Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Filemon 1:1-25

1  Ni Pablo, maysa a balud+ maigapu ken Kristo Jesus, ken ni Timoteo,+ a kabsattayo, agpaay ken Filemon, ti dungdungnguenmi ken katrabahuanmi,+  ken ni Apia, a kabsatmi a babai, ken ni Arquipo,+ a padami a soldado,+ ken iti kongregasion nga adda iti balaymo:+  Maaddaankay koma iti di kaikarian a kinamanangngaasi ken talna manipud iti Dios nga Amatayo ken iti Apo a ni Jesu-Kristo.+  Kankanayon nga agyamanak iti Diosko no dakamatenka iti karkararagko,+  yantangay agtultuloy a mangmangngegak ti maipapan iti ayatmo ken ti adda a pammatim maipaay ken Apo Jesus ken iti amin a sasanto;+  tapno ti panangiranud iti pammatim+ agtignay koma babaen ti panangbigbigmo iti tunggal naimbag a banag nga adda kadatayo mainaig ken Kristo.  Ta nakagun-odak iti adu a rag-o ken liwliwa gapu iti ayatmo,+ agsipud ta napasaranta+ dagiti kinalailo ti sasanto babaen kenka, kabsat.  Gapu itoy met laeng a rason, nupay addaanak iti dakkel a wayawaya nga agsao mainaig ken Kristo tapno bilinenka+ nga aramidem ti umiso,  bagbagaanka ketdi maibatay iti ayat,+ yantangay kastoyak, ni Pablo a maysa a lakayen, wen, ita maysa metten a balud+ maigapu ken Kristo Jesus; 10  bagbagaanka maipapan iti anakko,+ a kenkuana nagbalinak nga ama+ bayat ti kaaddak kadagiti parautko iti pagbaludan, ni Onesimo,+ 11  a sigud nga awan serserbina kenka ngem ita adun ti pakausaranna maipaay kenka ken kaniak.+ 12  Isu a mismo pagsubliek kenka, wen, isu, awan sabali, dagiti bukodko a kinalailo.+ 13  Kayatko nga igawid a maipaay kaniak tapno kas kasukatmo+ makapagtultuloy koma nga agserbi kaniak kadagiti paraut iti pagbaludan+ nga ib-ibturak maigapu iti naimbag a damag. 14  Ngem no awan ti pammalubosmo diak kayat nga aramiden ti aniaman a banag, tapno ti naimbag nga aramidmo ket, saan a kasla mapilpilit, no di ket iti sibubulos a nakemmo.+ 15  Nalabit pudno a gapu itoy isu simmina iti maysa nga oras, tapno mapasublim iti agnanayon, 16  saanen a kas adipen+ no di ket ad-adda pay ngem adipen,+ kas kabsat a dungdungnguen,+ nangnangruna a kasta kaniak, ngem anian a nangnangruna pay a kasta kenka agpadpada iti nainlasagan a pannakirelasion ken iti Apo. 17  No, ngarud, ibilangnak a maysa a makiraman,+ isu awatem+ a siaasi a kas iti panangawatmo koma kaniak. 18  Mainayon pay, no nakaaramid kenka iti aniaman a dakes wenno nakautang kenka iti aniaman a banag, isingirmo daytoy iti kuentak. 19  Siak ni Pablo isursuratko babaen iti bukodko nga ima:+ bayadakto dayta—saanen nga ibaga pay kenka a, malaksid iti dayta, utangmo kaniak uray pay ta bagim. 20  Wen, kabsat, makaalaak koma iti gunggona manipud kenka mainaig iti Apo: pasarantaem dagiti kinalailok+ mainaig ken Kristo. 21  Gapu ta agtaltalekak iti itutulokmo, agsursuratak kenka, yantangay ammok nga aramidemto ti ad-adda pay ngem ti bambanag nga ibagak.+ 22  Ngem mairaman iti dayta, isaganaannak met iti pagdagusan,+ ta manginanamaak a babaen iti karkararagyo+ mawayawayaanakto+ a maipaay kadakayo. 23  Ni Epafras+ a padak a kautibo a naikaykaysa ken Kristo Jesus ipaw-itna dagiti kablaawna kenka, 24  kasta met da Marcos, Aristarco,+ Demas,+ Lucas, dagiti katrabahuak. 25  Ti di kaikarian a kinamanangngaasi ni Apo Jesu-Kristo maadda koma iti espiritu nga ipakpakitayo.+

Footnotes