Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Ezequiel 22:1-31

22  Ket ti sao ni Jehova nagtultuloy a dumteng kaniak, a kunkunana:  “Ket no maipapan kenka, O anak ti tao, ukomemto kadi,+ ukomemto kadi ti siudad a nakabasol iti dara+ ket sigurado nga ipakaammom kenkuana ti amin a nakarimrimon a bambanagna?+  Ket masapul a kunaem, ‘Daytoy ti kinuna ti Soberano nga Apo Jehova: “O siudad nga agibukbukbok iti dara+ iti tengngana agingga a dumteng ti tiempona,+ ken nangaramid kadagiti makadurmen nga idolo iti unegna tapno agbalin a narugit,+  babaen iti daram nga imbukbokmo nakabasolka,+ ket babaen kadagiti makadurmen nga idolom nga inaramidmo nagbalinka a narugit.+ Ket pinaasidegmo dagiti aldawmo, ket dumtengkanto kadagiti tawenmo. Dayta ti makagapu a pagbalinenkanto a puntiria ti panangumsi kadagiti nasion ken pananglais kadagiti amin a daga.+  Dagiti daga iti asideg ken dagidiay adayo kenka laisendakanto, O sika a narugit ti naganna, nga aduan iti pannakariribuk.+  Adtoy! Dagiti panguluen+ ti Israel addada idi kenka, tunggal maysa naipaay iti takiagna iti panggep a panangibukbok iti dara.+  Kenka inumsida ti ama ken ina.+ Iti tengngam sinaurda ti ganggannaet nga agnanaed.+ Kenka inrurumenda ti awan amana nga ubing ken ti balo a babai.”’”+  “‘Inumsim dagiti nasantuan a dissok, ket tinabbaawam dagiti sabbathko.+  Adda kenka dagiti nalawag a manangpardaya, iti panggep a panangibukbok iti dara;+ ket iti bambantay nanganda kenka.+ Ti nalulok a kababalin inaramidda iti tengngam.+ 10  Kenka linukaisanda ti kinalamolamo ti maysa nga ama;+ kenka minulitanda ti maysa a babai a di nadalus iti panagkadawyanna.+ 11  Ket ti maysa a lalaki nakaaramid iti nakarimrimon a banag iti asawa a babai ti kaduana,+ ket ti maysa a lalaki tinulawanna ti bukodna a manugang-a-babai iti nalulok a kababalin;+ ket ti kabsatna a babai, ti anak ti bukodna nga ama, minulitan kenka ti maysa a lalaki.+ 12  Nangalada kenka iti pasuksok maipaay iti panggep a panangibukbok iti dara.+ Nangalaka iti patubo+ ken am-am,+ ket siraranggas nga itultuloymo ti gumun-od iti gunggona+ kadagiti kaduam babaen ti panangsaur,+ ket linipatannak,’+ kuna ti Soberano nga Apo Jehova. 13  “‘Ket, adtoy! insipatko ti imak+ iti nakillo a gunggonam a nagun-odmo,+ ken iti ar-aramidmo a panangibukbok iti dara nga adda iti tengngam.+ 14  Agtultuloyto aya nga agibtur ta pusom+ wenno mangipaay dagita imam iti pigsa inton al-aldaw nga agtignayak kenka?+ Siak, ni Jehova, nagsaoak ket agtignayakto.+ 15  Ket iwaraswaraskanto kadagiti nasion ket iwarawarakanto iti dagdaga,+ ket pukawekto ti kinarugitmo manipud kenka.+ 16  Ket sigurado a matabbaawankanto iti unegmo iti imatang dagiti nasion, ket kasapulanto a maammuam a siak ni Jehova.’”+ 17  Ket ti sao ni Jehova nagtultuloy a dumteng kaniak, a kunkunana: 18  “Anak ti tao, dagiti kameng ti balay ti Israel nagbalinda kaniak a kas naggugoran a rugit.