Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 7:1-27

7  Ket ti sao ni Jehova nagtultuloy a dumteng kaniak, a kunkunana:  “Ket no maipapan kenka, O anak ti tao, daytoy ti kinuna ti Soberano nga Apo Jehova iti daga ti Israel, ‘Maysa a panungpalan, ti panungpalan, dimtengen iti uppat nga ungto ti daga.+  Ita adda kenka ti panungpalan,+ ket masapul nga ibaonko ti ungetko maibusor kenka, ket ukomenkanto maitunos kadagiti dalanmo+ ket ipagtengko kenka ti amin a nakarimrimon a bambanagmo.  Ket ti matak saanto a maay-ay kenka,+ saanakto met a mangngaasi, ta ipagtengkonto kenka dagiti bukodmo a dalan, ket iti tengngam maaddanto ti bukodmo a nakarimrimon a bambanag;+ ket kasapulanto a maammuanyo a siak ni Jehova.’+  “Daytoy ti kinuna ti Soberano nga Apo Jehova, ‘Maysa a didigra, naisalsalumina a didigra, adtoy! um-umayen.+  Ti met laeng panungpalan umayto.+ Ti panungpalan umayto; agriingto dayta maipaay kenka. Adtoy! Um-umayen.+  Ti arkos a balangat dumtengto kenka, O agnanaed iti daga, ti tiempo umayto, ti aldaw asidegen.+ Adda pannakariribuk, ket saan a ti panagdir-i dagiti bantay.  “‘Ita iti mabiiten ibuyatkonto kenka ti pungtotko,+ ket ipatinggakto kenka ti ungetko,+ ket ukomenkanto maitunos kadagiti dalanmo+ ken ipagtengko kenka ti amin a nakarimrimon a bambanagmo.  Saanto a mangay-ay ti matak+ ket saanakto met a mangngaasi.+ Maitunos kadagiti dalanmo mangipagtengakto kenka, ket ti bukodmo a nakarimrimon a bambanag addadanto a mismo iti tengngam;+ ket kasapulanto a maammuanyo a siak ni Jehova a mangar-aramid iti panangkabil.+ 10  “‘Adtoy! Ti aldaw! Adtoy! Um-umayen.+ Ti arkos a balangat rimmuaren.+ Ti sarukod nagsabong.+ Ti kinadursok nagtubo.+ 11  Ti met laeng kinaranggas timmanor a nagbalin a sarukod ti kinadangkes.+ Saan a manipud kadakuada, saan met a manipud iti kinabaknangda; ket saan a manipud iti bagbagida, awan met ti aniaman a kinatan-ok kadakuada. 12  Ti tiempo masapul nga umay, ti aldaw masapul a dumteng. No maipapan iti aggatgatang, saan koma nga agrag-o;+ ket no maipapan iti aglaklako, saan koma nga agleddaang, ta adda napudot a rikna maibusor iti isuamin a bunggoyna. 13  Ta ti nailako saanto a sublian ti aglaklako, bayat a ti biagda adda pay laeng iti tengnga dagiti sibibiag; ta ti sirmata ket maipaay iti isuamin a bunggoyna. Awanto ti agsubli, ket saandanto nga ikutan ti bagbagida tunggal maysa ti mismo a biagna babaen iti bukodna a biddut. 14  “‘Pinuyotda ti trumpeta+ ket adda panangisagana iti isuamin, ngem awan ti mapan iti bakal, agsipud ta ti napudot a riknak ket maibusor iti isuamin a bunggoyna.+ 15  Ti kampilan+ adda iti ruar, ket ti angol ken ti nakaro a bisin addada iti uneg.+ Siasinoman nga adda iti tay-ak, babaen iti kampilan matayto, ket siasinoman nga adda iti siudad, alun-onento ida ti mismo a nakaro a bisin ken angol.+ 16  Ket dagiti nakapagtalaw kadakuada sigurado nga agtalawdanto+ ket kadagiti bantay agbalindanto a kas kadagiti kalapati iti gingginget,+ nga isuda amin umas-asugda, tunggal maysa iti bukodna a biddut. 17  No maipapan kadagiti amin nga ima, agtultuloyda nga agsalupaypay;+ ket no maipapan kadagiti amin a tumeng, agtultuloyda a mangitedted iti danum.+ 18  Ket nagbarikesda iti tinakpil,+ ket inabbongan ida ti panagpigerger;+ ket kadagiti amin a rupa adda bain+ ket kadagiti amin nga uloda adda panagkalbo.+ 19  “‘Kadagiti kalsada ipuruakdanto ti mismo a pirakda, ket ti bukodda a balitok agbalinto a makaparurod a banag. Saanto a kabaelan nga ispalen ida ti pirakda wenno uray ti balitokda iti aldaw ti rungsot ni Jehova.+ Saandanto a penneken ti kararuada, ket saandanto a punnuen dagiti bagisda, ta nagbalin dayta a pakaitibkolan a makagapu iti biddutda.+ 20  Ket ti imnas ti arkos ti maysa—impasdek dayta ti maysa kas rason ti panagpannakkel; ket ti nakarimrimon a ladladawanda,+ ti makarimon a bambanagda,+ inaramidda babaen iti dayta. Dayta ti makagapu a pagbalinekto kadakuada a makaparurod a banag.+ 21  Ket itedkonto dayta a maipaay a samsam iti ima dagiti ganggannaet ken maipaay a ginam-ud kadagidiay nadangkes iti daga,+ ket sigurado a tabbaawandanto dayta. 22  “‘Ket itallikudkonto kadakuada ti rupak,+ ket pudno a tabbaawandanto ti natalimeng a lugarko, ket dagiti mannanakaw pudno a sumrekdanto iti dayta ket tabbaawanda.+ 23  “‘Aramidem ti kawar,+ ta ti met laeng daga napno kadagiti panangukom a namansaan iti dara+ ket ti met laeng siudad napno iti kinaranggas.+ 24  Ket iyegkonto dagidiay kadadaksan ti nasnasion,+ ket sigurado a tagikuaendanto dagiti balayda,+ ket pasardengekto ti panagpannakkel dagidiay napigsa,+ ket dagiti santuarioda matabbaawanto.+ 25  Addanto dumteng a tuok, ket sigurado a sapulendanto ti talna ngem awanto.+ 26  Addanto dumteng a panagrigat kalpasan ti panagrigat,+ ket addanto ti damag kalpasan ti damag, ket dagiti tattao pudno nga agsapuldanto iti sirmata manipud iti mammadto,+ ket ti met laeng linteg mapukawto manipud iti padi ken ti pammatigmaan manipud kadagiti lallakay.+ 27  Ti met laeng ari agleddaangto;+ uray ti maysa a panguluen kawesannanto ti bagina iti panaglangalang,+ ket ti mismo nga im-ima dagiti umili iti daga mariribukdanto. Agtignayakto kadakuada maitunos iti dalanda,+ ket babaen kadagiti panangukomda ukomekto ida;+ ket kasapulanto a maammuanda a siak ni Jehova.’”+

Footnotes