Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 26:1-21

26  Ket naaramid iti maikasangapulo ket maysa a tawen, iti umuna nga aldaw ti bulan, a ti sao ni Jehova dimteng kaniak, a kunkunana:  “Anak ti tao, iti rason a kinuna ti Tiro+ maibusor iti Jerusalem,+ ‘Aha! Isu naburaken,+ dagiti ruangan ti il-ili!+ Ti panagannayas sigurado nga agturongto kaniak. Mapnoakto—isu napagwalangwalangen,’+  gapuna daytoy ti kinuna ti Soberano nga Apo Jehova, ‘Adtoy bumusorak kenka, O Tiro, ket mangpasang-atakto maibusor kenka iti adu a nasion,+ kas iti panangisang-at ti baybay kadagiti dalluyonna.+  Ket sigurado a dadaelendanto dagiti pader ti Tiro+ ket rebbaenda dagiti torrena,+ ket karusekto kenkuana dagiti tapokna ket isu pagbalinek a sumileng, pangalbuen a rabaw ti napasdok a bato.  Maysa a disso a pagipamagaan kadagiti iket+ ti pagbalinannanto iti tengnga ti baybay.’+ “‘Ta siak sinaok,’ kuna ti Soberano nga Apo Jehova, ‘ket isu agbalinto a puntiria ti panangsamsam maipaay kadagiti nasion.  Ket dagiti agpampannuray nga ilina nga adda iti tay-ak—mapapataydanto babaen ti kampilan, ket dagiti umili kasapulanto a maammuanda a siak ni Jehova.’+  “Ta daytoy ti kinuna ti Soberano nga Apo Jehova, ‘Adtoy iyegko maibusor iti Tiro ni Nabucodorosor nga ari ti Babilonia manipud iti amianan,+ maysa nga ari dagiti ar-ari,+ agraman kabkabalio+ ken karkaruahe a pakigubat+ ken kabkabaliero ken maysa a kongregasion,+ mismo nga umariwekwek a tattao.  Patayennanto dagiti agpampannuray nga ilim iti tay-ak babaen a mismo iti kampilan, ket mangaramidto a maibusor kenka iti pader a panglakub ken mangibangon a maibusor kenka iti baluarte a panglakub+ ken mangitag-ay a maibusor kenka iti dakkel a kalasag;  ket ti panangtiro ti makinana a pangraut iturongnanto a maibusor kadagiti padermo, ket rugpuennanto dagiti torrem, babaen kadagiti kampilanna. 10  Gapu iti agallo-allon a reprep dagiti kabaliona abbongannakanto dagiti tapokda.+ Gapu iti daranudor ti kabaliero ken pilid ken karuahe a pakigubat agyugayogto dagiti padermo, inton isu sumrek kadagiti ruanganmo, kas kadagiti iseserrek iti maysa a siudad a nalukatan babaen kadagiti giwang. 11  Babaen kadagiti kuko ti kabkabaliona payatpayatennanto amin dagiti kalsadam.+ Patayennanto dagiti umilim babaen a mismo iti kampilan, ket dagiti bukodmo nga adigi ti pigsa bumabadanto agingga iti daga. 12  Ket sigurado a gam-udendanto dagiti sanikuam+ ken samsamenda dagiti tagilakom,+ ket rebbaenda dagiti padermo, ket dagiti matarigagayan a balaymo rugpuendanto. Ket dagiti batom ken ti aramidmo a kayo ken ti tapokmo ikabildanto iti mismo a tengnga ti danum.’ 13  “‘Ket pasardengekto ti bellaak ti panagkantam,+ ket ti mismo nga uni dagiti arpam saanton a mangngeg.+ 14  Ket pagbalinenkanto a sumileng, pangalbuen a rabaw ti napasdok a bato.+ Maysa a disso a pagipamagaan kadagiti iket ti pagbalinamto.+ Saankanto a pulos mabangon manen; ta siak, ni Jehova, sinaok,’ kuna ti Soberano nga Apo Jehova.+ 15  “Daytoy ti kinuna ti Soberano nga Apo Jehova iti Tiro, ‘Iti uni ti pannakatnagmo, inton agasug daydiay nasugatan iti makapapatay, inton adda panangpapatay nga addaan pananggudas iti tengngam, saanto kadi nga agyugayog dagiti isla?+ 16  Ket manipud kadagiti tronoda+ sigurado a bumabanto amin dagiti panguluen ti baybay+ ket ikkatenda dagiti awan manggasna a lambonda, ket uksobendanto dagiti bukodda a nabordaan a kawes. Mangikawesdanto kadagiti mamagpigerger a pagilabeg. Agtugawdanto iti rabaw ti daga,+ ket sigurado nga agpigergerdanto iti tunggal kanito+ ket sisisiddaaw a mulagatandakanto. 17  Ket mangipigsadanto kenka iti maysa a dung-aw+ ket kunaenda kenka: “‘“Anian ti pannakadadaelmo, a pagnanaedan idi dagiti naggapu kadagiti baybay,+ O maidaydayaw a siudad, a nagbalin a maysa a napigsa iti baybay,+ isu ken dagidiay agnanaed kenkuana, dagidiay a ti aligagetda impaayda kadagiti amin nga agnanaed iti daga! 18  Ita agpigergerto dagiti isla iti aldaw ti pannakatnagmo. Ket dagiti isla nga adda iti baybay maburibordanto gapu iti ipapanawmo.”’+ 19  “Ta daytoy ti kinuna ti Soberano nga Apo Jehova, ‘Inton pagbalinenka a walangwalang a siudad, kas kadagiti siudad a pudno a saan a mapagnaedan, inton pasang-atek kenka ti nadanum a yuyeng, ket ti nakalawlawa a dandanum inabbongandakan,+ 20  ipababakanto met a maikuyog kadagidiay bumabbaba nga agturong iti abut a mapan kadagiti tattao iti nabayagen a tiempo,+ ket pagnaedenkanto iti kababaan a daga,+ kas kadagiti disso a walangwalang iti nabayagen a tiempo, maikuyog kadagidiay bumabbaba nga agturong iti abut,+ tapno iti kasta saanka a mapagnaedan; ket mangikabilakto iti arkos iti daga dagidiay sibibiag.+ 21  “‘Pagbalinenkanto a kellaat a pagal-aligagetan,+ ket awankanton; ket sapulendakanto,+ ngem saandakanton a masarakan agingga iti tiempo a di nakedngan,’+ kuna ti Soberano nga Apo Jehova.”

Footnotes