Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 5:1-17

5  “Ket no maipapan kenka, O anak ti tao, iyalaam ta bagim iti natadem a kampilan. Kas maysa a labaha ti mammukis alaemto maipaay kenka, ket ipadalanmo iti ulom ken iti barbasmo,+ ket masapul nga iyalaam ta bagim kadagiti pagtimbangan ket bingaybingayem ti buok.  Ti maysa a kakatlo puoramto iti mismo nga apuy iti tengnga ti siudad apaman a dagiti aldaw ti pananglakub naan-anayen.+ Ket masapul a mangalaka iti sabali pay a kakatlo. Tagbatemto dayta iti kampilan iti intero nga aglikmutna,+ ket ti maudi a kakatlo iwarismonto iti angin, ket mangasutakto iti kampilan a sumaruno kadakuada.+  “Ket masapul a mangalaka iti dayta iti bassit a bilang ket bungonem ida kadagiti pandilingmo.+  Ket alaemto ti dadduma kadakuada ket masapul nga ipuruakmo ida iti tengnga ti apuy ket puoram ida iti apuy. Manipud iti maysa rummuarto ti apuy a mapan iti intero a balay ti Israel.+  “Daytoy ti kinuna ti Soberano nga Apo Jehova, ‘Daytoy ti Jerusalem. Iti tengnga dagiti nasion isu insaadko, nga adda dagdaga iti intero nga aglikmutna.  Ket maibusor kadagiti hudisial a pangngeddengko nagtignay a sirerebelioso buyogen ti kinadangkes nga ad-adda pay ngem kadagiti nasion,+ ken maibusor kadagiti paglintegak nga ad-adda pay ngem kadagiti daga nga adda iti intero nga aglikmutna, ta linaksidda dagiti hudisial a pangngeddengko ket, no maipapan kadagiti paglintegak, saanda a nagna kadakuada.’+  “Gapuna daytoy ti kinuna ti Soberano nga Apo Jehova, ‘Gapu ta nagulgulokayo+ ngem kadagiti nasion nga adda iti intero nga aglikmutyo, saankayo a nagna kadagiti paglintegak ket saanyo nga inaramid dagiti hudisial a pangngeddengko;+ no di ket maitunos kadagiti hudisial a pangngeddeng dagiti nasion nga adda iti intero nga aglikmutyo, ti inaramidyo, saan kadi?+  gapuna daytoy ti kinuna ti Soberano nga Apo Jehova: “Adtoy bumusorak kenka, O siudad, siak a mismo,+ ket iti tengngam mangipakatakto kadagiti hudisial a pangngeddeng iti imatang dagiti nasion.+  Ket aramidekto kenka daydiay saanko pay nga inaramid ket ti kaasping dayta saankonto a pulos aramidenen gapu iti amin a nakarimrimon a bambanagmo.+ 10  “‘“Gapuna dagiti met laeng amma mangandanto iti annak iti tengngam,+ ket dagiti met laeng annak kanendanto dagiti ammada, ket mangipakatakto kenka kadagiti aramid ti panangukom ket ti isuamin a nabatbati kenka iwariskonto iti tunggal angin.”’+ 11  “‘Gapuna kas sibibiagak,’ kuna ti Soberano nga Apo Jehova, ‘sigurado a gapu ta ti santuariok ti tinulawam iti amin a makarimon a bambanagmo+ ken iti amin a nakarimrimon a bambanagmo,+ siak met Daydiay mangpabassitto kenka+ ket ti matak saanto a maay-ay+ ket siak met saanakto a mangipakita iti panangngaasi.+ 12  Ti maysa nga apagkatlom—babaen iti angol mataydanto,+ ket babaen iti nakaro a bisin agngudodanto iti tengngam.+ Ket ti sabali pay a kakatlo—babaen ti kampilan mapasagdanto iti intero nga aglikmutmo. Ket ti maudi a kakatlo iwariskonto a mismo iti tunggal angin,+ ket maysa a kampilan ti asutekto a sumaruno kadakuada.+ 13  Ket ti ungetko sigurado nga agpatingganto+ ket pagbaawekto ti pungtotko kadakuada+ ket liwliwaek ti bagik;+ ket kasapulanto a maammuanda a siak, ni Jehova, nagsaoak gapu iti panangipilitko iti naipamaysa a debosion,+ inton ipatinggak ti pungtotko kadakuada. 14  “‘Ket pagbalinenkanto a walangwalang a disso ken umsi iti tengnga dagiti nasion nga adda iti intero nga aglikmutmo iti imatang ti tunggal lumablabas.+ 15  Ket agbalinkanto nga umsi+ ken puntiria ti pangrabngis a sasao,+ maysa a mamakdaar a pagarigan+ ken aligagaw kadagiti nasion nga adda iti intero nga aglikmutmo, inton agaramidak kenka iti ar-aramid ti panangukom buyogen ti unget ken pungtot ken buyogen dagiti nadawel a pannubngar.+ Siak, ni Jehova, sinaok. 16  “‘Inton ibaonko kadakuada dagiti makadangran a pana ti nakaro a bisin,+ a maipaayto iti panangdadael, a dagita a pana ibaonkonto tapno dadaelennakayo,+ uray ti nakaro a bisin paaduekto kadakayo ket tukkolekto dagiti ungkayyo nga iti aglikmutda naibitin dagiti nagtimbukel a tinapay.+ 17  Ket mangibaonakto kadakayo iti nakaro a bisin ken iti makadangran nga atap nga an-animal,+ ket ulilaendakanto iti annak, ket ti angol+ ken dara+ lumasatdanto kenka, ket iyegkonto kenka ti maysa a kampilan.+ Siak, ni Jehova, sinaok.’”

Footnotes