Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 30:1-26

30  Ket ti sao ni Jehova nagtultuloy a dumteng kaniak, a kunkunana:  “Anak ti tao, agipadtoka, ket masapul a kunaem,+ ‘Daytoy ti kinuna ti Soberano nga Apo Jehova: “Iyanug-ogyo, ‘Ilala pay ti aldaw!’+  ta ti aldaw asidegen, wen, ti aldaw a kukua ni Jehova asidegen.+ Maysa nga aldaw dagiti ulep,+ agbalinto dayta a naituding a tiempo dagiti nasion.+  Ket ti maysa a kampilan sigurado nga umayto iti Egipto,+ ket dagiti nakaro nga ut-ot mapasamakto iti Etiopia inton ti maysa mapasag a mapapatay iti Egipto ket pudno nga alaenda ti kinabaknangna ket pudno a marba dagiti pamuonna.+  Ti Etiopia+ ken Put+ ken Lud ken ti isuamin a naglalaok a bunggoy+ ken ti Cub ken ti annak ti daga ti tulag—mapasagdanto a mairaman kadagita babaen ti mismo a kampilan.”’+  “Daytoy ti kinuna ni Jehova, ‘Masapul a mapasag met dagiti mangsarsaranay iti Egipto, ket ti panagpannakkel ti pigsana masapul a bumaba.’+ “‘Manipud Migdol+ agingga iti Siene+ mapasagdanto iti dayta babaen a mismo iti kampilan,’ kuna ti Soberano nga Apo Jehova.  ‘Masapul a malangalangda met iti tengnga ti langalang a dagdaga, ket dagiti bukodna a siudad addadanto iti mismo a tengnga dagiti walangwalang a siudad.+  Ket kasapulanto a maammuanda a siak ni Jehova inton mangpasgedak ti apuy iti Egipto ket amin dagiti katulonganna pudno a madadaelda.+  Iti dayta nga aldaw rummuarto a nakabarko manipud sanguanak dagiti mensahero, tapno pagpigergerenda ti managtalek iti bagi nga Etiopia.+ Ket mapasamakto dagiti nakaro nga ut-ot iti tengngada iti aldaw ti Egipto, ta, adtoy! masapul nga umay dayta.’+ 10  “Daytoy ti kinuna ti Soberano nga Apo Jehova, ‘Pasardengekto met ti bunggoy ti Egipto babaen iti ima ni Nabucodorosor nga ari ti Babilonia.+ 11  Isu ken ti ilina a naikuyog kenkuana, dagiti manangikuspil kadagiti nasion,+ maiserserrekda tapno ti daga pagbalinenda a rebbek. Ket masapul nga asutenda dagiti kampilanda a maibusor iti Egipto ken punnuenda ti daga iti napapatay.+ 12  Ket pagbalinekto a namaga a daga dagiti kanal ti Nilo+ ket ilakokto ti daga iti ima dagiti dakes a tattao,+ ket paglangalangekto ti daga ken ti pakabuklanna babaen iti ima dagiti ganggannaet.+ Siak, ni Jehova, sinaok.’+ 13  “Daytoy ti kinuna ti Soberano nga Apo Jehova, ‘Dadaelekto met dagiti makadurmen nga idolo+ ket pagpukawekto dagiti awanan pateg a didios manipud Nof,+ ket awanton ti panguluen manipud iti daga ti Egipto; ket ti panagbuteng sigurado nga ikabilkonto iti daga ti Egipto.+ 14  Ket iyegkonto ti Patros+ iti panaglangalang ket mangpasgedak iti apuy iti Zoan+ ket mangipakatak kadagiti aramid ti panangukom iti No.+ 15  Ket ibuyatkonto ti pungtotko+ iti Sin, ti sarikedked ti Egipto, ket geppasek ti bunggoy ti No.+ 16  Ket mangpasgedakto iti apuy iti Egipto. Ti Sin di bumurong nga agrigatto iti nakaro, ket ti met laeng No maipaayto iti pannakakautibo babaen kadagiti giwang; ket no maipapan iti Nof—addanto kabkabusor bayat iti aldaw! 17  No maipapan kadagiti agtutubo a lallaki ti On+ ken Pibeset, mapasagdanto babaen ti kampilan, ket dagiti met laeng siudad mapandanto iti pannakakautibo. 18  Ket idiay Tehafnehes+ pudno a sumipngetto ti aldaw, inton bungtolek sadiay dagiti barra ti sangol ti Egipto.+ Ket pudno a mapagpukawto kenkuana ti panagpannakkel ti pigsana.+ No maipapan kenkuana, isu abbonganto dagiti mismo nga ulep,+ ket dagiti bukodna nga agpampannuray nga ili mapandanto iti pannakakautibo.+ 19  Ket mangipakatakto kadagiti aramid ti panangukom iti Egipto;+ ket kasapulanto a maammuanda a siak ni Jehova.’” 20  Ket napasamak pay nga iti maikasangapulo ket maysa a tawen, iti umuna a bulan, iti maikapito nga aldaw ti bulan, ti sao ni Jehova dimteng kaniak, a kunkunana: 21  “Anak ti tao, ti takiag ni Faraon nga ari ti Egipto sigurado a tukkolekto,+ ket, adtoy! saanto a pulos mabedbedan tapno maipaayan iti pannakapaimbag babaen ti panangikabil iti patapat a pangbedbed iti dayta,+ tapno pumigsa a mangiggem iti kampilan.” 22  “Gapuna daytoy ti kinuna ti Soberano nga Apo Jehova, ‘Adtoy bumusorak ken Faraon nga ari ti Egipto,+ ket tukkolekto dagiti takiagna,+ daydiay napigsa ken daydiay nadunor,+ ket pagtinnagekto ti kampilan manipud imana.+ 23  Ket dagiti Egipcio pagwarawaraekto kadagiti nasion ket iwarawarak ida iti dagdaga.+ 24  Ket papigsaekto dagiti takiag ti ari ti Babilonia+ ket iyawatko ti kampilanko iti imana,+ ket tukkolekto dagiti takiag ni Faraon, ket kas iti maysa a nasugatan iti makapapatay sigurado nga agasugto iti kasta unay iti sanguananna.+ 25  Ket papigsaekto dagiti takiag ti ari ti Babilonia, ket matnagto dagiti mismo a takiag ni Faraon; ket kasapulanto a maammuanda a siak ni Jehova inton iyawatko ti kampilanko iti ima ti ari ti Babilonia ket pudno nga iyunnatna dayta a maibusor iti daga ti Egipto.+ 26  Ket dagiti Egipcio pagwarawaraekto kadagiti nasion+ ket iwarawarak ida iti dagdaga; ket kasapulanto a maammuanda a siak ni Jehova.’”

Footnotes