+ Isuda amin ket gambang ken lata ken landok ken buli iti tengnga ti maysa nga urno. Nagbalinda nga adu a naggugoran a rugit, ti rugit ti pirak.+ 19  “Gapuna daytoy ti kinuna ti Soberano nga Apo Jehova, ‘Iti rason a nagbalinkayo amin a kas adu a naggugoran a rugit,+ ngarud adtoy ummongenkayo a sangsangkamaysa iti tengnga ti Jerusalem.+ 20  Kas iti panagummong iti pirak ken gambang ken landok+ ken buli ken lata iti tengnga ti maysa nga urno, tapno pug-awan+ ti rabawna iti apuy tapno mangrunaw,+ kasta ti panangummongkonto a sangsangkamaysa kadakuada iti ungetko ken iti pungtotko, ket pug-awankayto ket runawenkayo. 21  Ket pagkaykaysaenkayto ket pug-awankayo iti apuy ti rungsotko,+ ket marunawkayto iti tengngana.+ 22  Kas iti pannakarunaw ti pirak iti tengnga ti urno, kasta ti pannakarunawyonto iti tengngana; ket kasapulanto a maammuanyo a siak, ni Jehova, imbuyatko ti pungtotko kadakayo.’”+ 23  Ket ti sao ni Jehova nagtultuloy a dumteng kaniak, a kunkunana: 24  “Anak ti tao, kunaem kenkuana, ‘Maysaka a daga a saan a nadalusan, daydiay saan a natuduan iti aldaw ti panangkondenar.+ 25  Adda kumplot dagiti mammadtona iti tengngana,+ kas iti ngumerngernger a leon, a mangrangrangkay iti inanupan.+ Ti maysa a kararua pudno nga alun-onenda.+ Ti gameng ken ti napapateg a bambanag itultuloyda nga alaen.+ Dagiti balona a babbai pinaaduda iti tengngana.+ 26  Ti met laeng papadina rinanggasanda ti lintegko,+ ket tinabtabbaawanda dagiti nasantuan a dissok.+ Saanda a nangaramid iti panamagduma+ iti nagbaetan ti nasantuan a banag ken ti sapasap,+ ket iti nagbaetan ti narugit a banag ken ti nadalus awan ti impakaammoda,+ ket manipud kadagiti sabbathko inlemmengda dagiti matada,+ ket natabbaawanak iti tengngada.+ 27  Dagiti prinsipena iti tengngana kaslada kadagiti lobo a mangrangrangkay iti inanupan iti panangibukbok iti dara,+ iti panangdadael kadagiti kararua maipaay iti panggep a pananggun-od iti nakillo a gunggona.+ 28  Ket dagiti mammadtona impalitadaanda ida iti pangpapuraw nga apug,+ nga agsirsirmatada iti di kinapudno+ ken ipadpadlesanda ida iti kinaulbod,+ a kunkunada: “Daytoy ti kinuna ti Soberano nga Apo Jehova,” idinto ta ni met laeng Jehova saan a nagsao. 29  Dagiti met laeng umili iti daga intungpalda ti gandat a panangsaur+ ket nangaramidda iti panangalat-at iti panagtakawda,+ ket inrurumenda daydiay naparigatan ken daydiay napanglaw,+ ket ti ganggannaet nga agnanaed sinaurda nga awanan kinahustisia.’+ 30  “‘Ket nangsapsapulak iti lalaki manipud iti tengngada a mangtarimaan iti bato a pader+ ken agtakder iti giwang+ iti sanguanak maigapu iti daga, tapno saanko a dadaelen dayta;+ ket awan ti nasarakak. 31  Gapuna ibuyatkonto ti panangkondenarko+ kadakuada. Babaen iti apuy ti rungsotko talipuposekto ida.+ Ti dalanda iyegkonto iti bukodda nga ulo,’+ kuna ti Soberano nga Apo Jehova.”

Footnotes