Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Genesis 1:1-31

1  Idi punganay,+ ti Dios+ pinarsuana+ ti langlangit ken ti daga.+  Ita ti daga awan ti pormana idi ken langalang ken adda sipnget iti rabaw ti nadanum a yuyeng;+ ket ti aktibo a puersa ti Dios agtigtignay idi nga agsublisubli+ iti rabaw ti dandanum.+  Ket kinuna ti Dios:+ “Maadda koma ti lawag.” Iti kasta naadda ti lawag.+  Kalpasan dayta nakita ti Dios a ti lawag nasayaat, ket ti Dios nangpataud iti paglasinan iti nagbaetan ti lawag ken ti sipnget.+  Ket ti Dios rinugianna a pinanaganan ti lawag iti Aldaw,+ ngem ti sipnget pinanagananna iti Rabii.+ Ket naadda ti rabii ken naadda ti bigat, aldaw nga umuna.  Ket kinuna ti Dios: “Maadda koma ti maysa a tangatang+ iti nagbaetan ti dandanum ket maaramid koma ti panaglasin iti nagbaetan ti dandanum ken ti dandanum.”+  Kalpasanna ti Dios inaramidna ti tangatang ken nangaramid iti paglasinan iti nagbaetan ti dandanum a rebbeng nga adda iti babaen ti tangatang ken ti dandanum a rebbeng nga adda iti ngatuen ti tangatang.+ Ket naaramid a kasta.  Ket ti Dios rinugianna a panaganan ti tangatang iti Langit.+ Ket naadda ti rabii ken naadda ti bigat, aldaw a maikadua.  Ket kinuna ti Dios: “Ti dandanum iti sirok ti langlangit mapagtitipon koma iti maysa a disso ket agparang koma ti namaga a daga.”+ Ket naaramid a kasta. 10  Ket ti Dios rinugianna a pinanaganan ti namaga a daga iti Daga,+ ngem ti pannakapagtitipon ti dandanum pinanagananna a Dagiti Baybay.+ Kanayonanna, nakita ti Dios a nasayaat dayta.+ 11  Ket kinuna ti Dios: “Ti daga mangpatarubo koma iti ruot, mulmula a mangpataud iti bukel,+ agbunga a kaykayo a mangipaay iti bunga sigun kadagiti kakikitada,+ a ti bukelna adda iti dayta,+ iti rabaw ti daga.” Ket naaramid a kasta. 12  Ket ti daga nangrugi a mangpataud iti ruot, mulmula a mangpataud iti bukel sigun iti kakikitana+ ken kaykayo a mangipaay iti bunga, a ti bukelna adda iti dayta sigun iti kakikitana.+ Kalpasanna nakita ti Dios a nasayaat dayta. 13  Ket naadda ti rabii ken naadda ti bigat, aldaw a maikatlo. 14  Ket kinuna ti Dios: “Ti silsilaw maadda koma iti tangatang ti langlangit tapno mangaramid iti paglasinan iti nagbaetan ti aldaw ken ti rabii;+ ket agserbida koma kas dagiti pagilasinan ken maipaay iti pampanawen ken maipaay iti al-aldaw ken tawtawen.+ 15  Ket agserbida kas silsilaw iti tangatang ti langlangit tapno silnaganda ti rabaw ti daga.”+ Ket naaramid a kasta. 16  Ket ti Dios inaramidna ti dua a dadakkel a silaw, ti dakdakkel a silaw a mangituray iti aldaw ken ti basbassit a silaw a mangituray iti rabii, ken kasta met dagiti bituen.+ 17  Iti kasta ti Dios insaadna ida iti tangatang ti langlangit tapno silnaganda ti rabaw ti daga,+ 18  ken tapno agturayda iti aldaw ken iti rabii ken tapno mangaramid iti paglasinan iti nagbaetan ti lawag ken ti sipnget.+ Kalpasanna nakita ti Dios a nasayaat dayta.+ 19  Ket naadda ti rabii ken naadda ti bigat, aldaw a maikapat. 20  Ket kinuna ti Dios: “Ti dandanum pagpangenenda koma ti pangen dagiti sibibiag a kararua+ ket dagiti agtaytayab a parsua agtayabda koma iti ngatuen ti daga iti sanguanan ti tangatang ti langlangit.”+ 21  Ket ti Dios pinarsuana dagiti dadakkel nga ulimaw ti baybay+ ken tunggal sibibiag a kararua nga aggaraw,+ a pinagpangen ti dandanum sigun kadagiti kakikitada, ken tunggal nagpayak nga agtaytayab a parsua sigun iti kakikitana.+ Ket nakita ti Dios a nasayaat dayta. 22  Gapuna binendisionan ida ti Dios, a kunkunana: “Agbungakayo ken agadukayo ket punnuenyo ti dandanum kadagiti labneng ti baybay,+ ket dagiti agtaytayab a parsua umaduda koma iti daga.” 23  Ket naadda ti rabii ken naadda ti bigat, aldaw a maikalima. 24  Ket kinuna ti Dios: “Ti daga+ pataudenna koma dagiti sibibiag a kararua sigun kadagiti kakikitada, naamo+ nga animal ken aggargaraw+ nga animal ken atap nga animal+ iti daga sigun iti kakikitana.” Ket naaramid a kasta. 25  Ket ti Dios inaramidna ti atap nga animal iti daga sigun iti kakikitana ken ti naamo nga animal sigun iti kakikitana ken tunggal aggargaraw nga animal iti daga sigun iti kakikitana.+ Ket nakita ti Dios a nasayaat dayta. 26  Ket kinuna ti Dios: “Aramidenta+ ti tao iti ladawanta,+ sigun iti langata,+ ket pagpasakupenda koma dagiti ikan iti baybay ken dagiti agtaytayab a parsua iti langlangit ken dagiti naamo nga animal ken ti intero a daga ken tunggal aggargaraw nga animal nga aggargaraw iti rabaw ti daga.”+ 27  Ket ti Dios pinarsuana ti tao iti ladawanna, iti ladawan ti Dios isu pinarsuana;+ pinarsuana ida a lalaki ken babai.+ 28  Kanayonanna, binendisionan ida ti Dios+ ket kinuna kadakuada ti Dios: “Agbungakayo+ ken agadukayo ket punnuenyo ti daga ken parukmaenyo,+ ket pagpasakupenyo+ dagiti ikan iti baybay ken dagiti agtaytayab a parsua iti langlangit ken tunggal sibibiag a parsua nga aggargaraw iti rabaw ti daga.” 29  Ket kinuna ti Dios: “Adtoy intedko kadakayo ti isuamin a mulmula a mangpataud iti bukel nga adda iti rabaw ti intero a daga ken tunggal kayo nga iti dayta adda ti bunga ti kayo a mangpataud iti bukel.+ Agserbi koma dayta kadakayo kas taraon.+ 30  Ket iti tunggal atap nga animal iti daga ken iti tunggal agtaytayab a parsua iti langlangit ken iti isuamin nga aggargaraw iti rabaw ti daga nga addaan biag kas kararua [intedko] ti isuamin a berde a mulmula a maipaay a taraon.”+ Ket naaramid a kasta. 31  Kalpasan dayta nakita ti Dios ti isuamin nga inaramidna ket, adtoy! nasayaat unay dayta.+ Ket naadda ti rabii ken naadda ti bigat, aldaw a maikanem.

Footnotes