Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Galacia 6:1-18

6  Kakabsat, uray pay ti maysa a tao makaaramid iti aniaman a di umiso nga addang+ sakbay a maammuanna dayta, dakayo nga addaan kadagiti naespirituan+ a kualipikasion padasenyo nga aturen ti kasta a tao iti espiritu ti kinaalumamay,+ bayat a tunggal maysa kadakayo siputanna ti bagina,+ ta amangan no masulisogka met.+  Itultuloyyo nga awiten dagiti pakadagsenan+ ti maysa ken maysa, ket iti kasta tungpalenyo ti linteg ti Kristo.+  Ta no ti asinoman pagarupenna nga adda pategna idinto ta awan,+ al-allilawenna ti bukodna a panunot.  Ngem paneknekan koma ti tunggal maysa no ania ti bukodna nga aramid,+ ket kalpasanna maaddaanto iti pakaigapuan ti panagrag-o maipapan iti bagina met laeng, ket saan nga iti panangipadis+ iti sabali a tao.  Ta tunggal maysa awitennanto ti bukodna nga awit.+  Mainayon pay, asinoman a berbal+ a nasursuruan iti sao mangiranud+ koma iti amin a naimbag a bambanag iti daydiay mangipaay iti kasta a berbal a panangisuro.+  Dikay payaw-awan:+ Ti Dios saan a maysa a marabrabak.+ Ta aniaman nga imulmula ti maysa a tao, daytoyto met ti apitenna;+  agsipud ta ti agimulmula a maipaay iti lasagna apitennanto ti panagrupsa manipud iti lasagna,+ ngem ti agimulmula maipaay iti espiritu+ apitennanto ti agnanayon a biag manipud iti espiritu.+  Gapuna ditay koma sumuko nga agaramid iti nasayaat,+ ta iti naikeddeng a panawen agapittayto no ditay mabannog.+ 10  Pudno, ngarud, bayat nga addaantayo iti mainugot a tiempo a maipaay iti dayta,+ aramidentayo koma ti naimbag kadagiti amin, ngem nangnangruna kadagidiay nainaig kadatayo iti pammati.+ 11  Kitaenyo no kasano kadadakkel a letra ti panagsuratko kadakayo babaen ti bukodko nga ima.+ 12  Amin dagidiay agkalikagum a mangipakita iti makaay-ayo a langa iti lasag isuda dagidiay mangpadas a mangpilit kadakayo nga agpakugit,+ tapno laeng saanda a maidadanes gapu iti kayo a pagtutuokan ti Kristo,+ ni Jesus. 13  Ta uray dagidiay agpakpakugit saanda a salimetmetan a mismo ti Linteg,+ ngem kayatda a makugitkayo tapno maaddaanda iti pakaigapuan ti panagpasindayag iti lasagyo. 14  Saan koma a pulos mapasamak nga agpasindayagak, malaksid iti kayo a pagtutuokan+ ni Apotayo a Jesu-Kristo, a babaen kenkuana nailansa kaniak+ ti lubong ket siak nailansaak iti lubong. 15  Ta awan aniaman a pateg ti pannakakugit wenno uray ti di pannakakugit,+ no di ket ti maysa a baro a parsua+ ti adda pategna. 16  Ket amin dagidiay magna a siuurnos iti daytoy a pagannurotan iti kababalin, maadda koma kadakuada ti talna ken asi, uray iti Israel ti Dios.+ 17  Manipud ita awan koma ti mangriribuken kaniak, ta aw-awitek iti bagik dagiti tanda a marka+ ti maysa nga adipen ni Jesus.+ 18  Ti di kaikarian a kinamanangngaasi ni Apotayo a Jesu-Kristo maadda koma iti espiritu+ nga ipakpakitayo, kakabsat. Amen.

Footnotes