Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 16:1-63

16  Ket ti sao ni Jehova dimteng pay kaniak, a kunkunana:  “Anak ti tao, ipakaammom+ iti Jerusalem ti nakarimrimon a bambanagna.+  Ket masapul a kunaem, ‘Daytoy ti kinuna ti Soberano nga Apo Jehova iti Jerusalem: “Ti namunganayam ken ti nakayanakam ket iti daga ti Canaanita.+ Ni amam isu ti Amoreo,+ ket ni inam maysa a Heteo.+  Ket no maipapan iti pannakayanakmo, idi aldaw a nayanakka+ saan a napugsat ti bagis ti pusegmo, ket saanka a nabugguan iti danum maipaay iti pannakadalus, ket saanka a pulos naaprosan iti asin, ket saanka a pulos nabungon.  Awan ti mata a mangay-ay kenka tapno mangaramid maipaay kenka iti maysa kadagitoy a banag kas panangngaasi kenka,+ ngem naipalladawka iti rabaw ti tay-ak agsipud ta adda panagrurod maibusor iti kararuam idi aldaw a nayanakka.  “‘“Ket limmabasak iti sibaymo ket nakitaka nga agkusaykusay iti daram, ket kinunak kenka iti daram, ‘Agbiagka!’+ wen, kinunak kenka iti daram, ‘Agbiagka!’  Pinagbalinka a dakkel unay nga umariwekwek a kas ti tumubo iti talon tapno dumakkelka+ ket agbalinka a naindaklan ket sumrekka buyogen ti kasayaatan nga arkos.+ Ti met laeng dua a suso nasayaat ti idadakkelda, ket ti bukodmo a buok bimmaludbod, idinto ta lamolamoka ken labus.”’  “‘Ket limmabasak iti sibaymo ket nakitaka, ket, adtoy! ti tiempom isu ti tiempo nga agpaay kadagiti ebkas ti ayat.+ Iti kasta inyukradko kenka ti pandilingko+ ket inabbongak ti kinalabusmo ket nangaramidak kenka iti sinapataan a sasao ken simrekak iti pannakitulag kenka,’+ kuna ti Soberano nga Apo Jehova, ‘ket iti kasta nagbalinka a kukuak.+  Kanayonanna pay, binugguanka iti danum+ ket inugasak manipud kenka ti daram ket sinapsapuanka iti lana.+ 10  Ket kinawesanka iti nabordaan a pagan-anay+ ken sinapatosanka iti lalat ti foka+ ken binalkutka iti napino a lienso+ ken inabbonganka iti nangina a material. 11  Ket inarkosanka kadagiti pagarkos ken nangikabilak kadagiti pulseras+ iti im-imam ken kuentas+ iti aglawlaw ti karabukobmo. 12  Kanayonanna pay, nangikabilak iti aritos ti agong+ iti abut ti agongmo ken ar-aritos kadagiti lapayagmo+ ken napintas a korona iti ulom.+ 13  Ket inar-arkosam ti bagim iti balitok ken pirak, ket ti pagan-anaymo napino a lienso ken nangina a material ken nabordaan a pagan-anay.+ Nasayaat nga arina ken diro ken lana+ isuda ti kinnanmo, ket dimmakkelka a nakaliblibnos unay, ket in-inut a nagbalinka a maikari iti naarian a saad.’”+ 14  “‘Ket maipaay kenka maysa a nagan ti nangrugi nga agwaras iti tengnga dagiti nasion gapu iti kinalibnosmo, ta naan-anay dayta gapu iti kinangayedko nga inkabilko kenka,’+ kuna ti Soberano nga Apo Jehova.” 15  “‘Ngem nangrugika nga agtalek iti kinalibnosmo+ ken agbalin a balangkantis maigapu iti naganmo+ ken mangibuyat kadagiti aramidmo a panagbalangkantis iti tunggal lumablabas;+ nagbalin dayta a kukuana. 16  Ket innalam ti sumagmamano kadagiti kawesmo ket inyaramidam ta bagim kadagiti nangato a disso+ a nagduduma ti marisna ket pagbalangkantisem ta bagim kadakuada+—dagita a banag saanda a dumteng, ket rebbeng a saan a mapasamak. 17  Ket alaem dagiti napintas nga aruatem manipud iti balitokko ken manipud iti pirakko nga intedko kenka+ ket iyaramidam ta bagim kadagiti ladawan ti lalaki+ ket pagbalangkantisem ta bagim kadakuada.