Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 9:1-11

9  Ket isu nagpukkaw kadagiti lapayagko iti natbag a timek, a kunkunana: “Paasitgenyo dagidiay mangipapaay iti asikasoda iti siudad, a tunggal maysa siiiggem iti igamna a pangdadael!”  Ket, adtoy! adda innem a lallaki nga um-umay manipud iti turong ti makinngato+ a ruangan a sumango iti amianan, a ti tunggal maysa adda iti imana ti igamna a pangburak; ket kadakuada adda maysa a lalaki a sikakawes iti lienso,+ nga adda tintero ti sekretario kadagiti padingpadingna, ket simrekda ket nagtakderda iti abay ti altar a gambang.+  Ket no maipapan iti dayag ti Dios ti Israel,+ naipangato manipud ngatuen dagiti kerubin+ nga iti rabawda ti ayan dayta nga agturong iti arsadanan ti balay,+ ket rinugianna a pinukkawan ti lalaki a sikakawes iti lienso,+ a kadagiti padingpadingna adda ti tintero ti sekretario.  Ket kinuna kenkuana ni Jehova: “Lumasatka iti tengnga ti siudad, iti tengnga ti Jerusalem, ket masapul a mangikabilka iti marka kadagiti muging dagiti tattao nga agsensennaay ken umas-asug+ gapu iti amin a nakarimrimon a bambanag a maar-aramid iti tengngana.”+  Ket kadagitoy a sabsabali kinunana kadagiti lapayagko: “Lumasatkayo iti siudad a sumaruno kenkuana ket agkabilkayo. Saan koma a mangay-ay ti matayo, ket dikay pulos mangngaasi.+  Ti lakay, agtutubo a lalaki ken birhen ken bassit nga ubing ken babbai+ rebbeng nga ikisapyo—agingga iti pannakadadael. Ngem iti asinoman a tao nga addaan ti marka dikay umasideg,+ ket rebbeng a mangrugikayo iti santuariok.”+ Gapuna nangrugida kadagiti lallakay nga adda iti sanguanan ti balay.+  Ket kinunana pay kadakuada: “Tulawanyo ti balay ket punnuenyo dagiti paraangan kadagiti napapatay.+ Mapankayo!” Ket napanda ket nagkabilda iti siudad.  Ket naaramid a, bayat a mangkabkabilda ket siak ti nabati, insubusobko ti rupak+ ket imkisak ket kinunak: “Ay,+ O Soberano nga Apo Jehova! Dadaelem kadi amin dagidiay nabatbati iti Israel bayat nga ibuybuyatmo ti pungtotmo iti Jerusalem?”+  Gapuna kinunana kaniak: “Ti biddut ti balay ti Israel ken Juda+ nakadakdakkel unay,+ ket ti daga napno iti panagibukbok iti dara+ ket ti siudad napno iti kinakillo;+ ta kinunada, ‘Binaybay-an ni Jehova ti daga,+ ket ni Jehova saan a kumitkita.’+ 10  Ket no maipapan met kaniak, ti matak saanto a mangay-ay,+ saanakto met a mangngaasi.+ Ti dalanda sigurado nga iyegkonto iti rabaw ti bukodda nga ulo.”+ 11  Ket, adtoy! ti lalaki a sikakawes iti lienso, a kadagiti padingpadingna adda ti tintero, nangyeg iti sao, a kunkunana: “Inaramidko ti kas iti imbilinmo kaniak.”+

Footnotes