasat iti daga agingga iti lugar ti Siquem,+ iti asideg dagiti dadakkel a kayo ti More;+ ket iti dayta a tiempo adda dagiti Canaanita iti daga.  Ni Jehova nagparang ita ken Abram ket kinunana: “Iti bin-im+ itdek daytoy a daga.”+ Kalpasan dayta isu nangibangon sadiay iti maysa nga altar ken Jehova, a nagparang kenkuana.  Idi agangay isu immakar manipud sadiay nga agturong iti nakabambantay a rehion iti daya ti Bethel+ ket impatakderna ti toldana a ti Bethel adda iti laud ken ti Ai+ iti daya. Idin nangibangon sadiay iti maysa nga altar ken Jehova+ ket rinugianna ti umawag iti nagan ni Jehova.+  Kalpasanna pimmanaw ni Abram iti nagpakarsuanna, a nagalis-alis iti pakarso nga agturong iti Negeb.+ 10  Ita timmaud ti bisin iti daga ket ni Abram simmalog idiay Egipto tapno agtaeng sadiay kas ganggannaet,+ agsipud ta nakaro ti bisin iti daga.+ 11  Ket naaramid nga apaman a nakaasidegen a sumrek iti Egipto, idin kinunana ken Sarai nga asawana: “Pangngaasim, ita! Pagaammok unay a maysaka a babai a napintas ti langana.+ 12  Gapuna sigurado a mapasamak a makitadakanto dagiti Egipcio ket kunaendanto, ‘Daytoy ti asawana.’ Ket sigurado a papatayendakto, ngem sika taginayonendakanto a sibibiag. 13  Pangngaasim ta ibagam a kabsatka,+ tapno iti kasta naimbag koma ti lak-amko maigapu kenka, ket ti kararuak sigurado nga agbiagto gapu kenka.”+ 14  Gapuna napasamak nga, apaman a simrek ni Abram iti Egipto, dagiti Egipcio nakitada ti babai, nga isu napintas unay. 15  Ket isu nakita met dagiti prinsipe ni Faraon ket rinugianda nga idaydayaw ken Faraon, iti kasta ti babai naipan iti balay ni Faraon. 16  Ket trinatona a sisasayaat ni Abram maigapu kenkuana, ket naaddaan iti karkarnero ken bakbaka ken as-asno ken ad-adipen a lallaki ken ad-adipen a babbai ken as-asna ken kamkamelio.+ 17  Idin ni Jehova sinagidna ni Faraon ken ti sangakabbalayanna babaen kadagiti dadakkel a saplit+ gapu ken Sarai, nga asawa ni Abram.+ 18  Gapu iti dayta ni Faraon inayabanna ni Abram ket kinunana: “Ania daytoy inaramidmo kaniak? Apay a saanmo nga imbaga kaniak nga isu ket asawam?+ 19  Apay a kinunam, ‘Isu kabsatko,’+ iti kasta alaek koman kas asawak? Ket ita adtoy ti asawam. Alaem ket mapankan!” 20  Ket ni Faraon nangiruar iti bilbilin kadagiti lallaki maipapan kenkuana, ket isu kinuyogda ken ti asawana ken ti isuamin nga adda kenkuana.+

Footnotes