Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 24:1-27

24  Ket ti sao ni Jehova nagtultuloy a dumteng kaniak iti maikasiam a tawen, iti maikasangapulo a bulan, iti maikasangapulo nga aldaw ti bulan, a kunkunana:  “Anak ti tao, isuratmo maipaay kenka ti nagan ti aldaw, daytoy met laeng nga aldaw. Ti ari ti Babilonia dimmupag a mismo maibusor iti Jerusalem itoy met laeng nga aldaw.+  Ket mangputarka iti pagkukuna a proverbio maipapan iti rebelioso a balay,+ ket masapul a kunaem maipapan kadakuada, “‘Daytoy ti kinuna ti Soberano nga Apo Jehova: “Isaangmo ti nalawa ti ngarabna a paglutuan a banga; isaangmo, ket mangibukbokka met iti danum iti dayta.+  Ummongem ti rangrangkay iti dayta,+ tunggal nasayaat a rangkay, luppo ken abaga; punnuem uray iti kasayaatan a tultulang.  Maala koma ti kasayaatan a karnero,+ ket dagiti tarikayo isalansanmo met a maipalikmut iti sirokna. Lambongem ti rangrangkayna, kasta met a lutuem dagiti tulangna iti tengngana.”’”+  “Gapuna daytoy ti kinuna ti Soberano nga Apo Jehova, ‘Asi pay ti siudad dagiti aramid a panagibukbok iti dara,+ ti nalawa ti ngarabna a paglutuan a banga, a ti latina adda iti dayta, ket ti mismo a latina saan a rimmuar manipud iti dayta! Tunggal rangrangkayna, iruarmo;+ masapul nga awan panagbibinnunot a maaramid iti dayta.+  Ta ti mismo a darana naadda iti mismo a tengngana.+ Inkabilna dayta iti rabaw ti sumileng, pangalbuen a rabaw ti napasdok a bato. Saanna nga imbuyat iti rabaw ti daga, tapno gaburan iti tapok.+  Tapno mangyeg iti pungtot maipaay iti panangipakat iti pammales,+ inkabilko ti darana iti rabaw ti sumileng, pangalbuen a rabaw ti napasdok a bato, tapno iti kasta saan koma a maabbongan.’+  “Gapuna daytoy ti kinuna ti Soberano nga Apo Jehova, ‘Asi pay ti siudad dagiti aramid a panagibukbok iti dara!+ Siak met padakkelekto ti gabsuon.+ 10  Paaduem dagiti tarikayo. Pasgedam ti apuy. Angerem ti lasag. Ket paatianam ti digo, ket bay-am a dagiti mismo a tulang umas-asuk ti pudotda. 11  Isaadmo dayta nga awan nagyanna iti rabaw dagiti beggangna tapno pumudot; ket ti gambangna masapul a bumara, ket ti kinarugitna masapul a marunaw iti tengngana.+ Maibus koma ti latina.+ 12  Dagiti pakariribukan! Binannogna ti maysa, ngem ti dakkel a kaadu ti latina saan a rummuar manipud iti dayta.+ Agturong iti apuy agraman latina!’ 13  “‘Adda nalulok a kababalin iti kinarugitmo.+ Iti dayta a rason kasapulan idi a dalusanka, ngem saanka a nadalusan iti kinarugitmo.+ Saankanto a madalusanen agingga a paginanaek ti pungtotko iti biangmo.+ 14  Siak, ni Jehova, sinaok.+ Masapul a dumteng dayta,+ ket agtignayakto. Saanakto nga agliway,+ saanakto met a maasian+ wenno uray agladingit.+ Maitunos iti daldalanmo ken maitunos kadagiti pannakilangenmo sigurado nga ukomendakanto,’+ kuna ti Soberano nga Apo Jehova.” 15  Ket ti sao ni Jehova nagtultuloy a dumteng kaniak, a kunkunana: 16  “Anak ti tao, adtoy ikkatek kenka ti banag a matarigagayan+ kadagita matam babaen ti panangkabil,+ ket rebbeng a saanmo a danogen ta barukongmo, saanka met nga agsangit wenno uray agarubos dagiti luam.+ 17  Agsennaayka nga awanan sasao. Kadagidiay natay awan ti aramidem a panagleddaang.+ Ti dalungdongmo ipatapatmo iti bagim,+ ket dagiti pallokam ikapetmo kadagita sakam.+ Ket saanmo nga abbongan ti iming,+ ket ti tinapay dagiti tattao saanmo a kanen.”+ 18  Ket nagsaoak kadagiti umili iti bigat, ket ti asawak nagin-inut a natay iti rabii. Iti kasta inaramidko iti bigat ti kas iti naibilin kaniak. 19  Ket kinunkuna kaniak dagiti umili: “Saanmonto kadi nga ibaga kadakami no ania ti pakainaigan kadakami dagitoy a banag, nga ar-aramidem?”+ 20  Idin kinunak kadakuada: “Ti mismo a sao ni Jehova dimteng kaniak, a kunkunana, 21  ‘Sawem iti balay ti Israel: “Daytoy ti kinuna ti Soberano nga Apo Jehova, ‘Adtoy tabbaawak ti santuariok,+ ti pagpannakkel ti pigsayo,+ ti banag a matarigagayan kadagiti matayo+ ken ti pakipagriknaan ti kararuayo, ket ti annakyo a lallaki ken ti annakyo a babbai nga imbatiyo—babaen ti kampilan mapasagdanto.+ 22  Ket kasapulan nga aramidenyonto ti kas iti inaramidko. Dagiti iming saanyonto nga abbongan,+ ket ti tinapay dagiti tattao saanyonto a kanen.+ 23  Ket ti dalungdongyo addanto kadagiti uloyo, ket dagiti pallokayo addada kadagiti sakayo. Saanyonto a danogen ti bagbagiyo ket saankayto met nga agsangit,+ ket kasapulan nga agrunotkayto gapu kadagiti biddutyo,+ ket pudno nga agasugkayto iti maysa ken maysa.+ 24  Ket ni Ezequiel nagbalin a maysa a tanda+ maipaay kadakayo. Maitunos iti amin nga inaramidna, aramidenyonto. Inton dumteng dayta,+ kasapulanto met a maammuanyo a siak ti Soberano nga Apo Jehova.’”’”+ 25  “Ket no maipapan kenka, O anak ti tao, saanto kadi nga iti aldaw a panangikkatko kadakuada ti sarikedkedda, ti naimnas a banag a pagrag-oanda, ti banag a matarigagayan kadagiti matada+ ken ti iliwen ti kararuada, ti annakda a lallaki ken ti annakda a babbai,+ nga 26  iti dayta nga aldaw umayto kenka daydiay nakatalaw tapno agipangngeg kadagiti lapayag?+ 27  Iti dayta nga aldaw maluktanto ti ngiwatmo iti daydiay nakatalaw,+ ket agsaokanto ket saankanton nga agumel;+ ket sigurado nga agbalinkanto kadakuada a maysa a tanda,+ ket kasapulanto a maammuanda a siak ni Jehova.”+

Footnotes