Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 6:1-14

6  Ket ti sao ni Jehova nagtultuloy a dumteng kaniak, a kunkunana:  “Anak ti tao, isangom ta rupam kadagiti bantay ti Israel ket agipadtoka+ kadakuada.+  Ket masapul a kunaem, ‘O bambantay ti Israel, denggenyo ti sao ti Soberano nga Apo Jehova:+ Daytoy ti kinuna ti Soberano nga Apo Jehova kadagiti bantay ken kadagiti turod,+ kadagiti pagayusan ti waig ken kadagiti ginget: “Adtoyak! Mangyegak kadakayo iti kampilan, ket sigurado a dadaelekto dagiti nangato a dissoyo.+  Ket mapaglangalangto dagiti altaryo+ ket maburakto dagiti pagsaadan ti insiensoyo, ket ipasagkonto dagiti napapatay kadakayo iti sanguanan dagiti makadurmen nga idoloyo.+  Ket ikabilkonto dagiti bangkay ti annak ti Israel iti sanguanan dagiti makadurmen nga idoloda, ket iwarawarakto dagiti tulangyo iti intero nga aglikmut dagiti altaryo.+  Kadagiti amin a disso a pagnanaedanyo+ agbalinto a walangwalang dagiti mismo a siudad+ ket agbalinto a langalang dagiti mismo a nangato a disso, tapno iti kasta agwalangwalangda+ ket dagiti altaryo aglangalang ken pudno a maburak+ ket dagiti makadurmen nga idoloyo pudno a mapagpukaw+ ket dagiti pagsaadan ti insiensoyo maputed+ ket dagiti aramidyo mapunas.  Ket ti napapatay sigurado a mapasagto iti tengngayo,+ ket kasapulanto a maammuanyo a siak ni Jehova.+  “‘“Ket inton mapasamak dayta palubosakto a maadda kadakayo kas natda dagidiay makatalaw iti kampilan iti tengnga dagiti nasion, inton maiwarawarakayo iti dagdaga.+  Ket dagidiay nakatalaw kadakayo sigurado a malagipdakto iti tengnga dagiti nasion a nakakautibuandanton,+ agsipud ta nasaktanak gapu iti mannakiabig a pusoda a simiasi kaniak+ ken gapu kadagiti matada a sumursurot a makiabig kadagiti makadurmen nga idoloda;+ ket sigurado a marumendanto kadagiti rupada gapu kadagiti dakes a banag a naaramidda iti amin a nakarimrimon a bambanagda.+ 10  Ket kasapulanto a maammuanda a siak ni Jehova; saan a kinaubbaw ti panagsaok+ maipapan iti panangaramidko kadakuada itoy makadidigra a banag.”’+ 11  “Daytoy ti kinuna ti Soberano nga Apo Jehova, ‘Pagtipatem dagita imam+ ken ipaddakmo ta sakam, ket kunaem: “Ilala pay!” maigapu iti amin a dakes a nakarimrimon a bambanag ti balay ti Israel,+ agsipud ta babaen iti kampilan,+ babaen iti nakaro a bisin+ ken babaen iti angol mapasagdanto.+ 12  No maipapan iti daydiay adayo,+ babaen iti angol matayto; ket no maipapan iti daydiay asideg, babaen iti kampilan mapasagto; ket no maipapan iti daydiay nabatbati ken nasaluadan, babaen iti nakaro a bisin matayto, ket ipatinggakto ti pungtotko maibusor kadakuada.+ 13  Ket kasapulanto a maammuanyo a siak ni Jehova,+ inton dagidiay napapatay kadakuada maaddada iti tengnga dagiti makadurmen nga idoloda,+ iti intero nga aglikmut dagiti altarda,+ iti rabaw ti tunggal nangato a turod,+ iti amin a tuktok dagiti bantay+ ken iti sirok ti tunggal nabaludbod a kayo+ ken iti sirok ti tunggal nasanga a dakkel a kayo,+ ti lugar a nagidatonanda iti makabang-ar a sayamusom kadagiti amin a makadurmen nga idoloda.+ 14  Ket iyunnatkonto ti imak maibusor kadakuada+ ket pagbalinek ti daga a maysa a langalang a rebbek, ti mismo a langalang a nakarkaro ngem iti let-ang nga agturong idiay Dibla, kadagiti amin a disso a pagnanaedanda. Ket kasapulanto a maammuanda a siak ni Jehova.’”

Footnotes