Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 44:1-31

44  Ket insublinak a dumalan iti ruangan ti santuario, daydiay makinruar a sumango iti daya,+ ket nakarikep.+  Idin kinuna kaniak ni Jehova: “No maipapan itoy a ruangan, agtalinaedto a siririkep. Saanto a maluktan, ket awan asinoman a tao sumrekto iti dayta; ta ni met laeng Jehova, ti Dios ti Israel,+ simrek iti dayta, ket masapul nga agtultuloy a siririkep.  Nupay kasta, ti panguluen+—kas panguluen isu agtugawto iti dayta, tapno mangan iti tinapay iti sanguanan ni Jehova.+ Sumrekto a dumalan iti beranda ti ruangan, ket rummuarto a dumalan iti dayta.”+  Ket impannak ita iti sanguanan ti Balay a dumalan iti ruangan iti amianan, tapno makitak, ket, adtoy! ti dayag ni Jehova pinunnona ti balay ni Jehova.+ Ket insubusobko ti rupak.+  Idin kinuna kaniak ni Jehova: “Anak ti tao, isaadmo ta pusom+ ket kumitaka kadagita matam, ket kadagita lapayagmo denggem amin a sasawek kenka maipapan kadagiti amin a paglintegan iti balay ni Jehova ken maipapan kadagiti amin a lintegna, ket masapul nga isaadmo ta pusom iti seserrekan ti Balay agraman kadagiti amin a pagruaran ti santuario.  Ket masapul a kunaem iti Kinarebelioso,+ iti balay ti Israel, ‘Daytoy ti kinuna ti Soberano nga Apo Jehova: “Umanayen dayta kadakayo gapu iti amin a nakarimrimon a bambanagyo, O balay ti Israel,+  no iserrekyo dagiti ganggannaet a di nakugit iti puso ken di nakugit iti lasag,+ tapno maaddada iti santuariok iti kasta tabbaawanda, ti mismo a balayko; no idiayayo ti tinapayko,+ ti taba+ ken dara,+ bayat a rakrakrakenda ti tulagko maigapu iti amin a nakarimrimon a bambanagyo.+  Saanyo nga inaywanan dagiti pagrebbengan iti nasantuan a bambanagko,+ saanyo met nga isaad ti dadduma kas agay-aywan iti pagrebbengak iti santuariok maipaay iti bagbagiyo.”’+  “‘Daytoy ti kinuna ti Soberano nga Apo Jehova: “Awan ganggannaet, a di nakugit iti puso ken di nakugit iti lasag, a makastrek iti santuariok, kayatna a sawen, asinoman a ganggannaet nga adda iti tengnga ti annak ti Israel.”’+ 10  “‘Ngem no maipapan kadagiti Levita nga immadayo kaniak+ idi a ti Israel, a nagtawataw manipud kaniak, nagtawatawda a simmurot kadagiti makadurmen nga idoloda, masapul met nga awitenda ti biddutda.+ 11  Ket iti santuariok masapul nga agbalinda a ministrok kadagiti saad a panangaywan iti ruruangan ti Balay ken ministro iti Balay.+ Isuda partiendanto ti sibubukel a daton a mapuoran ken ti sakripisio maipaay kadagiti umili,+ ket isuda agtakderdanto iti sanguananda tapno agserbida kadakuada.+ 12  Iti rason a nagserserbida kadakuada iti sanguanan dagiti makadurmen nga idoloda+ ket iti balay ti Israel nagbalinda a pakaitibkolan a mangiturong iti biddut,+ dayta ti makagapu nga intag-ayko ti imak a maibusor kadakuada,’+ kuna ti Soberano nga Apo Jehova, ‘ket masapul nga awitenda ti biddutda. 13  Ket saandanto nga umasideg kaniak tapno agakemda a kas padi kaniak wenno umasideg iti aniaman a nasantuan a bambanagko, iti kasasantuan a bambanag,+ ket masapul nga awitenda ti pannakaipababada ken ti nakarimrimon a bambanagda nga inaramidda.+ 14  Ket sigurado a pagbalinekto ida nga agay-aywan kadagiti pagrebbengan iti Balay, no maipapan iti isuamin a panagserbi iti dayta ken maipapan iti isuamin a rebbeng a maaramid iti dayta.’+ 15  “‘Ket no maipapan iti Levitico a papadi,+ ti annak ni Sadok,+ isuda a nangaywan iti pagrebbengan iti santuariok idi a nagtawataw manipud kaniak ti annak ti Israel,+ isuda umasidegdanto kaniak tapno agserbida kaniak, ket masapul nga agtakderda iti sanguanak+ tapno mangidiayada kaniak iti taba+ ken ti dara,’+ kuna ti Soberano nga Apo Jehova. 