+ 18  Ket alaem dagiti nabordaan a kawesmo ket abbongam ida; ket ti lanak ken ti insiensok+ pudno nga ikabilmo iti sanguananda. 19  Ket ti tinapayko nga intedko kenka—nasayaat nga arina ken lana ken diro nga impakanko kenka+—pudno nga inkabilmo met iti sanguananda kas makabang-ar a sayamusom,+ ket nagtultuloy a mapasamak,’ kuna ti Soberano nga Apo Jehova.” 20  “‘Ket alaem ti annakmo a lallaki ken ti annakmo a babbai isuda nga impasngaymo kaniak,+ ket isakripisiom dagitoy kadakuada tapno maalun-on+—saan kadi nga umdasen dayta kadagiti aramidmo a panagbalangkantis? 21  Ket gudasem ti annakko,+ ket babaen ti panangipalasat kadakuada iti apuy itedmo dagitoy kadakuada.+ 22  Ket iti amin a nakarimrimon a bambanagmo ken ar-aramidmo a panagbalangkantis saanmo a linagip dagiti aldaw ti kinaagtutubom idi a lamolamo ken labuska; agkusaykusayka idi iti daram.+ 23  Iti kasta naaramid kalpasan ti isuamin a kinadakesmo (“asi pay, asika pay,”+ kuna ti Soberano nga Apo Jehova) 24  nga imbangonam ta bagim iti munturod ken inyaramidam ta bagim iti maysa a kangatuan iti tunggal publiko a plasa.+ 25  Iti tunggal pamunganayan ti dalan binangonmo ti kangatuam+ ket rinugiam a pagbalinen a nakarimrimon+ ti kinalibnosmo ken ikayangmo dagita sakam iti tunggal lumablabas+ ket paaduem dagiti aramidmo a panagbalangkantis.+ 26  Ket pinagbalangkantismo ta bagim iti annak ti Egipto,+ dagiti kaarrubam a dakkel ti lasagda,+ ket intultuloymo a pinaadu ti panagbalangkantismo tapno pagrurodennak. 27  Ket, adtoy! sigurado nga iyunnatkonto ti imak maibusor kenka+ ket kissayakto ti sustentom+ ket iyawatka iti tarigagay ti kararua+ dagiti babbai a manggurgura kenka,+ ti annak a babbai dagiti Filisteo,+ ti babbai a namulitan maigapu iti dalanmo maipapan iti nalulok a kababalin.+ 28  “‘Ket pinagbalangkantismo ta bagim iti annak ti Asiria agsipud ta awan pannakapnekmo,+ ket nagtultuloy a pinagbalangkantismo ta bagim kadakuada ket saanka pay a napnek. 29  Gapuna intultuloymo a pinaadu ti panagbalangkantismo iti daga ti Canaan,+ kadagiti Caldeo;+ ket uray pay iti daytoy saanka a napnek. 30  O anian ti pannakapunnok iti pungtot+ maibusor kenka,’ kuna ti Soberano nga Apo Jehova, ‘gapu iti panangaramidmo kadagitoy amin a banag, ti aramid ti maysa a babai,+ maysa a naturay a balangkantis!+ 31  Idi binangonmo ti munturodmo iti pamunganayan ti tunggal dalan ket inaramidmo ti bukodmo a kangatuan iti tunggal publiko a plasa, kaskasdi a nagbalinka a kasla saan a balangkantis iti panangab-abi iti tangdan. 32  No maipapan iti asawa a babai a makikamalala, mangala kadagiti ganggannaet imbes a ti bukodna nga asawa.+ 33  Kadagiti amin a balangkantis nayugalida ti mangted iti rangkap,+ ngem sika—intedmo dagiti rangkapmo kadagidiay amin a sidederrep a mangay-ayat kenka,+ ket mangitukonka kadakuada iti pasuksok tapno umayda kenka manipud iti intero nga aglikmut kadagiti aramidmo+ a panagbalangkantis. 34  Ket iti kasasaadmo maaramid ti kasungani a banag iti daydiay maaramid iti sabsabali a babbai kadagiti aramidmo a panagbalangkantis, ket awan ti naaramid a panagbalangkantis a kas iti estilom, uray iti panangtedmo iti tangdan idinto ta awan ti tangdan a naited kenka, ket iti kasta mapasamak dayta iti kasungani a pamay-an.’ 35  “Gapuna, O balangkantis,+ denggem ti sao ni Jehova.