Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Galacia 3:1-29

3  O nakukuneng a taga Galacia, siasino kadi ti nangyeg kadakayo iti sidong ti dakes nga impluensia,+ dakayo nga iti imatangyo sipapanayag a nailadawan a nailansa ni Jesu-Kristo?+  Daytoy laeng ti kayatko a maammuan kadakayo: Inawatyo kadi ti espiritu+ gapu iti ar-aramid ti linteg+ wenno gapu iti panagdengngeg+ buyogen ti pammati?  Nakunengkayo kadi unay? Kalpasan a nangrugikayo iti espiritu+ maan-anaykayo kadi itan iti lasag?+  Nagpasarkayo aya iti adu unay a panagsagaba nga awanan panggep?+ No pudno a dayta ket awanan panggep.  Gapuna, daydiay mangipaay kadakayo ti espiritu+ ken agaramid iti mannakabalin nga ar-aramid+ iti tengngayo, aramidenna kadi dayta maigapu iti ar-aramid ti linteg wenno maigapu iti panagdengngeg buyogen ti pammati?  No kasano a ni Abraham “naaddaan iti pammati ken Jehova, ket naibilang dayta kenkuana kas kinalinteg.”+  Sigurado nga ammoyo a dagidiay mangannurot iti pammati+ isuda ti annak ni Abraham.+  Ita ti Kasuratan, yantangay nakitana a nasaksakbay a ti Dios ideklarananto a nalinteg dagiti tattao iti nasnasion gapu iti pammati, impakpakaunana nga indeklara ti naimbag a damag ken Abraham, a dayta ti: “Babaen kenka mabendisionanto dagiti amin a nasion.”+  Iti kasta dagidiay mangannurot iti pammati mabembendisionanda+ a mairaman ken matalek nga Abraham.+ 10  Ta amin dagidiay agpannuray iti ar-aramid ti linteg addada iti sidong ti lunod; ta adda a naisurat: “Mailunod ti tunggal maysa a saan nga agtalinaed iti amin a bambanag a naisurat iti lukot ti Linteg tapno aramidenna ida.”+ 11  Mainayon pay, nalawag a babaen ti linteg awan ti maideklara a nalinteg+ iti Dios, agsipud ta “ti nalinteg agbiagto gapu iti pammati.”+ 12  Ita ti Linteg di umannurot iti pammati, no di ket “ti mangaramid kadakuada agbiagto babaen kadakuada.”+ 13  Babaen ti pananggatang+ linuk-atannatayo ni Kristo+ manipud iti lunod ti Linteg babaen ti panagbalinna a lunod+ imbes a datayo, agsipud ta adda a naisurat: “Nailunod ti tunggal tao a naibitin iti kayo.”+ 14  Ti panggep ket tapno ti bendision ni Abraham umay babaen ken Jesu-Kristo a maipaay kadagiti nasion,+ tapno awatentayo koma ti naikari nga espiritu+ babaen ti pammatitayo.+ 15  Kakabsat, agsaoak babaen ti natauan a pangngarig: Ti napasingkedan a tulag, nupay kukua ti tao, awan ti mangiwalin wenno mangitipon kadagiti kanayonan iti dayta.+ 16  Ita dagiti kari naisaoda ken Abraham+ ken iti bin-ina.+ Kunana, saan a: “Ken kadagiti bin-i,” a kasla agsao iti adu a kasta, no di ket kasla agsao iti maymaysa:+ “Ken iti bin-im,”+ nga isu ni Kristo.+ 17  Kanayonanna, kunaek daytoy: No maipapan iti tulag a pinasingkedan ti Dios+ iti napalabas, ti Linteg a napaadda uppat a gasut ket tallopulo a tawen+ kalpasanna saanna a pagbalinen dayta nga awan kapapay-anna, tapno mawaswas ti kari.+ 18  Ta no ti tawid ket gapu iti linteg, dayta ket saanen a gapu iti kari;+ idinto ta ti Dios siaasi nga impaayna dayta ken Abraham babaen ti maysa a kari.+ 19  Apay, ngarud, ti Linteg? Nainayon dayta tapno maiparangarang dagiti salungasing,+ agingga a dumteng ti bin-i+ a nakaipaayan ti kari; ket nayallatiw dayta baeten kadagiti anghel+ babaen ti ima ti maysa a manangibabaet.+ 20  Ita awan ti manangibabaet no maymaysa laeng a persona ti maseknan, ngem ti Dios maymaysa.+ 21  Ti kadi Linteg, ngarud, bumusor kadagiti kari ti Dios?+ Saan koma a pulos mapasamak dayta! Ta no naited ti maysa a linteg a makabalin a mangted iti biag,+ ti kinalinteg ket pudno a babaen koma iti linteg.+ 22  Ngem ti Kasuratan+ inyawatna a sangsangkamaysa ti amin a bambanag iti panangipupok ti basol,+ tapno ti kari a bunga ti pammati ken Jesu-Kristo maited koma kadagidiay mangwatwatwat iti pammati.+ 23  Nupay kasta, sakbay a dimteng ti pammati,+ mabambantayantayo idi iti sidong ti linteg,+ a nayawattayo a sangsangkamaysa iti pannakaipupok, a sikikita iti pammati a naikeddeng a maipanayag.+ 24  Iti kasta ti Linteg nagbalin a manangisurotayo a mangiturong ken Kristo,+ tapno maideklaratayo a nalinteg+ gapu iti pammati. 25  Ngem ita ta dimtengen ti pammati,+ awantayon iti sidong ti manangisuro.+ 26  Iti kinapudnona, annaknakay+ amin ti Dios babaen ti pammatiyo ken Kristo Jesus. 27  Ta dakayo amin a nabautisaran ken Kristo+ inkawesyo ni Kristo.+ 28  Awan ti Judio wenno uray Griego,+ awan ti adipen wenno uray siwayawaya a tao,+ awan ti lalaki wenno uray babai;+ ta maymaysakayo amin a persona a naikaykaysa ken Kristo Jesus.+ 29  Mainayon pay, no kukuanakayo ni Kristo, pudno a bin-inakayo ni Abraham,+ dagiti agtawid mainaig iti maysa a kari.+

Footnotes