Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 23:1-49

23  Ket ti sao ni Jehova dimteng kaniak,+ a kunkunana:  “Anak ti tao, adda idi dua a babbai, ti annak ti maymaysa nga ina.+  Ket rinugianda a pagbalangkantisen ti bagbagida idiay Egipto.+ Iti kinaagtutuboda nagbalangkantisda.+ Sadiay napespes dagiti susoda,+ ket sadiay tinalmeganda dagiti barukong ti kinabirhenda.  Ket dagiti naganda Ohola ti in-inauna ken Oholiba ti kabsatna, ket nagbalinda a kukuak+ ket nangrugida a mangipasngay iti annak a lallaki ken annak a babbai.+ Ket no maipapan kadagiti naganda, ni Ohola isu ti Samaria,+ ket ni Oholiba isu ti Jerusalem.+  “Ket rinugian a pagbalangkantisen ni Ohola ti bagina,+ bayat a naipasakup kaniak, ket nagtultuloy a ginartemanna dagidiay sidederrep a mangay-ayat kenkuana,+ dagiti Asirio,+ nga adda iti asideg,  dagiti gobernador a sikakawes iti asul a material, ken dagiti diputado nga agtuturay—makaay-ayo nga agtutubo a lallaki isuda amin, kabkabaliero a sisasakay kadagiti kabalio.  Ket intultuloyna nga impaay kadakuada dagiti panagbalangkantisna, ti napili nga annak ti Asiria isuda amin; ken agraman amin dagidiay ginartemanna—agraman kadagiti makadurmen nga idoloda—tinulawanna ti bagina.+  Ket saanna a pinanawan dagiti panagbalangkantisna a naigapu idiay Egipto, ta idi kinaagtutubona nakikaiddada kenkuana, ket isuda ti nangitalmeg kadagiti barukong ti kinabirhenna ket intultuloyda nga imbuyat kenkuana dagiti imoral a pannakidennada.+  Gapuna isu inyawatko iti ima dagidiay sidederrep a mangay-ayat kenkuana,+ iti ima ti annak ti Asiria, isuda a ginartemanna.+ 10  Isuda ti nanglukais ti kinalamolamona.+ Innalada ti annakna a lallaki ken ti annakna a babbai,+ ket isu pinapatayda babaen a mismo iti kampilan. Ket nagbalin a dakes ti pakasarsaritaanna kadagiti babbai, ket ar-aramid ti panangukom ti impakatda kenkuana. 11  “Idi nakita dayta ni kabsatna nga Oholiba,+ ngarud winatwatna ti linalasag a derrepna nga ad-adda a makadadael ngem isuna, ken ti panagbalangkantisna nga ad-adda ngem iti pannakiabig ni kabsatna.+ 12  Ta ginartemanna ti annak ti Asiria,+ dagiti gobernador ken dagiti diputado nga agtuturay nga adda iti asideg, a sikakawesda iti naan-anay a kinangayed, kabkabaliero a sisasakay kadagiti kabalio—makaay-ayo nga agtutubo a lallaki isuda amin.+ 13  Ket nakitak nga, agsipud ta tinulawanna ti bagina, isuda a dua maymaysa ti dalanda.+ 14  Ket intultuloyna a ninayonan dagiti aramidna a panagbalangkantis idi makitana dagiti lallaki a naikitikit iti diding,+ ladladawan+ dagiti Caldeo a naikitikit iti bermelion,+ 15  nabariksan iti sinsinturon+ kadagiti padingpadingda, addaan kadagiti turbante a pabitin iti ul-uloda, addaan iti langa dagiti mannakigubat, isuda amin, ti kaasping ti annak ti Babilonia, dagiti Caldeo no maipapan iti daga a nakayanakanda. 16  Ket nangrugi a manggartem kadakuada idi nakita dagiti matana+ ket nangibaon kadakuada kadagiti mensahero idiay Caldea.+ 17  Ket ti annak ti Babilonia nagtultuloyda nga immay kenkuana, iti pagiddaan dagiti ebkas ti ayat, ket isu tinulawanda iti imoral a pannakidennada;+ ket isu nagtultuloy a natulawan babaen kadakuada, ket ti kararuana nangrugi nga immadayo a siririmon kadakuada. 18  “Ket linukaisanna dagiti aramidna a panagbalangkantis ken linukaisanna ti kinalamolamona,+ iti kasta immadayo a siririmon ti kararuak iti pannakikuyog kenkuana, no kasano a ti kararuak immadayo a siririmon iti pannakikuyog iti kabsatna.