Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Galacia 2:1-21

2  Iti kasta kalpasan ti sangapulo ket uppat a tawen simmang-atak manen idiay Jerusalem+ agraman ni Bernabe,+ nga inkuyogko met ni Tito.  Ngem simmang-atak maipagapu iti paltiing.+ Ket indatagko iti sanguananda+ ti naimbag a damag nga ikaskasabak iti tengnga dagiti nasion, iti pribado, nupay kasta, iti sanguanan dagidiay naisangsangayan a lallaki, ta amangan ketdi no nagtartarayak+ wenno nagtarayak nga awan mamaayna.+  Nupay kasta, uray ni Tito,+ a naikuyog kaniak, saan a napilit a makugit,+ nupay isu ket Griego.  Ngem gapu kadagiti sinankakabsat+ a naiserrek a siuulimek,+ a simrek a sililimed tapno siimenda ti wayawayami+ nga adda kadakami a maikaykaysa ken Kristo Jesus, tapno naan-anay nga adipenendakami+ koma—  saankami a timmulok kadagitoy babaen ti panagpasakup,+ saan, saan uray iti maysa nga oras, tapno ti kinapudno+ ti naimbag a damag agtalinaed koma kadakayo.  Ngem iti biang dagidiay kasla addaan pateg+—awan pakaidumaanna kaniak uray aniada a kita ti tattao idi+—ti Dios saan nga agpannuray iti makinruar a langa ti tao+—kaniak, iti kinapudnona, dagidiay a naisangsangayan a lallaki awan ti impaayda a baro.  No di ket, iti kasupadina, idi makitada a naitalek+ kaniak ti naimbag a damag maipaay kadagidiay di nakugit,+ no kasano nga adda dayta ken Pedro maipaay kadagidiay nakugit+  ta Daydiay nangted ken Pedro kadagiti pannakabalin a nasken iti kinaapostol kadagidiay nakugit nangted met kaniak kadagiti pannakabalin+ maipaay kadagidiay adda kadagiti nasion;  wen, idi naammuanda ti di kaikarian a kinamanangngaasi+ a naited kaniak,+ da Santiago+ ken Cefas ken Juan, dagidiay kasla ad-adigi,+ intedda kaniak ken ni Bernabe+ ti makannawan nga ima iti panagkakadua,+ a rumbeng a mapankami kadagiti nasion, ngem isuda ket kadagidiay nakugit. 10  Isuna laeng ta sipapanunotkami koma kadagiti napanglaw.+ Daytoy mismo a banag sipapasnek met nga inkagumaak nga aramiden.+ 11  Nupay kasta, idi immay ni Cefas+ idiay Antioquia,+ sinupiatko a rupanrupa, agsipud ta isu kokondenaren.+ 12  Ta sakbay ti idadateng ti sumagmamano a lallaki manipud ken Santiago,+ isu nakipangpangan+ kadagiti tattao iti nasnasion; ngem idi dimtengdan, immadayo ket insinana ti bagina, gapu iti panagbuteng+ kadagidiay kameng ti klase nakugit.+ 13  Ti dadduma kadagiti Judio nakiramanda met kenkuana iti panangipakita itoy a panaginkukuna,+ iti kasta uray ni Bernabe+ naibuyog kadakuada iti panaginkukunada. 14  Ngem idi nakitak a saanda a magmagna a sililinteg sigun iti kinapudno ti naimbag a damag,+ kinunak ken Cefas iti sanguananda amin:+ “No sika, nupay Judioka, agbiagka a kas kadagiti nasion, ket saan a kas kadagiti Judio, kasano a pilpilitem dagiti tattao iti nasnasion nga agbiagda sigun iti ugali dagiti Judio?”+ 15  Datayo a Judio ti nakaisigudanna,+ ken saan a managbasol+ manipud kadagiti nasion, 16  yantangay ammotayo a ti maysa a tao maideklara a nalinteg,+ saan a gapu iti ar-aramid ti linteg, no di ket babaen laeng iti pammati+ ken Kristo Jesus, uray datayo addaantayo iti pammati ken Kristo Jesus, tapno maideklaratayo a nalinteg gapu iti pammati ken Kristo,+ ket saan a gapu iti ar-aramid ti linteg, agsipud ta gapu iti ar-aramid ti linteg awanto ti lasag a maideklara a nalinteg.+ 17  Ita no datayo, iti panangikagumaantayo a maideklara a nalinteg babaen ken Kristo,+ masarakantayo met a managbasol,+ ni Kristo aya iti kinapudnona ket ministro ti basol?+ Saan koma a pulos mapasamak dayta! 18  Ta no bangonek manen dagidi mismo a bambanag a rinebbakon,+ iparangarangko ti bagik a kas managsalungasing.+ 19  No maipapan kaniak, babaen ti linteg natayak iti linteg,+ tapno agbalinak a sibibiag iti Dios.+ 20  Nakalansaak a maikanunong ken Kristo.+ Saanen a siak ti agbiag,+ no di ket ni Kristo ti sibibiag a naikaykaysa kaniak.+ Iti kinapudnona, ti biag a pagbibiagak+ ita iti lasag isu ti pagbibiagak babaen ti pammati a maiturong iti Anak ti Dios, a nangayat kaniak ken nangyawat iti bagina maipaay kaniak.+ 21  Diak paiden ti di kaikarian a kinamanangngaasi ti Dios;+ ta no ti kinalinteg ket babaen ti linteg,+ ni Kristo pudno a natay iti awan kapapay-anna.+

Footnotes