+ 36  Daytoy ti kinuna ti Soberano nga Apo Jehova, ‘Iti rason a ti kinaderrepmo naiparukpok+ ket nalukaisan ti pribado a paspasetmo+ kadagiti aramidmo a panagbalangkantis kadagidiay sidederrep a mangay-ayat kenka+ ken kadagidiay amin a nakarimrimon a makadurmen nga idolom,+ uray pay babaen iti dara ti annakmo nga intedmo kadakuada,+ 37  gapuna adtoy ummongek a sangsangkamaysa dagidiay amin a sidederrep a mangay-ayat kenka a kadakuada makaparagsakka ken dagidiay amin nga inayatmo agraman amin dagidiay ginuram, ket ummongekto ida a sangsangkamaysa maibusor kenka manipud iti intero nga aglikmut ket lukaisak kadakuada ti pribado a paspasetmo, ket makitadanto ti amin a pribado a paspasetmo.+ 38  “‘Ket ukomenkanto kadagiti pannakaukom dagiti mannakikamalala a babbai+ ken dagiti babbai nga agibukbukbok iti dara,+ ket itdekto kenka ti dara ti pungtot ken panagimon.+ 39  Ket iyawatkanto iti imada, ket sigurado a rebbaendanto ti munturodmo+ ket sigurado a marugponto dagiti kangatuam,+ ket uksobandakanto kadagiti kawesmo+ ket alaenda dagiti napintas nga aruatem+ ket panawandaka a lamolamo ken labus. 40  Ket mangisang-atdanto a maibusor kenka iti maysa a kongregasion+ ket uborendaka iti batbato+ ket gudasendaka babaen kadagiti kampilanda.+ 41  Ket puorandanto dagiti balaymo iti apuy+ ket ipakatda kenka dagiti aramid ti panangukom iti imatang ti adu a babbai;+ ket pasardengenkanto iti panagbalangkantismo,+ ken kasta met a saankanton a mangted iti tangdan. 42  Ket pasardengekto kenka ti pungtotko,+ ket ti panagimonko pumanawto kenka;+ ket agtalinaedakto a naulimek ken saanakton nga agrurod.’ 43  “‘Iti rason a saanmo a linagip dagiti aldaw ti kinaagtutubom+ ket riribukennak gapu kadagitoy amin a banag,+ ngarud itoy met, iti biangko, ikabilkonto ti bukodmo a dalan iti mismo nga ulom,’+ kuna ti Soberano nga Apo Jehova, ‘ket sigurado a saanmonto nga itultuloy ti aniaman a nalulok a kababalin a mairaman ti amin a nakarimrimon a bambanagmo. 44  “‘Adtoy! Tunggal maysa a mangus-usar iti proverbio+ maibusor kenka usarennanto ti proverbio, a kunana: “Kas iti ina kasta ti anakna a babai!”+ 45  Sika ti anak a babai ni inam,+ daydiay karurodna ti asawana+ ken ti annakna. Ket sika ti kabsat a babai ti kakabsatmo a babbai, a narurod iti assawada ken annakda. Ti inayo ket maysa a Heteo,+ ket ti amayo maysa nga Amoreo.’”+ 46  “‘Ket ti in-inauna a kabsatmo a babai isu ti Samaria+ a mismo agraman dagiti agpampannuray nga ilina,+ nga agnanaed iti makannigidmo, ket ti kabsatmo a babai nga ub-ubing ngem sika, nga agnanaed iti makannawanmo, isu ti Sodoma+ agraman dagiti agpampannuray nga ilina.+ 47  Ket saan nga iti daldalanda ti nagnaam, saanka met a nagaramid maitunos iti nakarimrimon a bambanagda.+ Iti apagbiit unay a kanito nangrugika pay a nagtignay nga ad-adda a makadadael iti amin a daldalanmo ngem iti inaramidda.+ 48  Kas sibibiagak,’ kuna ti Soberano nga Apo Jehova, ‘ti Sodoma a kabsatmo a babai, isu agraman dagiti agpampannuray nga ilina, saan a nagaramid maitunos iti inaramidmo, sika ken dagiti agpampannuray nga ilim.