Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Genesis 10:1-32

10  Ket daytoy ti pakasaritaan ti annak ni Noe,+ a da Sem, Ham ken Jafet. Ita ti annak nangrugida a mayanak kadakuada kalpasan ti layus.+  Ti annak ni Jafet isu da Gomer+ ken Magog+ ken Madai+ ken Javan+ ken Tubal+ ken Mesec+ ken Tiras.+  Ket ti annak ni Gomer isu da Askenaz+ ken Rifat+ ken Togarma.+  Ket ti annak ni Javan isu da Elisa+ ken Tarsis,+ Kittim+ ken Dodanim.+  Manipud kadagitoy naiwaras kadagiti dagada ti populasion dagiti isla ti nasnasion, tunggal maysa sigun iti pagsasaona, sigun iti pampamiliada, kadagiti nasionda.  Ket ti annak ni Ham isu da Cus+ ken Mizraim+ ken Put+ ken Canaan.+  Ket ti annak ni Cus isu da Seba+ ken Havila ken Sabta ken Raama+ ken Sabteca. Ket ti annak ni Raama isu da Sheba ken Dedan.+  Ket ni Cus isu ti ama ni Nimrod.+ Inrugrugina ti panagbalin a mannakabalin iti daga.  Impakitana ti bagina a mannakabalin a mangnganup maibusor ken Jehova. Dayta ti makagapu nga adda pagkukuna: “Kas ken Nimrod a mannakabalin a mangnganup maibusor ken Jehova.”+ 10  Ket ti nangrugian ti pagarianna isu idi ti Babel+ ken Erec+ ken Accad ken Calne, iti daga ti Sinar.+ 11  Manipud iti dayta a daga isu napan iti Asiria+ ket inkeddengna a bangonenna ti Nineve+ ken Rehobot-Ir ken Cala 12  ken Resen iti nagbaetan ti Nineve ken Cala: daytoy ti naindaklan a siudad. 13  Ket ni Mizraim+ isu ti ama ni Ludim+ ken Anamim ken Lehabim ken Naftuhim+ 14  ken Patrusim+ ken Casluhim+ (manipud kenkuana nagwaras dagiti Filisteo+) ken Caftorim.+ 15  Ket ni Canaan isu ti ama ni Sidon+ nga inaunana ken ni Het+ 16  ken ti Jebuseo+ ken ti Amoreo+ ken ti Girgaseo 17  ken ti Heveo+ ken ti Arkeo ken ti Sineo 18  ken ti Arvadeo+ ken ti Zemareo ken ti Hamateo;+ ket kalpasanna naiwarawara dagiti pamilia ti Canaanita. 19  Gapuna ti beddeng ti Canaanita isu idi ti manipud Sidon agingga iti Gerar,+ iti asideg ti Gaza,+ agingga iti Sodoma ken Gomorra+ ken Adma+ ken Zeboiim,+ iti asideg ti Lasa. 20  Dagitoy ti annak ni Ham sigun iti pampamiliada, sigun kadagiti pagsasaoda, iti dagdagada, kadagiti nasionda. 21  Ket ken ni Sem, ti ama dagiti amin nga annak ni Eber,+ ti kabsat ti inauna a ni Jafet, adda met annak a naipasngay. 22  Ti annak ni Sem isu da Elam+ ken Assur+ ken Arpaksad+ ken Lud ken Aram. 23  Ket ti annak ni Aram isu da Uz ken Hul ken Geter ken Mas.+ 24  Ket ni Arpaksad isu ti ama ni Sela,+ ket ni Sela isu ti ama ni Eber. 25  Ket adda nayanak ken Eber a dua nga annak. Ti nagan ti maysa Peleg,+ agsipud ta idi kaaldawanna nabingbingay ti daga;+ ket ti nagan ti kabsatna Joctan.+ 26  Ket ni Joctan isu ti ama da Almodad ken Selef ken Hazarmavet ken Jera+ 27  ken Hadoram ken Uzal ken Dicla+ 28  ken Obal ken Abimael ken Sheba+ 29  ken Ofir+ ken Havila+ ken Jobab;+ dagitoy amin ti annak ni Joctan. 30  Ket ti lugar a pagnanaedanda sinaklawna manipud Mesa agingga iti Sefar, ti nakabambantay a rehion iti Daya. 31  Dagitoy ti annak ni Sem sigun iti pampamiliada, sigun kadagiti pagsasaoda, iti dagdagada, sigun kadagiti nasionda.+ 32  Dagitoy ti pampamilia ti annak ni Noe sigun kadagiti kapuonan ti pamiliada, kadagiti nasionda, ket manipud kadagitoy naiwaras dagiti nasion iti daga kalpasan ti layus.+

Footnotes