Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 29:1-21

29  Iti maikasangapulo a tawen, iti maikasangapulo a bulan, iti maikasangapulo ket dua nga aldaw ti bulan, ti sao ni Jehova dimteng kaniak, a kunkunana:  “Anak ti tao, iturongmo ta rupam maibusor ken Faraon nga ari ti Egipto+ ket agipadtoka maibusor kenkuana ken maibusor iti intero nga Egipto.+  Agsaoka, ket masapul a kunaem, ‘Daytoy ti kinuna ti Soberano nga Apo Jehova: “Adtoy bumusorak kenka, O Faraon, ari ti Egipto,+ ti dakkel nga ulimaw ti baybay+ a siuunnat iti tengnga dagiti kanal ti Nilo+ a kukuana, a nagkuna, ‘Ti Karayanko a Nilo kukuak, ket siak—inaramidko dayta a maipaay kaniak.’+  Ket mangikabilakto iti kawkawit kadagiti pangam+ ket dagiti ikan kadagiti kanal ti Nilo a kukuam padekketek kadagiti siksikmo. Ket isang-atkanto manipud iti tengnga dagiti kanal ti Nilo a kukuam ken ti isuamin nga ikan dagiti kanal ti Nilo a kukuam a dumket kadagiti mismo a siksikmo.  Ket baybay-ankanto iti let-ang, sika ken ti isuamin nga ikan kadagiti kanal ti Nilo a kukuam.+ Mapasagkanto iti rabaw ti tay-ak.+ Saankanto a maurnong wenno uray maummong a sangsangkamaysa. Kadagiti atap nga animal iti daga ken kadagiti agtaytayab a parsua iti langlangit itedkanto a maipaay a taraon.+  Ket amin dagiti agnanaed iti Egipto kasapulanto a maammuanda a siak ni Jehova,+ iti rason a nagbalinda a, kas maysa a saranay, runo iti balay ti Israel.+  Idi tinengngeldaka iti ima, narumekka,+ ket sinip-akmo ti intero nga abagada. Ket idi nagsammakedda kenka, naburakka,+ ket pinagkalogmo amin dagiti padingpadingda.”+  “‘Gapuna daytoy ti kinuna ti Soberano nga Apo Jehova: “Adtoy mangyegak kenka iti kampilan,+ ket gessatekto kenka ti naindagaan a tao ken ti naamo nga animal.+  Ket ti daga ti Egipto agbalinto a langalang a rebbek ken walangwalang a disso;+ ket kasapulanto a maammuanda a siak ni Jehova, iti rason a kinunana, ‘Kukuak ti Karayan Nilo, ket siak ti nangaramid iti dayta.’+ 10  Gapuna adtoyak a bumusor kenka ken bumusor kadagiti kanal ti Nilo a kukuam,+ ket pagbalinekto ti daga ti Egipto a walangwalang a disdisso, kinamaga, langalang a rebbek,+ manipud Migdol+ agingga iti Siene+ ken agingga iti beddeng ti Etiopia. 11  Awanto ti saka ti naindagaan a tao a lumasat iti dayta,+ awanto met ti saka ti naamo nga animal a lumasat iti dayta,+ ket iti uppat a pulo a tawen saanto a mapagnaedan.+ 12  Ket pagbalinekto ti daga ti Egipto a langalang a rebbek iti tengnga ti langalang a dagdaga;+ ket dagiti bukodna a siudad agbalinto a langalang a rebbek iti mismo a tengnga dagiti walangwalang a siudad iti uppat a pulo a tawen;+ ket dagiti Egipcio pagwarawaraekto kadagiti nasion ken iwarawarak ida iti dagdaga.”+ 13  “‘Ta daytoy ti kinuna ti Soberano nga Apo Jehova: “Iti ngudo ti uppat a pulo a tawen+ ummongekto a sangsangkamaysa dagiti Egipcio manipud kadagiti ili nga iti tengngada naiwarawaradanton,+ 14  ket isublikto ti kautibo a bunggoy dagiti Egipcio; ket isublikto ida iti daga ti Patros,+ iti daga a namunganayanda, ket sadiay agbalindanto a nanumo a pagarian. 15  Agbalinto a nanumnumo ngem dagiti sabsabali a pagarian, ket saannanton nga ipangato ti bagina iti ngatuen dagiti sabsabali a nasion,+ ket pabassitekto ida tapno saanda a pagpasakupen dagiti sabsabali a nasion.+ 16  Ket saanton nga agbalin a balay a pagkammatalkan ti Israel,+ a mangipalagip iti biddut babaen ti ibabaw-ingda a sumurot kadakuada.+ Ket kasapulanto a maammuanda a siak ti Soberano nga Apo Jehova.”’” 17  Ita naaramid iti maikaduapulo ket pito a tawen, iti umuna a bulan, iti umuna nga aldaw ti bulan, a ti sao ni Jehova dimteng kaniak, a kunkunana: 18  “Anak ti tao, ni met laeng Nabucodorosor,+ ti ari ti Babilonia, pinagaramidna ti puersa militarna iti dakkel a panagserbi maibusor iti Tiro.+ Tunggal ulo ket maysa a napagkalbo, ket tunggal abaga nagasgas a nakudisan.+ Ngem no maipapan kadagiti tangdan,+ awan idi ti agpaay kenkuana ken iti puersa militarna manipud Tiro maipaay iti panagserbi nga inaramidna maibusor kenkuana. 19  “Gapuna daytoy ti kinuna ti Soberano nga Apo Jehova, ‘Adtoy itdek ken Nabucodorosor nga ari ti Babilonia ti daga ti Egipto,+ ket ipanawnanto ti kinabaknangna ket mangaramid iti dakkel a panaggam-ud iti dayta+ ken mangaramid iti nakaro a panagsamsam iti dayta; ket agbalinto dayta a tangdan maipaay iti puersa militarna.’ 20  “‘No maipapan iti subad ti panagserbi nga inaramidna maibusor kenkuana intedko kenkuana ti daga ti Egipto, agsipud ta nagtignayda maipaay kaniak,’+ kuna ti Soberano nga Apo Jehova. 21  “Iti dayta nga aldaw pagtubuekto ti maysa a sara a maipaay iti balay ti Israel,+ ket ipaayankanto iti gundaway a mangilukat iti ngiwat iti tengngada;+ ket kasapulanto a maammuanda a siak ni Jehova.”

Footnotes