+ 49  Adtoy! Daytoy ti nagbalin a biddut ti Sodoma a kabsatmo a babai: Panagpannakkel,+ kinawadwad ti tinapay+ ken ti kinaawan pannakaseknan+ iti panagtalinaed a di masingsinga isu ti adda idi kenkuana ken kadagiti agpampannuray nga ilina,+ ket ti ima daydiay naparigatan+ ken daydiay napanglaw saanna a pinapigsa.+ 50  Ket nagtultuloyda nga agtangsit+ ken agaramid iti nakarimrimon a banag iti sanguanak,+ ket iti kamaudiananna inikkatko ida, kas nakitak a mayanatup.+ 51  “‘Ket no maipapan iti Samaria,+ saan a nagbasol uray kagudua laeng dagiti basolmo, ngem intultuloymo a pinaadu ti nakarimrimon a bambanagmo nga ad-adda ngem iti inaramidda, iti kasta pinagparangmo a nalinteg ti kakabsatmo a babbai gapu iti amin a nakarimrimon a bambanagmo nga inaramidmo.+ 52  Sika met, awitem ti pannakaipababam no makirikiarkanto a pabor iti kakabsatmo a babbai. Gapu iti basbasolmo a kadagita nagtignayka nga ad-adda a nakarimrimon ngem iti inaramidda, nalinlintegda ngem sika.+ Ket sika met, mabainanka ket awitem ti pannakaipababam gapu ta pagparangem a nalinteg ti kakabsatmo a babbai.’ 53  “‘Ket ummongekto dagidiay kautibo kadakuada,+ dagidiay kautibo iti Sodoma ken kadagiti agpampannuray nga ilina, ken dagiti kautibo iti Samaria ken kadagiti agpampannuray nga ilina; ummongekto met dagidiay kautibo kenka iti tengngada,+ 54  tapno iti kasta awitem ti pannakaipababam;+ ket masapul a mariknam ti pannakaipababa gapu iti isuamin nga inaramidmo, ta liniwliwam ida.+ 55  Ket ti bukodmo a kakabsat a babbai, ti Sodoma ken dagiti agpampannuray nga ilina, agsublidanto iti immuna a kasasaadda, ket ti Samaria ken dagiti agpampannuray nga ilina agsublidanto iti immuna a kasasaadda, ket sika ken dagiti bukodmo nga agpampannuray nga ili agsublikayto iti immuna a kasasaadyo.+ 56  Ket ti Sodoma a kabsatmo a babai saan idi a pulos maikari a mangngeg ita ngiwatmo iti aldaw ti panagpannakkelmo,+ 57  sakbay a nailatak ti bukodmo a kinadakes,+ kas idi tiempo ti panangumsi ti annak a babbai ti Siria+ ken ti isuamin a nanglikmut kenkuana, ti annak a babbai dagiti Filisteo,+ dagidiay mangtartrato kenka buyogen ti pananglais iti amin a sikigan.+ 58  Ti nalulok a kababalinmo+ ken ti nakarimrimon a bambanagmo, sika masapul nga awitem ida,’+ kuna ni Jehova.” 59  “Ta daytoy ti kinuna ti Soberano nga Apo Jehova, ‘Masapul met nga aramidek kenka kas iti inaramidmo,+ agsipud ta inumsim ti sapata iti panangrakrakmo iti tulagko.+ 60  Ket siak, siak a mismo, masapul a lagipek ti tulagko kenka kadagiti aldaw ti kinaagtutubom,+ ket masapul nga ipasdekanka iti di nakedngan ti kapautna a tulag.+ 61  Ket sigurado a malagipmonto ti daldalanmo+ ket mariknam ti pannakaipababa inton awatem ti kakabsatmo a babbai, dagidiay in-inauna ngem sika kasta met dagidiay ub-ubing ngem sika, ket sigurado nga itedkonto ida kenka kas annak a babbai,+ ngem saan a gapu iti tulagmo.’+ 62  “‘Ket siak, siak, ipasdekkonto ti tulagko kenka;+ ket kasapulanto a maammuam a siak ni Jehova, 63  tapno malagipmo ket pudno a mabainanka+ ket saankanton a maaddaan iti aniaman a rason a manglukat ita ngiwatmo+ gapu iti pannakaipababam, inton iyaramidanka iti panangabbong+ maipaay iti isuamin nga inaramidmo,’ kuna ti Soberano nga Apo Jehova.”

Footnotes