16  ‘Isuda dagidiay umayto iti santuariok,+ ket isuda umasidegdanto iti lamisaanko tapno agserbida kaniak,+ ket masapul nga aywananda ti pagrebbengan kaniak.+ 17  “‘Ket mapasamakto a no sumrekda kadagiti ruangan ti makin-uneg a paraangan, rebbeng nga agkawesda iti kawkawes a lienso, ket awan koma ti delana a maikapet kadakuada no agserbida kadagiti ruangan iti makin-uneg a paraangan ken iti uneg.+ 18  Daldalungdong a lienso ti rebbeng nga adda iti uloda,+ ket dagiti sapin a lienso ti rebbeng nga adda kadagiti padingpadingda.+ Rebbeng a saanda a bariksan ti bagbagida iti mamagling-et. 19  Ket no rummuarda nga agturong iti makinruar a paraangan, iti mismo a makinruar a paraangan nga agturong kadagiti umili, rebbeng nga uksobenda dagiti kawesda a pagserserbida,+ ket masapul nga ikabilda ida kadagiti nasantuan a siled a panganan+ ket mangikawesda kadagiti sabali a kawes, tapno saanda a masantipikar dagiti umili babaen kadagiti kawesda.+ 20  Ket ti uloda rebbeng a saanda a kiskisan,+ ket ti buok ti ulo rebbeng a saan a nakawakray. Di bumurong a putdanda ti buok dagiti uloda.+ 21  Ket rebbeng a saan nga uminum iti arak ti asinoman iti papadi no sumrekda iti makin-uneg a paraangan.+ 22  Ket rebbeng nga awan ti balo wenno naidiborsio a babai nga alaenda maipaay iti bagbagida kas assawa,+ no di ket dagiti birhen a putot ti balay ti Israel+ wenno ti balo a nabalo ti maysa a padi ti mabalinda nga alaen.’ 23  “‘Ket iti ilik rebbeng nga isuroda ti nagdumaan ti nasantuan a banag ken ti di nasantuan a banag; ket ti nagdumaan ti narugit ken ti nadalus rebbeng nga ipakaammoda kadakuada.+ 24  Ket iti maysa a legal a kaso rebbeng nga isuda tumakderda tapno mangukomda;+ babaen kadagiti hudisial a pangngeddengko masapul nga ukomenda met dayta.+ Ket rebbeng a salimetmetanda dagiti lintegko ken dagiti paglintegak maipapan kadagiti amin a panawen ti piestak,+ ket rebbeng a santipikarenda dagiti sabbathko.+ 25  Ket isu rebbeng a saan a sumrek a mapan iti minatay ti tao iti kasta agbalin a narugit, ngem no maipaay iti ama wenno iti ina wenno iti anak a lalaki wenno iti anak a babai wenno iti kabsat a lalaki wenno iti kabsat a babai a saan a nagbalin a kukua ti asawa a lalaki mabalinda a rugitan ti bagbagida.+ 26  Ket kalpasan ti pannakagugorna, rebbeng nga ibilanganda iti pito nga aldaw.+ 27  Ket iti aldaw nga iseserrekna iti nasantuan a disso, iti makin-uneg a paraangan, tapno agserbi iti nasantuan a disso, rebbeng nga idiayana ti datonna gapu iti basol,’+ kuna ti Soberano nga Apo Jehova. 28  “‘Ket masapul nga agbalin a kukuada a kas tawid: Siak ti tawidda.+ Ket rebbeng nga awan sanikua nga itedyo kadakuada iti Israel: Siak ti sanikuada. 29  Ti daton a bukbukel ken ti daton gapu iti basol ken ti daton gapu iti babak—isuda dagidiay manganto kadakuada.+ Ket tunggal naipaayen a banag iti Israel—agbalinto a kukuada.+ 30  Ket ti umuna kadagiti amin nga umuna a naluom a bunga ti isuamin ken ti tunggal kontribusion ti isuamin manipud kadagiti amin a kontribusionyo—agbalinto a kukua ti papadi;+ ket ti umuna a bungbunga dagiti nagasal a ginilingyo rebbeng nga itedyo iti padi,+ tapno mapagtalinaed ti maysa a bendision iti balaymo.+ 31  Awan natayen a bagi ken awan narangrangkay a parsua kadagiti agtaytayab a parsua wenno kadagiti animal ti rebbeng a kanen ti papadi.’+

Footnotes