Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Galacia 1:1-24

1  Ni Pablo,+ maysa nga apostol,+ saan a manipud kadagiti tattao wenno babaen ti tao, no di ket babaen ken Jesu-Kristo+ ken ti Dios nga Ama,+ a nangibangon kenkuana manipud kadagiti natay,+  ken amin dagiti kakabsat a kaduak,+ agpaay kadagiti kongregasion ti Galacia:+  Maaddaankay koma iti di kaikarian a kinamanangngaasi ken talna+ manipud iti Dios nga Amatayo ken iti Apo a ni Jesu-Kristo.  Intedna ti bagina maipaay iti basbasoltayo+ tapno maispalnatayo manipud agdama a nadangkes a sistema ti bambanag+ maitunos iti pagayatan+ ti Dios ken Amatayo,  a kenkuana agpaay koma ti dayag iti agnanayon ken awan inggana.+ Amen.  Agsiddaawak ta nakaparpardas ti pannakaipanawyo iti Daydiay+ nangayab kadakayo babaen ti di kaikarian a kinamanangngaasi ni Kristo+ nga agturong iti sabali a kita ti naimbag a damag.+  Ngem saan a sabali dayta; adda laeng ti sumagmamano a mangrirriribuk kadakayo+ ket kayatda a ballikugen ti naimbag a damag maipapan iti Kristo.+  Nupay kasta, uray no dakami wenno ti maysa nga anghel manipud langit ideklarana kadakayo kas naimbag a damag ti maysa a banag nga adda iti labes ti indeklarami kadakayo kas naimbag a damag, isu mailunod koma.+  Kas naikunamin iti ngato, kunaek met ita manen, Siasinoman dayta a mangidekdeklara kadakayo kas naimbag a damag ti maysa a banag nga adda iti labes ti inawatyo,+ isu mailunod koma. 10  Dagiti tattao aya, iti kinapudnona, ti padpadasek ita a guyugoyen wenno ti Dios? Wenno ikagkagumaak aya nga ay-aywen dagiti tattao?+ No tattao pay laeng ti ay-aywek,+ saanak nga adipen ni Kristo.+ 11  Ta pakaammuankayo, kakabsat, a ti naimbag a damag nga indeklarak kas naimbag a damag ket saan a banag a natauan;+ 12  ta diak inawat dayta manipud iti tao, ket saanak met a naisuro iti dayta, malaksid no di babaen ti paltiing ni Jesu-Kristo.+ 13  Siempre, nangngegyo ti maipapan iti sigud a kababalinko iti Judaismo,+ nga agingga iti punto a panaglablabes indaddadanesko+ ti kongregasion ti Dios ken dinaddadaelko dayta,+ 14  ket dakdakkel idi ti irarang-ayko iti Judaismo ngem iti adu a kasadarko iti pulik,+ yantangay adayo a naregregtaak idi+ kadagiti tradision+ dagiti ammak. 15  Ngem idi a ti Dios, a nangisina kaniak manipud aanakan ni inak ken nangayab+ kaniak babaen ti di kaikarian a kinamanangngaasina,+ napanunotna a nasayaat 16  nga ipalgakna ti Anakna mainaig kaniak,+ tapno maideklarak ti naimbag a damag maipapan kenkuana kadagiti nasion,+ saanak a dagus a napan nakiinnuman iti lasag ken dara.+ 17  Saanak met a simmang-at idiay Jerusalem kadagidiay apostol nga immun-una ngem siak,+ no di ket napanak idiay Arabia, ket nagsubliak manen idiay Damasco.+ 18  Ket tallo a tawen kalpasanna simmang-atak idiay Jerusalem+ tapno sarungkarak ni Cefas,+ ket nakipagyanak kenkuana iti sangapulo ket lima nga aldaw. 19  Ngem awan ti sabali a nakitak kadagiti apostol, ni laeng Santiago+ a kabsat+ ti Apo. 20  Ita no maipapan iti bambanag nga isursuratko kadakayo, adtoy! iti imatang ti Dios, diak agul-ulbod.+ 21  Kalpasan dayta napanak+ kadagiti rehion ti Siria ken ti Cilicia. 22  Ngem iti rupa saandak idi nga am-ammo dagiti kongregasion ti Judea a naikaykaysa ken Kristo;+ 23  nangnangngegda laeng: “Ti tao a sigud a mangidaddadanes+ kadatayo idekdeklarana itan ti naimbag a damag maipapan iti pammati a dinaddadaelna idi.”+ 24  Gapuna rinugianda nga indaydayaw+ ti Dios gapu kaniak.

Footnotes