Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 8:1-18

8  Ket naaramid iti maikanem a tawen, iti maikanem a bulan, iti maikalima nga aldaw ti bulan, a situtugawak iti balayko ket dagiti lallakay ti Juda situtugawda iti sanguanak,+ idi a ti ima ti Soberano nga Apo Jehova immapay kaniak sadiay.+  Ket nangrugi a makitak, ket, adtoy! ti maysa a langa a kaasping ti langa ti apuy;+ manipud iti langa dagiti padingpadingna uray iti agpababa adda apuy,+ ket manipud iti padingpadingna uray iti agpangato adda maysa a banag a kas iti langa ti agsilsilnag, kas iti rangrang ti elektrum.+  Idin inyunnatna ti ladawan ti maysa nga ima+ ket innalanak babaen iti punggos a buok ti ulok, ket ti maysa nga espiritu+ inawitnak iti nagbaetan ti daga ken ti langlangit ket impannak idiay Jerusalem kadagiti sirmata ti Dios,+ iti pagserkan ti makin-uneg a ruangan+ a sumango iti amianan, iti ayan ti disso a pagnaedan ti simbolo ti imon a manggargari iti panagimon.+  Ket, adtoy! adda sadiay ti dayag ti Dios ti Israel,+ kas iti langa a nakitak idiay ginget a tanap.  Ket kinunana kaniak: “Anak ti tao, pangngaasim, itangwam dagita matam iti turong ti amianan.” Gapuna intangwak dagiti matak iti turong ti amianan, ket, adtoy! iti amianan ti ruangan ti altar adda idi daytoy simbolo ti imon+ idiay pagserkan.  Ket kinunana kaniak: “Anak ti tao, makitam kadi no ania a dadakkel a nakarimrimon a bambanag ti ar-aramidenda,+ ti bambanag nga ar-aramiden ditoy ti balay ti Israel tapno mayadayoak iti santuariok?+ Ket kaskasdi a makakitakanto manen iti dadakkel a nakarimrimon a bambanag.”  Iti kasta impannak iti pagserkan ti paraangan, ket nangrugi a makitak, ket, adtoy! maysa nga abut iti pader.  Kinunana ita kaniak: “Anak ti tao, mangbutbotka, pangngaasim, ita pader.”+ Ket in-inut a nangbutbotak iti pader, ket, adtoy! adda maysa a pagserkan.  Ket kinunana pay kaniak: “Sumrekka ket kitaem ti dakes a nakarimrimon a bambanag nga ar-aramidenda ditoy.”+ 10  Gapuna simrekak ket nangrugi a makitak, ket, adtoy! adda ti tunggal ladawan+ ti agkarkarayam a bambanag ken makarumen nga an-animal,+ ken amin dagiti makadurmen nga idolo ti balay ti Israel,+ a ti kitikit naiburik iti pader iti intero nga aglikmut. 11  Ket pitopulo a lallaki+ kadagidiay lallakay iti balay ti Israel, a ni Jaazanias nga anak ni Safan+ agtaktakder iti tengngada, sitatakderda idi iti sanguananda, tunggal maysa adda paginsiensuanna iti imana, ket ti banglo ti ulep ti insienso agpangpangato.+ 12  Ket kinunana kaniak: “Nakitam kadi, O anak ti tao, no ania ti ar-aramiden dagidiay lallakay iti balay ti Israel iti sipnget,+ tunggal maysa kadagiti makin-uneg a siled ti rebultona? Ta kunkunada: ‘Saannatayo a makita ni Jehova.+ Binaybay-an ni Jehova ti daga.’” 13  Ket intuloyna a kunaen kaniak: “Kaskasdi a makakitakanto manen iti dadakkel a nakarimrimon a bambanag nga ar-aramidenda.”+ 14  Gapuna impannak iti pagserkan ti ruangan ti balay ni Jehova, nga agpaamianan, ket, adtoy! situtugaw sadiay dagiti babbai, a sangsangitanda ti dios a ni Tammuz. 15  Ket kinunana pay kaniak: “Nakitam kadi daytoy, O anak ti tao? Kaskasdi a makakitakanto manen iti dadakkel a nakarimrimon+ a bambanag a dakdakes ngem dagitoy.” 16  Gapuna impannak iti makin-uneg a paraangan ti balay ni Jehova,+ ket, adtoy! iti pagserkan ti templo ni Jehova, iti nagbaetan ti beranda ken ti altar,+ adda agarup duapulo ket lima a lallaki+ a nakatallikud iti templo ni Jehova+ ket sisasangoda iti daya, ken siruruknoyda a tumurong iti daya, tumurong iti init.+ 17  Ket kinunana kaniak: “Nakitam kadi daytoy, O anak ti tao? Nalag-an kadi a banag iti balay ti Juda ti panangaramid iti nakarimrimon a bambanag nga inaramidda ditoy, a kasapulan a punnuenda ti daga iti kinaranggas+ ket rurodendak manen, ket adtoy idugdugsolda ti saringit iti agongko? 18  Ket siak met agtignayakto a sipupungtot.+ Ti matak saanto a mangay-ay, saanakto met a mangngaasi.+ Ket sigurado nga agpukkawdanto kadagiti lapayagko iti natbag a timek, ngem saankonto ida a denggen.”+

Footnotes