Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 19:1-14

19  “Ket no maipapan kenka, mangipigsaka iti dung-aw+ maipapan kadagiti panguluen ti Israel,+  ket masapul a kunaem, ‘Ania idi ni inam? Maysa a kabaian a leon iti tengnga dagiti leon.+ Agidda iti tengnga dagiti burboran a bumaro a leon. Pinadakkelna dagiti urbonna.  “‘Ket in-inut a pinadakkelna ti maysa kadagiti urbonna.+ Maysa a burboran a bumaro a leon ti nagbalinanna, ket nangrugi a masursurona ti mangpisangpisang iti inanupan.+ Naglamut uray iti naindagaan a tao.  Ket dagiti nasion nagtultuloy a nangngegda ti maipapan kenkuana. Isu natiliw iti abutda, ket babaen kadagiti kawit impanda idiay daga ti Egipto.+  “‘Idi nakitana nga isu nagur-uray ket napukaw ti namnamana, iti kasta nangala iti sabali pay kadagiti urbonna.+ Inruarna kas maysa a burboran a bumaro a leon.  Ket nangrugi nga agpagnapagna iti tengnga dagiti leon. Maysa a burboran a bumaro a leon ti nagbalinanna. Ket in-inut a nasursurona ti mangpisangpisang iti inanupan.+ Inalun-onna uray ti naindagaan a tao.+  Ket naammuanna dagiti pagnaedan a torrena, ket pinagwalangwalangna uray pay dagiti siudadda,+ iti kasta napaglangalang ti daga ket pinunnona iti uni ti panagngerngerna.+  Ket dagiti nasion iti intero nga aglikmut manipud kadagiti masaksakupan a distrito nangrugida nga agsagana maibusor kenkuana+ ket inwayatda kenkuana ti iketda.+ Isu natiliw iti abutda.+  Kamaudiananna inkabilda iti tangkal babaen kadagiti kawit ket impanda iti ari ti Babilonia.+ Isu naipanda babaen kadagiti iket a paganup, tapno iti kasta ti timekna saanton a mangngeg iti bambantay ti Israel.+ 10  “‘Ni inam+ ket kasla idi iti maysa a puon ti ubas iti daram,+ a naimula iti igid ti dandanum. Nagbalin a manangpataud iti bunga ken aduan sangsanga gapu iti naruay a danum.+ 11  Ket maipaay kenkuana nagbalinda idi a nalagda a sarsarukod, a nairanta a maipaay kadagiti setro dagiti agturay.+ Ket ti kangatona nagin-inut a timmayag iti tengnga dagiti sanga, ket nagbalin a makita gapu iti kinatayagna, gapu iti kinaruay ti nabulong a sangsangana.+ 12  Ngem iti kamaudiananna naparut gapu iti rungsot.+ Naipalladaw iti daga, ket adda idi wayaway nga angin a nanggango iti bungana.+ Natukkol ti nalagda a sarukodna ket nagango.+ Inalun-on dayta ti mismo nga apuy.+ 13  Ket ita isu naimula iti let-ang,+ iti awanan danum ken mawaw a daga.+ 14  Ket rimmuar ti apuy manipud iti sarukodna.+ Inalun-onna dagiti mismo a saringitna, ti mismo a bungana, ket isu awanan idi iti nalagda a sarukod, awan setro a maipaay iti panagturay.+ “‘Dung-aw dayta, ket agbalinto a dung-aw.’”+

Footnotes