Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Ezequiel 4:1-17

4  “Ket sika, O anak ti tao, iyalaam ta bagim iti maysa a ladrilio, ket masapul nga ikabilmo iti sanguanam ket ikitikitmo iti dayta ti maysa a siudad, ti Jerusalem a mismo.+  Ket masapul a manglakubka maibusor iti dayta+ ken mangibangonka iti pader a panglakub maibusor iti dayta+ ken agibangonka iti baluarte a panglakub maibusor iti dayta+ ken mangisaadka kadagiti pakarso maibusor iti dayta ken mangikabilka kadagiti alikamen a pangrakrak iti intero nga aglikmut maibusor iti dayta.+  Ket no maipapan kenka, mangalaka iti daplat a pariok a landok, ket masapul nga isaadmo a kas pader a landok iti nagbaetanyo iti siudad, ket masapul nga ipamaysam ta rupam maibusor iti dayta, ket malakubto, ket masapul a lakubem. Maysa dayta a pagilasinan iti balay ti Israel.+  “Ket no maipapan kenka, agiddaka a nakasikig iti makannigidmo, ket masapul nga ikabilmo iti dayta ti biddut ti balay ti Israel.+ Ta iti bilang dagiti aldaw a panagiddamto iti dayta awitemto ti biddutda.  Ket itedkonto kenka dagiti tawen ti biddutda+ iti bilang a tallo gasut ket siam a pulo nga aldaw,+ ket masapul nga awitem ti biddut ti balay ti Israel.  Ket masapul a turposem ida. “Ket masapul nga agiddaka a nakasikig iti makannawanmo iti maikadua a kasasaad, ket masapul nga awitem ti biddut ti balay ti Juda iti uppat a pulo nga aldaw.+ Maysa nga aldaw maipaay iti maysa a tawen, maysa nga aldaw maipaay iti maysa a tawen, isu ti intedko kenka.+  Ket ipamaysamto ta rupam iti pananglakub iti Jerusalem,+ a sililislis ti takiagmo, ket masapul nga agipadtoka maibusor iti dayta.  “Ket, adtoy! mangikabilakto kenka kadagiti singdan+ tapno saanmo a maipusipos ta bagim manipud iti maysa a sikigam agingga iti sabali a sikigam, inggana a naturposmonton dagiti aldaw ti pananglakubmo.  “Ket no maipapan kenka, iyalaam ta bagim iti trigo+ ken sebada ken kadagiti patani+ ken kadagiti lentehas+ ken mijo ken espelta,+ ket masapul nga ikabilmo ida iti maysa nga aruaten ket aramidem ida a tinapay maipaay kenka, agpaay iti bilang dagiti aldaw a siiiddaka a nakasikig; tallo gasut ket siam a pulo nga aldaw a kanemto dayta.+ 10  Ket ti taraonmo a kanemto matimbang—duapulo a siklo iti maysa nga aldaw.+ Sagpaminsanto a kanem dayta. 11  “Ket uminumkanto iti danum a sinukat laeng, ti apagkanem ti maysa a hin. Sagpaminsanto nga uminumka. 12  “Ket kas nagbukel a tinapay ti sebada+ kanemto dayta; ket no maipapan iti dayta, iti imatangda lutuemto iti rabaw dagiti tipkel ti ibleng+ ti tao.” 13  Ket intultuloy a kunaen ni Jehova: “Kas iti daytoy ti annak ti Israel kanendanto a narugit ti tinapayda+ iti tengnga dagiti nasion a pangiwarawaraakto kadakuada.”+ 14  Ket kinunak: “Ay, O Soberano nga Apo Jehova! Adtoy! Ti kararuak saan a natulawan;+ manipud kinaagtutubok saanak met a nangan iti bagi a natayen wenno uray iti narangkay nga animal,+ uray agingga ita, ket iti ngiwatko awan simrek a narugit a lasag.”+ 15  Iti kasta kinunana kaniak: “Kitaem, inikkanka iti ibleng ti bakbaka imbes a dagiti tipkel ti ibleng ti tao, ket masapul nga aramidem ti tinapaymo iti rabaw dayta.” 16  Ket intuloyna a kinuna kaniak: “Anak ti tao, adtoy tukkolek dagiti ungkay nga iti aglikmutda naibitin dagiti nagtimbukel a tinapay,+ idiay Jerusalem, ket mangandanto iti tinapay a tinimbang ken buyogen ti panagdanag,+ ket sinukat ken buyogen ti panagaligagaw nga uminumdanto iti danum a mismo,+ 17  iti panggep a makiranganda iti tinapay ken danum ket kumitada a simamalanga iti maysa ken maysa ket agrunotda gapu iti biddutda.+

Footnotes