Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 38:1-23

38  Ket ti sao ni Jehova nagtultuloy a dumteng kaniak, a kunkunana:  “Anak ti tao,+ iturongmo ta rupam maibusor ken Gog iti daga ti Magog,+ ti kangrunaan a panguluen ti Mesec+ ken Tubal,+ ket agipadtoka maibusor kenkuana.  Ket masapul a kunaem, ‘Daytoy ti kinuna ti Soberano nga Apo Jehova: “Adtoy bumusorak kenka, O Gog, sika a kangrunaan a panguluen ti Mesec ken Tubal.  Ket sigurado a pagbaw-ingenkanto ket mangikabilak iti kawkawit kadagita pangam+ ket iruarka agraman ti intero a puersa militarmo,+ dagiti kabalio ken dagiti kumakabalio, isuda amin nakakawesda iti naan-anay a kinangayed,+ kongregasion a nakaad-adu, nga addaan iti dakkel a kalasag ken sarapa, isuda amin siiiggemda kadagiti kampilan;+  ti Persia,+ Etiopia+ ken Put+ maikuyogda kadakuada, isuda amin addaanda iti sarapa ken kabal ti ulo;  ti Gomer+ ken amin dagiti bunggoyna, ti balay ti Togarma,+ iti kaadaywan a paspaset ti amianan, ken amin dagiti bunggoyna, adu nga ili a maikuyog kenka.+  “‘“Agsaganaka, ket adda koma panagsagana iti biangmo, sika agraman ti intero a kongregasionmo,+ dagidiay naguummong iti sibaymo, ket agbalinkanto a guardiada.  “‘“Kalpasan ti adu nga aldaw maasikasokanto. Iti kamaudianan a paset dagiti tawen dumtengkanto iti daga+ dagiti umili a naisubli manipud iti kampilan, a naummong a sangsangkamaysa manipud iti adu nga ili,+ iti rabaw ti bambantay ti Israel, a nagbalin a patinayon a walangwalang a disso; ti mismo a daga a nairuar manipud kadagiti ili, a nagnaedanda a sitatalged, isuda amin.+  Ket sigurado a sumang-atkanto. Umaykanto a kas iti bagyo.+ Agbalinkanto a kas ul-ulep a mangabbong iti daga,+ sika ken dagiti amin a bunggoymo ken ti adu nga ili a maikuyog kenka.”’ 10  “Daytoy ti kinuna ti Soberano nga Apo Jehova, ‘Ket mapasamakto iti dayta nga aldaw nga addanto bambanag a tumpuar ita pusom,+ ket sigurado a mangpanunotkanto iti makadangran a gandat;+ 11  ket kunaemto: “Sumang-atakto a maibusor iti daga ti nawayang nga aw-away.+ Mapanakto kadagidiay awanan pannakasinga, nga agnanaed a sitatalged, isuda amin nga agnanaed nga awanan iti pader,+ ket awananda pay iti balunet ken ruruangan.” 12  Dayta ket tapno mangalaakto iti dakkel a samsam+ ken mangaramidak iti kasta unay a panagsamsam, tapno ibaw-ingko ta imam kadagiti walangwalang a disso a napagnaedan manen+ ken iti maysa nga ili a naummong a sangsangkamaysa manipud kadagiti nasion,+ daydiay agur-urnong iti kinabaknang ken sanikua,+ dagidiay agnanaed iti tengnga+ ti daga. 13  “‘Ti Sheba+ ken Dedan+ ken dagiti komersiante ti Tarsis+ ken amin dagiti burboran a bumaro a leonna+—kunaendanto kenka: “Umayka aya tapno mangalaka iti dakkel a samsam? Inummongmo aya ti kongregasionmo tapno mangaramidka iti kasta unay a panagsamsam, tapno mangipanawka iti pirak ken balitok, tapno mangalaka iti kinabaknang ken sanikua, tapno mangalaka iti dakkel unay a samsam?”’ 14  “Gapuna agipadtoka, O anak ti tao, ket masapul a kunaem ken Gog, ‘Daytoy ti kinuna ti Soberano nga Apo Jehova: “Saan aya nga iti dayta nga aldaw inton agnanaed a sitatalged ti ilik nga Israel maammuamto dayta?+ 15  Ket sigurado nga umaykanto manipud iti dissom, manipud iti kaadaywan a paspaset ti amianan,+ sika ken ti adu nga ili a maikuyog kenka, isuda amin sisasakayda kadagiti kabalio, maysa a dakkel a kongregasion, maysa a puersa militar a nakaad-adu a mismo.+ 16  Ket sigurado a sumang-atkanto a maibusor iti ilik nga Israel, kas ul-ulep a mangabbong iti daga.+ Iti kamaudianan a paset dagiti aldaw mapasamakto dayta, ket sigurado nga iyegkanto a maibusor iti dagak,+ iti panggep a maammuandak koma dagiti nasion inton santipikarek kenka ti bagik iti imatangda, O Gog.”’+ 17  “Daytoy ti kinuna ti Soberano nga Apo Jehova, ‘Sika kadi+ met laeng daydiay a sinaok idi immun-una nga al-aldaw babaen iti ima dagiti adipenko a mammadto ti Israel, isuda nga agipadpadto kadagidi nga aldaw—tawtawen—maipapan iti panangyeg kenka kadakuada?’+ 18  “‘Ket mapasamakto iti dayta nga aldaw, iti aldaw inton umay ni Gog iti daga ti Israel,’ kuna ti Soberano nga Apo Jehova, ‘a ti pungtotko dumanonto iti agongko.+ 19  Ket iti kinanasgedko,+ iti apuy ti rungsotko, kasapulan nga agsaoakto.+ Sigurado nga iti dayta nga aldaw mapasamakto ti dakkel a panagkintayeg iti daga ti Israel.+ 20  Ket gapu kaniak sigurado nga agpigergerto dagiti ikan iti baybay ken dagiti agtaytayab a parsua iti langlangit ken dagiti atap nga animal iti tay-ak ken amin dagiti agkarkarayam a banag nga agkarayam iti daga ken ti intero a sangatauan nga adda iti rabaw ti daga,+ ket pudno a marbanto ti bambantay+ ken kasapulan a margaayto dagiti napasdok a dalan, ket uray ti tunggal pader matuangto iti daga.’ 21  “‘Ket mangayabakto iti kampilan maibusor kenkuana iti intero a nakabambantay a rehionko,’ kuna ti Soberano nga Apo Jehova.+ ‘Ti kampilan ti tunggal maysa maibusorto iti bukodna a kabsat.+ 22  Ket iyegkonto ti bagik iti panangukom+ kenkuana, babaen iti angol+ ken babaen iti dara;+ ket ti manglayus a bayakabak ken ur-uraro,+ apuy+ ken asupre pagtuduekto kenkuana ken kadagiti bunggoyna ken iti adu nga ili a maikuyogto kenkuana.+ 23  Ket sigurado nga itan-okkonto ti bagik ken santipikarek ti bagik+ ken ipakaammok ti bagik iti imatang dagiti adu a nasion; ket kasapulanto a maammuanda a siak ni Jehova.’+

Footnotes