Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Filipos 4:1-23

4  Iti kasta, kakabsatko a dungdungnguen ken il-iliwen, rag-ok ken koronak,+ agtakderkayo a sititibker+ iti kastoy a pamay-an iti Apo, dungdungnguen.  Bagbagaak ni Euodia ken bagbagaak ni Sintique nga agmaymaysa koma ti panunotda+ iti Apo.  Wen, kiddawek met kenka, pudpudno a kasinnangol,+ itultuloymo a tulongan dagitoy a babbai nga immagawa a nakidanggay kaniak+ iti naimbag a damag agraman ken Clemente kasta met ti dadduma a katrabahuak,+ a dagiti naganda+ adda iti libro ti biag.+  Kankanayon nga agrag-okayo iti Apo.+ Maminsan pay a kunaek, Agrag-okayo!+  Ti kinanainkalinteganyo+ maammuan koma dagiti amin a tattao. Ti Apo asidegen.+  Dikay maringgoran iti aniaman,+ no di ket iti amin a banag babaen iti kararag ken araraw+ agraman panagyaman maipakaammo koma dagiti dawatyo iti Dios;+  ket ti talna+ ti Dios a mangringbaw iti isuamin a panunot saluadannanto dagiti pusoyo+ ken dagiti pannakabalin ti isipyo babaen ken Kristo Jesus.  Kamaudiananna, kakabsat, aniaman a bambanag a napudno, aniaman a bambanag a serioso a pakaseknan, aniaman a bambanag a nalinteg, aniaman a bambanag a nadalus,+ aniaman a bambanag a maay-ayat, aniaman a bambanag a naimbag ti pakasarsaritaanda, aniaman ti adda a kinasingpet ken aniaman ti adda a banag a nadayaw, itultuloyyo nga utoben dagitoy a banag.+  Ti bambanag a naadalyo kasta met nga inawat ken nangngeg ken nakitayo mainaig kaniak, annurotenyo dagitoy;+ ket ti Dios ti talna+ addanto kadakayo. 10  Agragrag-oak iti kasta unay iti Apo ta itan iti kamaudianan napasubliyon ti panagpampanunotyo maigapu kaniak,+ a pudno a pinampanunotyo, ngem naawanankayo iti gundaway. 11  Saanak nga agsasao maipapan iti kaaddak iti kinakirang, ta, kadagiti aniaman a kasasaadko, naadalko ti mapnek.+ 12  Iti kinapudnona ammok no kasano ti agbalin a nanumo kadagiti pagtaraon,+ iti kinapudnona ammok no kasano ti maaddaan iti kinaruay. Iti amin a banag ken kadagiti amin a kasasaad naadalko ti palimed agpadpada no kasano ti mabsog ken no kasano ti mabisinan, agpadpada no kasano ti maaddaan iti kinaruay ken no kasano ti agsagaba iti kinakirang.+ 13  Ta iti amin a bambanag addaanak iti bileg gapu iti daydiay mangmangted kaniak iti pannakabalin.+ 14  Nupay kasta, naimbag ti panagtignayyo iti pannakiramanyo+ kaniak iti rigatko.+ 15  Iti kinapudnona, dakayo a taga Filipos, ammuenyo met nga idi nairugi ti pannakaideklara ti naimbag a damag, idi pimmanawak idiay Macedonia, awan ti kongregasion a nakiraman kaniak mainaig iti panangted ken panangawat, malaksid kadakayo laeng;+ 16  agsipud ta, uray pay idiay Tesalonica, nangipatulodkayo kaniak agpadpada iti naminsan ken iti maikadua a daras maipaay iti kasapulak. 17  Saan a gapu ta sipapasnek a sapsapulek ti sagut,+ no di ket sipapasnek a sapsapulek ti bunga+ a mangyeg iti ad-adu a gunggona iti kuentayo. 18  Nupay kasta, naan-anay nga addaanak iti amin a bambanag ken addaanak iti kinaruay. Napnoak, ita ta naawatkon ken Epafrodito+ ti bambanag a naggapu kadakayo, maysa a nabanglo a sayamusom,+ maawat a sakripisio,+ a makaay-ayo unay iti Dios. 19  Kalpasanna, ti Diosko+ ipaaynanto a naan-anay ti isuamin a kasapulanyo+ iti madanon ti kinabaknangna+ iti dayag babaen ken Kristo Jesus. 20  Ita iti Dios ken Amatayo maadda koma ti dayag iti agnanayon ken awan inggana.+ Amen. 21  Idanonyo dagiti kablaawko+ iti tunggal santo a naikaykaysa+ ken Kristo Jesus. Dagiti kakabsat a kakaduak ipaw-itda kadakayo dagiti kablaawda. 22  Amin dagiti sasanto, ngem nangnangruna dagidiay adda iti sangakabbalayan ni Cesar, ipaw-itda kadakayo dagiti kablaawda.+ 23  Ti di kaikarian a kinamanangngaasi ni Apo Jesu-Kristo maadda koma iti espiritu nga ipakpakitayo.+

Footnotes