+ 19  Ket intultuloyna a pinaadu dagiti aramidna a panagbalangkantis+ agingga iti punto a pananglagip iti al-aldaw ti kinaagtutubona,+ idi pinagbalangkantisna ti bagina idiay daga ti Egipto.+ 20  Ket intultuloyna ti naggartem iti estilo dagiti kamalala a kukua dagidiay a ti nainlasagan a kamengda ket kas iti nainlasagan a kameng dagiti kalakian nga asno ken dagiti mabagbagida ket kas iti mabagbagi dagiti kalakian a kabalio.+ 21  Ket intuloymo nga impalagip ti nalulok a kababalin ti kinaagtutubom babaen ti pannakaitalmeg dagiti barukongmo manipud Egipto+ ken agtultuloy, maipagapu kadagiti suso ti kinaagtutubom.+ 22  “Gapuna, O Oholiba, daytoy ti kinuna ti Soberano nga Apo Jehova, ‘Adtoy gutugotek a bumusor kenka dagiti nagartem a managayat kenka,+ dagidiay a manipud kadakuada bimmaw-ing ta kararuam gapu iti pannakarimon, ket iyegkonto ida a bumusor kenka iti amin a sikigan,+ 23  ti annak ti Babilonia+ ken amin dagiti Caldeo,+ ti Pekod+ ken ti Soa ken ti Coa, maikuyog kadakuada dagiti amin nga annak ti Asiria, makaay-ayo nga agtutubo a lallaki, dagiti gobernador ken diputado nga agtuturay isuda amin, dagiti mannakigubat ken dagidiay napaayaban, a sisasakay kadagiti kabalio, isuda amin. 24  Ket masapul nga umayda a bumusor kenka buyogen ti panagkaradakad dagiti karuahe a pakigubat ken dagiti pilid,+ ken buyogen ti maysa a kongregasion dagiti ili, buyogen ti dakkel a kalasag ken sarapa ken kabal ti ulo. Isaganadanto ti bagbagida maibusor kenka iti intero nga aglikmut, ket iyawatkonto kadakuada ti panangukom, ket masapul nga ukomendaka kadagiti panangukomda.+ 25  Ket iyebkaskonto ti kinanasgedko maibusor kenka,+ ket masapul nga agtignayda maibusor kenka buyogen iti pungtot.+ Ikkatendanto ti agongmo ken dagiti lapayagmo, ket ti nabatbati kenka mapasagto babaen a mismo iti kampilan. Ti annakmo a lallaki ken ti annakmo a babbai+ alaendanto a mismo,+ ket ti nabatbati kenka maalun-onto iti apuy.+ 26  Ket sigurado nga uksobendanto kenka dagiti kawesmo+ ket ipanawda dagiti nangayed nga aruatem.+ 27  Ket pudno a pasardengekto kenka ti nalulok a kababalinmo,+ ken ti panagbalangkantismo a naigapu idiay daga ti Egipto;+ ket saanmonto nga itangad kadakuada dagita matam, ket ti Egipto saanmonton a malagip.’ 28  “Ta daytoy ti kinuna ti Soberano nga Apo Jehova, ‘Adtoy iyawatka iti ima dagidiay ginuram, iti ima dagidiay a manipud kadakuada immadayo a siririmon ta kararuam.+ 29  Ket masapul nga agtignayda maibusor kenka buyogen iti gura ket ipanawda ti isuamin a bunga ti panagbannogmo ket panawandaka a lamolamo ken labus;+ ket ti kinalabus dagiti aramidmo a pannakiabig ken ti nalulok a kababalinmo ken dagiti aramidmo a panagbalangkantis masapul a malukaisan.+ 30  Maaramidto kenka dagitoy a banag gapu iti isusurotmo a kasla balangkantis kadagiti nasion,+ maigapu iti kinapudno a tinulawam ti bagim babaen kadagiti makadurmen nga idoloda.+ 31  Nagnaka iti dalan ni kabsatmo;+ ket kasapulan nga itedkonto ti kopana ita imam.’+ 32  “Daytoy ti kinuna ti Soberano nga Apo Jehova, ‘Inumemto ti kopa ni kabsatmo, daydiay nauneg ken nalawa.+ Agbalinkanto a puntiria ti panagkatawa ken pananguyaw, ti kopa nga adu ti linaonna.+ 33  Mapnokanto iti panagbarbartek ken ladingit, iti kopa ti panagmalmalanga ken ti panaglangalang, ti kopa ni kabsatmo a Samaria. 