Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 2:1-10

2  Ket kinunana kaniak: “Anak ti tao,+ tumakderka kadagita sakam ta makisaoak kenka.”+  Ket ti espiritu nangrugi a sumrek kaniak apaman nga isu nagsao kaniak,+ ket iti kamaudiananna pinatakdernak kadagiti sakak tapno mangngegko Daydiay agsasao kaniak.+  Ket kinunana kaniak: “Anak ti tao, ibaonka iti annak ti Israel,+ kadagiti rebelioso a nasion a nagrebelde kaniak.+ Isuda ken dagidi ammada nagsalungasingda a maikaniwas kaniak agingga itoy met laeng nga aldaw.+  Ket ti annak a nakuspag ti rupada+ ken natangken ti pusoda+—ibaonka kadakuada, ket masapul a kunaem kadakuada, ‘Daytoy ti kinuna ti Soberano nga Apo Jehova.’  Ket no maipapan kadakuada, uray no dumngegdanto+ wenno agkedkeddanto+—ta rebeliosoda a balay+—sigurado a maammuandanto met a ti maysa a mammadto a mismo adda iti tengngada.+  “Ket sika, O anak ti tao, dika agbuteng kadakuada;+ ket kadagiti saoda dika agbuteng, gapu ta adda dagidiay nasubeg+ ken bambanag a mangpuris+ kenka ket iti tengnga dagiti manggagama+ ti pagnanaedam. Kadagiti saoda dika agbuteng,+ ket kadagiti rupada dika agaligaget,+ ta rebeliosoda a balay.+  Ket masapul a sawem ti sasaok kadakuada, uray no dumngegda wenno agkedkedda, ta maysada a kaso ti panagrebelde.+  “Ket sika, O anak ti tao, denggem ti sasawek kenka. Dika agbalin a rebelioso a kas iti rebelioso a balay.+ Ngangaem ta ngiwatmo ket kanem ti itdek kenka.”+  Ket nangrugi a makitak, ket, adtoy! adda maysa nga ima a nayunnat kaniak,+ ket, adtoy! iti dayta adda ti lukot ti maysa a libro.+ 10  Ket in-inut nga inukradna iti sanguanak, ket nasuratan iti sango ken iti likud;+ ket adda naisurat iti dayta a dungdung-aw ken as-asug ken sangsangit.+

Footnotes