Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Ezequiel 21:1-32

21  Ket ti sao ni Jehova nagtultuloy a dumteng kaniak, a kunkunana:  “Anak ti tao, isangom ta rupam iti Jerusalem ket mangyibbatka+ iti sasao a maiturong kadagiti nasantuan a disso,+ ket agipadtoka maibusor iti daga ti Israel.+  Ket masapul a kunaem iti daga ti Israel, ‘Daytoy ti kinuna ni Jehova: “Adtoy bumusorak kenka,+ ket iruarkonto ti kampilanko iti kalubanna+ ket gessatek kenka daydiay nalinteg ken daydiay nadangkes.+  Tapno iti kasta pudno a magessatko kenka daydiay nalinteg ken daydiay nadangkes, gapuna ti kampilanko rummuarto manipud kalubanna maibusor iti isuamin a lasag manipud iti abagatan agingga iti amianan.+  Ket amin dagidiay addaan lasag kasapulanto a maammuanda a siak, ni Jehova, inruarko ti kampilanko iti kalubanna.+ Saanton nga agsubli.”’+  “Ket no maipapan kenka, O anak ti tao, agsennaayka buyogen dagiti agkinkintayeg a padingpading.+ Uray pay buyogen ti kinapait rebbeng nga agsennaayka iti imatangda.+  Ket mapasamakto a, no kas pagarigan kunaenda kenka, ‘Maigapu iti ania nga agsensennaayka?’+ masapul a kunaem, ‘Gapu iti maysa a damag.’+ Ta sigurado nga umayto,+ ket tunggal puso marunawto+ ket amin nga im-ima agsalupaypayto ket tunggal espiritu mapaglidayto ket amin a tumtumeng mangitedteddanto a mismo iti danum.+ ‘Adtoy! Sigurado nga umayto+ ket mapasamak,’ kuna ti Soberano nga Apo Jehova.”  Ket ti sao ni Jehova nagtultuloy a dumteng kaniak, a kunkunana:  “Anak ti tao, agipadtoka, ket masapul a kunaem, ‘Daytoy ti kinuna ni Jehova: “Kunaem, ‘Maysa a kampilan, maysa a kampilan!+ Napatadem,+ ken kasta met a napasileng. 10  Napatadem dayta iti panggep a panangyurnos iti pananggudas; iti panggep a panangpasilap napasileng dayta.’”’”+ “Wenno agrag-otayto kadi?”+ “‘Laklaksidenna kadi ti setro+ ti bukodko nga anak,+ kas iti aramidenna iti tunggal kayo?+ 11  “‘Ket ti maysa itedna dayta tapno mapasileng, tapno aramaten dayta ti ima. Dayta—maysa a kampilan ti napatadem, ket dayta—napasileng, tapno ited iti ima ti mammapatay.+ 12  “‘Umkiska ken aganug-ogka,+ O anak ti tao, ta dayta a mismo nagbalin a maibusor iti ilik;+ maibusor dayta kadagiti amin a panguluen ti Israel.+ Dagidiay mismo a naipalladaw iti kampilan naikuyogda iti ilik.+ Gapuna sipatem ti luppo.+ 13  Ta naaramiden ti panangsukimat,+ ket ania ngarud dayta no laklaksidenna met ti setro?+ Daytoy ket saanto nga agtultuloy nga adda,’+ kuna ti Soberano nga Apo Jehova. 14  “Ket sika, O anak ti tao—agipadtoka, ket isipatmo ti dakulap iti dakulap,+ ket ti ‘Maysa a kampilan!’ rebbeng a mayulit iti mamitlo.+ Kampilan dayta dagidiay napapatay. Isu dayta ti kampilan ti maysa a napapatay a naindaklan, a manglaklakub kadakuada.+ 15  Tapno marunaw ti puso+ ken tapno mapaadu dagidiay maduprak kadagiti amin a ruanganda,+ manggudasakto babaen iti kampilan. Ay, naaramid dayta nga agsilapsilap, napasileng maipaay iti pananggudas!+ 16  Ipakitam a natademka;+ agpakannawanka! Agsaadka; agpakannigidka! Iti sadinoman a pakaiturongan ta rupam! 17  Ket siak met isipatkonto ti dakulapko iti sabali pay a dakulapko,+ ket paginanaekto+ ti pungtotko.+ Siak, ni Jehova, sinaok.” 