Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 37:1-28

37  Ti ima ni Jehova adda idi kaniak,+ iti kasta inyegnak iti espiritu ni Jehova+ ket indissonak iti tengnga ti ginget a tanap, ket napno dayta iti tultulang.+  Ket pinalasatnak iti sibayda iti intero nga aglikmut, ket, adtoy! aduda unay iti rabaw ti ginget a tanap ket, adtoy! namagmaganda.+  Ket rinugianna a kunaen kaniak: “Anak ti tao, mabalin kadi nga agbiag dagitoy a tulang?” Iti dayta kinunak: “Soberano nga Apo Jehova, sika pagaammom unay.”+  Ket kinunana kaniak: “Agipadtoka kadagitoy a tulang, ket masapul a kunaem kadakuada, ‘O dakayo a naganggangan a tultulang, denggenyo ti sao ni Jehova:  “‘Daytoy ti kinuna ti Soberano nga Apo Jehova kadagitoy a tulang: “Adtoy mangipastrekak kadakayo iti anges, ket agbiagkayto.+  Ket mangikabilakto kadakayo kadagiti binggas ken mangpaaddaak kadakayo iti lasag, ket mangikalupkopakto kadakayo iti kudil ket mangipastrekak kadakayo iti anges, ket agbiagkayto;+ ket kasapulanto a maammuanyo a siak ni Jehova.”’”+  Ket nagipadtoak a kas iti naibilin kaniak.+ Ket nangrugi a dumteng ti maysa a daranudor apaman a nagipadtoak, ket adtoy adda panagkanaltuok, ket nangrugi nga umasideg dagiti tulang, tulang iti tulangna.  Ket kimmitaak, ket, adtoy! dagiti met laeng binggas ken ti met laeng lasag timpuarda kadakuada ket ti kudil nangrugi a maikalupkop kadakuada iti rabaw. Ngem no maipapan iti anges, awan kadakuada.  Ket kinunana kaniak: “Agipadtoka iti angin. Agipadtoka, O anak ti tao, ket masapul a kunaem iti angin, ‘Daytoy ti kinuna ti Soberano nga Apo Jehova: “Manipud iti uppat nga angin umayka, O angin, ket pug-awam dagitoy napapatay+ a tattao, tapno agbiagda koma.”’”+ 10  Ket nagipadtoak kas iti imbilinna kaniak, ket ti anges simrek kadakuada, ket nangrugida nga agbiag ken agtakder kadagiti sakada,+ maysa a nakadakdakkel unay a puersa militar. 11  Ket kinunana kaniak: “Anak ti tao, no maipapan kadagitoy a tulang, isuda ti intero a balay ti Israel.+ Adtoy kunkunada, ‘Naganggangan dagiti tulangmi, ket napukaw ti namnamami.+ Naisinakami a dakdakami.’ 12  Gapuna agipadtoka, ket masapul a kunaem kadakuada, ‘Daytoy ti kinuna ti Soberano nga Apo Jehova: “Adtoy luktak dagiti lugar a pagitabonanyo,+ ket isang-atkayto manipud kadagiti lugar a pagitabonanyo, O ilik, ket iyegkayo iti daga ti Israel.+ 13  Ket kasapulanto a maammuanyo a siak ni Jehova inton luktak dagiti lugar a pagitabonanyo ken inton isang-atkayo manipud kadagiti lugar a pagitabonanyo, O ilik.”’+ 14  ‘Ket ikabilkonto kadakayo ti espirituk, ket agbiagkayto,+ ket isaadkayto iti dagayo; ket kasapulanto a maammuanyo a siak, ni Jehova, sinaok ket inaramidko dayta,’ kuna ni Jehova.”+ 15  Ket ti sao ni Jehova nagtultuloy a dumteng kaniak, a kunkunana: 16  “Ket no maipapan kenka, O anak ti tao, iyalaam ta bagim iti baston+ ket isuratmo iti dayta, ‘Maipaay ken Juda ken maipaay iti annak ti Israel a kakaduana.’+ Ket mangalaka iti sabali pay a baston ket isuratmo iti dayta, ‘Maipaay ken Jose, ti baston ni Efraim,+ ken ti intero a balay ti Israel a kakaduana.’+ 17  Ket paginnasitgem ida nga agbalin a maymaysa a baston a maipaay iti bagim, ket pudno nga agbalindanto a maymaysa ita imam.+ 18  Ket inton rugian a kunaen kenka ti annak dagiti kailiam, ‘Saanmonto kadi nga ibaga kadakami no ania ti kaipapanan kenka dagitoy a banag?’+ 19  sawem kadakuada, ‘Daytoy ti kinuna ti Soberano nga Apo Jehova: “Adtoy alaek ti baston ni Jose, nga adda iti ima ni Efraim, ken dagiti tribu ti Israel a kakaduana, ket ikabilkonto ida iti rabaw dayta, awan sabali, ti baston ni Juda, ket pudno a pagbalinekto ida a maymaysa a baston,+ ket agbalindanto a maymaysa iti imak.”’ 20  Ket dagiti baston a nagsuratam masapul nga addada ita imam iti imatangda.+ 21  “Ket sawem kadakuada, ‘Daytoy ti kinuna ti Soberano nga Apo Jehova: “Adtoy alaek ti annak ti Israel manipud kadagiti nasion a napananda, ket ummongekto ida a sangsangkamaysa manipud iti aglikmut ket iyegko ida iti dagada.+ 22  Ket pudno a pagbalinekto ida a maymaysa a nasion iti daga,+ iti bambantay ti Israel, ket maymaysa nga ari ti maaddanto kadakuada amin kas ari,+ ket saandanton nga agtultuloy a dua a nasion, wenno uray mabingay iti dua a pagarian.+ 23  Ket saandanton a mulitan ti bagbagida kadagiti makadurmen nga idoloda ken iti makarimon a bambanagda ken kadagiti amin a salungasingda;+ ket sigurado nga isalakankonto ida kadagiti amin a disso a pagnanaedanda a kadagita a nagbasolda, ket dalusakto ida,+ ket agbalindanto nga ilik, ket siak agbalinakto a Diosda.+ 24  “‘“Ket ni adipenko a David agarinto kadakuada,+ ket maymaysanto ti pastorda amin;+ ket magnadanto kadagiti hudisial a pangngeddengko,+ ket salimetmetandanto dagiti paglintegak,+ ket sigurado nga itungpaldanto ida.+ 25  Ket pudno nga agnaeddanto iti daga nga intedko iti adipenko, ken Jacob, a nagnaedan dagidi ammayo,+ ket pudno nga agnaeddanto iti dayta,+ isuda ken ti annakda ken ti annak ti annakda agingga iti tiempo a di nakedngan,+ ket ni David nga adipenko isunto ti panguluenda agingga iti tiempo a di nakedngan.+ 26  “‘“Ket mamatalgedakto kadakuada iti tulag iti kappia;+ di nakedngan ti kapautna a tulag ti maaddanto kadakuada.+ Ket isaadkonto ida ken paaduek ida+ ket ikabilko ti santuariok iti tengngada agingga iti tiempo a di nakedngan.+ 27  Ket ti tabernakulok pudno nga addanto kadakuada,+ ket pudno unay nga agbalinakto a Diosda, ket isuda agbalindanto nga ilik.+ 28  Ket kasapulanto a maammuan dagiti nasion a siak, ni Jehova,+ santipikarek ti Israel inton ti santuariok maadda iti tengngada agingga iti tiempo a di nakedngan.”’”+

Footnotes