Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Filipos 1:1-30

1  Ni Pablo ken ni Timoteo, ad-adipen+ ni Kristo Jesus, agpaay iti amin a sasanto nga adda idiay Filipos+ a naikaykaysa ken Kristo Jesus, agraman dagiti manangaywan ken dagiti ministerial nga adipen:+  Maaddaankay koma iti di kaikarian a kinamanangngaasi ken talna manipud iti Dios nga Amatayo ken iti Apo a ni Jesu-Kristo.+  Agyamanak a kankanayon iti Diosko iti tunggal pannakalagipko kadakayo+  iti tunggal ararawko a maipaay kadakayo amin,+ bayat nga ipapaayko ti ararawko a buyogen ti rag-o,  gapu iti kontribusion+ nga impaayyo iti naimbag a damag nanipud idi umuna nga aldaw agingga itoy a kanito.  Ta agtalekak itoy met laeng a banag, a ti nangirugi iti naimbag nga aramid kadakayo iringpasnanto+ dayta agingga iti aldaw+ ni Jesu-Kristo.  Naan-anay nga umiso a panunotek daytoy maipapan kadakayo amin, maigapu iti kaaddayo iti pusok,+ dakayo amin yantangay makiramramankayo+ kaniak iti di kaikarian a kinamanangngaasi, agpadpada kadagiti parautko iti pagbaludan+ ken iti panangidepensa+ ken legal+ a panangipasdek iti naimbag a damag.  Ta ti Dios isu ti saksik no kasano a mail-iliwak kadakayo amin iti kasta a kinalailo+ a kas iti adda ken Kristo Jesus.  Ket daytoy ti agtultuloy nga ikarkararagko, a ti ayatyo umadu+ koma nga ad-adda pay buyogen ti umiso a pannakaammo+ ken naan-anay a panangilasin;+ 10  tapno masiguradoyo ti napatpateg a bambanag,+ iti kasta awan koma ti pakapilawanyo+ ket saanyo a maitibkol+ ti sabsabali agingga iti aldaw ni Kristo, 11  ken mapnokayo koma iti nalinteg a bunga,+ a dayta ket babaen ken Jesu-Kristo, a pakaipadayagan ken pakaidayawan ti Dios.+ 12  Ita tarigagayak a maammuanyo, kakabsat, a dagiti aramidko nagbanagda a pakaparang-ayan ti naimbag a damag+ imbes nga iti sabali, 13  iti kasta dagiti parautko+ nagbalinda a publiko a pannakaammo+ a mainaig ken Kristo iti nagtetengngaan dagiti amin a Guardia a Pretorio ken iti amin a sabsabali;+ 14  ket kaaduan kadagiti kakabsat iti Apo, yantangay nariknada ti panagtalek maigapu kadagiti parautko iti pagbaludan, mangipakpakitada iti ad-adda pay a tured tapno awanan buteng a sawenda ti sao ti Dios.+ 15  Pudno, dadduma ikaskasabada ti Kristo babaen iti apal ken rinnisiris,+ ngem ti met sabsabali babaen iti naimbag a nakem.+ 16  Dagiti naud-udi a nadakamat ipabpablaakda ti Kristo gapu iti ayat, ta ammoda a naisaadak ditoy a maipaay iti panangidepensa+ iti naimbag a damag; 17  ngem dagidiay immun-una aramidenda dayta gapu iti rinnupir,+ saan a buyogen ti nadalus a motibo, ta pampanunotenda ti mangparnuay iti rigat+ maipaay kaniak kadagiti parautko iti pagbaludan. 18  Ania ngarud? Awan, malaksid nga iti tunggal pamay-an, uray no iti panaginkukuna+ wenno iti kinapudno, ni Kristo maipabpablaak,+ ket agrag-oak iti daytoy. Iti kinapudnona, agtultuloyakto met nga agrag-o, 19  ta ammok nga agbanagto daytoy iti pannakaisalakanko babaen iti ararawyo+ ken iti pannakaipaay ti espiritu ni Jesu-Kristo,+ 20  maitunos iti sigagagar a panangseggak+ ken namnamak+ a saanakto a mabain+ iti aniaman a pamay-an, no di ket iti isuamin a wayawaya nga agsao,+ kas kankanayon a kasta idi unana, kasta met ita a ni Kristo maitan-ok babaen ti bagik,+ uray no babaen ti biag wenno babaen ti ipapatay.+ 21  Ta iti kasasaadko ti panagbiag ket Kristo,+ ket ti matay,+ gunggona. 22  Ita no dayta ket agtultuloy a panagbiag iti lasag, bunga daytoy ti aramidko+—ngem nupay kasta no ania ti banag a pilien saanko nga ipakaammo. 23  Madagdagsenanak kadagitoy dua a banag;+ ngem ti tarigagayak isu ti pannakaluk-at ken ti pannakaitimpuyog ken Kristo,+ ta daytoy, iti kinaagpaysuanna, ket adayo a nasaysayaat.+ 24  Nupay kasta, ti panagtalinaedko iti lasag ket nasnasken gapu kadakayo.+ 25  Gapuna, yantangay agtaltalekak maipapan itoy, ammok nga agtalinaedak+ ken makipagtaengak kadakayo amin maipaay iti panagrang-ayyo+ ken iti rag-o a kukua ti pammatiyo, 26  tapno ti panagrag-oyo aglippias koma ken Kristo Jesus gapu kaniak babaen ti kaaddak manen kadakayo. 27  Isuna laeng ta agtignaykayo iti pamay-an a maikari+ iti naimbag a damag maipapan iti Kristo, tapno iti kasta, uray no umayak ket makitakayo wenno awanak, mangngegko koma ti bambanag maipapan kadakayo, nga agtaktakderkayo a sititibker iti maymaysa nga espiritu, agraman iti maymaysa a kararua+ nga umag-agawa nga agdadanggay a maipaay iti pammati iti naimbag a damag, 28  ket iti aniaman a pamay-an saan a mabutbuteng kadagiti kabusoryo.+ Daytoy met laeng a banag ket pammaneknek ti pannakadadael kadakuada, ngem pannakaisalakan kadakayo;+ ket daytoy a pasimudaag naggapu iti Dios, 29  agsipud ta naited kadakayo ti pribilehio maigapu ken Kristo, saan laeng a tapno maaddaankayo iti pammati+ kenkuana, no di ket tapno agsagaba+ met maigapu kenkuana. 30  Ta addaankayo iti isu met laeng a pannakidangadang kas iti nakitayo iti kasasaadko+ ken kas iti mangngegyo ita iti kasasaadko.+

Footnotes