18  Ket ti sao ni Jehova nagtultuloy a dumteng kaniak, a kunkunana: 19  “Ket no maipapan kenka, O anak ti tao, ipasdekam ta bagim iti dua a dalan a serkan ti kampilan ti ari ti Babilonia.+ Manipud iti maysa a daga rebbeng nga agpadpadada a rummuar, ket ti maysa a pangitudo nga ima rebbeng a mayukrit;+ iti pamunganayan ti dalan nga agturong iti siudad rebbeng a mayukrit dayta. 20  Rebbeng a mangipasdekka iti dalan a serkan ti kampilan maibusor iti Rabba+ ti annak ti Ammon, ken maysa a maibusor iti Juda, maibusor iti Jerusalem a nasarikedkedan.+ 21  Ta ti ari ti Babilonia nagtakder a siiintek iti nagsangaan dagiti dalan, iti pamunganayan ti dua a dalan, tapno umamang iti panagpadles.+ Ginunggonna dagiti pana. Nagimtuod babaen iti terafim;+ kimmita iti dalem. 22  Iti makannawan nga imana ti panagpadles maipaay idi iti Jerusalem, tapno mangikabil kadagiti alikamen a pangrakrak,+ tapno ngangaen ti maysa ti ngiwatna maipaay iti panangpapatay, tapno ipigsa ti uni iti alarma a pagilasinan,+ tapno mangikabil kadagiti alikamen a pangrakrak maibusor kadagiti ruangan, tapno mangibangon iti baluarte a panglakub, tapno mangipatakder iti pader a panglakub.+ 23  Ket nagbalin kadakuada dayta a kas iti di pudno a panagpadles kadagiti matada+—dagidiay napagsapata kadakuada kadagiti sapata;+ ket isu ipalagipna ti biddut,+ tapno matiliwda.+ 24  “Gapuna daytoy ti kinuna ti Soberano nga Apo Jehova, ‘Gapu iti panangipalagipyo iti biddutyo babaen ti pannakalukais dagiti salungasingyo, tapno iti kasta makita dagiti basolyo maitunos kadagiti amin a pannakilangenyo, gapu iti pannakaipalagipyo+ makemmegkayto iti mismo nga ima.’+ 25  “Ket no maipapan kenka, O nasugatan iti makapapatay, nadangkes a panguluen+ ti Israel,+ a ti aldawna dimteng iti tiempo ti kamaudianan a biddut,+ 26  daytoy ti kinuna ti Soberano nga Apo Jehova, ‘Ikkatem ti turbante, ket uksotem ti korona.+ Saanton a kastoy daytoy.+ Ipangatom ti mismo a nababa,+ ket ipababam ti mismo a nangato.+ 27  Rebbek, rebbek, rebbek ti pangaramidakto iti dayta.+ No maipapan met iti daytoy, sigurado nga awanto ti agtagikua iti dayta agingga nga umay daydiay addaan iti legal a kalintegan,+ ket itedkonto dayta kenkuana.’+ 28  “Ket sika, O anak ti tao, agipadtoka, ket masapul a kunaem, ‘Daytoy ti kinuna ti Soberano nga Apo Jehova maipapan iti annak ti Ammon ken maipapan iti umsi manipud kadakuada.’ Ket masapul a kunaem, ‘Maysa a kampilan, maysa a kampilan a naasut maipaay iti pananggudas, napasileng tapno mangalun-on, tapno sumilap,+ 29  gapu iti panangkitada maipaay kenka iti di kinapudno, gapu iti panagpadlesda maipaay kenka iti kinaulbod,+ tapno ikabildaka kadagiti tengnged dagidiay napapatay, dagiti nadangkes a tattao a ti aldawda dimtengen iti tiempo ti kamaudianan a biddut.+ 30  Isublim iti kalubanna. Iti disso a nakaparsuaam, iti daga a namunganayam,+ ukomenkanto. 31  Ket ibuyatkonto kenka ti panangkondenarko. Iti apuy ti rungsotko puyotankanto,+ ket iyawatkanto iti ima dagiti lallaki nga awan nakemna, dagiti nasigo a trabahador ti panangdadael.+ 32  Agpaay iti apuy agbalinkanto a sungrod.+ Ti bukodmo a dara addanto iti tengnga ti daga. Saankanto a malagip, ta siak, ni Jehova, sinaok.’”+

Footnotes