34  Ket kasapulan nga inumemto dayta ken paatianam,+ ket kibkibamto dagiti ribak ti damilina, ket liksabemto dagita susom.+ “Ta siak sinaok,” kuna ti Soberano nga Apo Jehova.’ 35  “Gapuna daytoy ti kinuna ti Soberano nga Apo Jehova, ‘Iti rason a linipatnak+ ket impuruaknak iti likudam,+ ngarud sika awitem met ti nalulok a kababalinmo ken dagiti aramidmo a panagbalangkantis.’” 36  Ket kinuna kaniak ni Jehova: “Anak ti tao, ukomemto aya+ da Ohola ken Oholiba+ ket ibagam kadakuada ti nakarimrimon a bambanagda?+ 37  Ta nakikamalalada+ ket adda dara kadagiti imada,+ ket nakikamalalada kadagiti makadurmen nga idoloda.+ Ket, malaksid iti dayta, ti annakda nga impasngayda kaniak impalasatda iti apuy maipaay kadakuada kas taraon.+ 38  Kanayonanna, daytoy ti inaramidda kaniak: Tinulawanda+ ti santuariok+ iti dayta nga aldaw, ket dagiti sabbathko tinabbaawanda.+ 39  Ket idi nagudasdan ti annakda maipaay kadagiti makadurmen nga idoloda+ simrekda pay iti santuariok iti dayta nga aldaw tapno tabbaawanda,+ ket, adtoy! dayta ti inaramidda iti tengnga ti balayko.+ 40  Ket mainayon iti dayta, idi nangrugida nga agbaon iti mapan kadagiti lallaki a naggapu iti adayo, a kadakuada adda naibaon a mensahero,+ ngarud, adtoy! immayda,+ a gapu kadakuada dinigusmo ta bagim,+ pinintaam dagita matam+ ket inarkosam ta bagim kadagiti arkos.+ 41  Ket nagtugawka iti maysa a nadayag a sopa,+ nga adda lamisaan a naisagana a siuurnos iti sanguanan dayta,+ ket iti rabawna inkabilmo ti insiensok+ ken ti lanak.+ 42  Ket ti timek ti maysa a bunggoy a sinanam-ay adda idi kenkuana,+ ket kadagiti lallaki manipud iti reprep ti sangatauan adda dagiti managbarbartek+ a maiyeg manipud iti let-ang, ket nangikabilda kadagiti pulseras iti im-ima dagiti babbai ken napipintas a korona kadagiti uloda.+ 43  “Idin kinunak maipapan kenkuana a nagum-umaan iti pannakikamalala,+ ‘Ita itultuloynanto nga aramiden ti panagbalangkantisna, isu a mismo.’+ 44  Ket nagtultuloyda a simrek a napan kenkuana, no kasano a ti maysa sumrek a mapan iti babai a balangkantis; iti kasta a pamay-an simrekda a napan kada Ohola ken Oholiba kas babbai a nalulok ti kababalinda.+ 45  Ngem no maipapan iti nalinteg+ a lallaki, isudanto dagidiay mangukom kenkuana babaen ti panangukom a maipaay kadagiti mannakikamalala a babbai+ ken babaen ti panangukom maipaay kadagiti babbai nga agibukbukbok iti dara;+ ta mannakikamalalada a babbai, ket adda dara kadagiti imada.+ 46  “Ta daytoy ti kinuna ti Soberano nga Apo Jehova, ‘Addanto panangisang-at iti maysa a kongregasion maibusor kadakuada+ ken panamagbalin kadakuada a nakaal-aliaw a banag ken maysa a banag a samsamen.+ 47  Ket ti kongregasion masapul nga uborenna ida iti batbato,+ ket addanto pananggeppas kadakuada babaen kadagiti kampilanda. Patayendanto ti annakda a lallaki ken ti annakda a babbai,+ ket iti apuy puorandanto ti balbalayda.+ 48  Ket sigurado a pasardengekto ti nalulok a kababalin+ manipud iti daga,+ ket amin dagiti babbai kasapulan a palubosandanto a mailinteg ti bagbagida, tapno saandanto nga agaramid a maitunos iti nalulok a kababalinyo.+ 49  Ket masapul nga iyegdanto kadakayo ti nalulok a kababalinyo,+ ket awitenyonto ti basbasol dagiti makadurmen nga idoloyo; ket kasapulanto a maammuanyo a siak ti Soberano nga Apo Jehova.’”+

Footnotes