Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 15:1-8

15  Ket ti sao ni Jehova nagtultuloy a dumteng kaniak, a kunkunana:  “Anak ti tao, iti ania a wagas a ti kayo nga ubas+ naidumduma iti tunggal sabali a kayo, ti saringit, nga adda iti tengnga dagiti kayo ti bakir?  Adda kadi assiw a pagtrabaho a maala iti dayta? Wenno manipud iti dayta mangala kadi dagiti tattao iti pasok a pangibitinan iti aniaman a kita ti aruaten?  Adtoy! Iti apuy ti masapul a pakaikabilanna a maipaay a pagsungrod.+ Ti agsumbangir a pungtona sigurado nga alun-onen ti apuy, ket ti mismo a tengngana makset.+ Maitutop kadi dayta iti aniaman a trabaho?  Adtoy! No saan pay a naan-ano, saan a mausar iti aniaman a trabaho. Anian nga ad-adda pay a kasta, no inalun-on ti mismo nga apuy ket makset, a pudno a saanen a mausar iti aniaman a kanayonan a trabaho!”+  “Gapuna daytoy ti kinuna ti Soberano nga Apo Jehova, ‘Kas iti kayo nga ubas iti tengnga dagiti kayo ti bakir, nga inyawatko iti apuy kas sungrod, kasta ti panangyawatko kadagiti agnanaed iti Jerusalem.+  Ket inturongko ti rupak maibusor kadakuada.+ Manipud iti apuy rimmuarda, ngem ti met laeng apuy alun-onennanto ida.+ Ket kasapulanto a maammuanyo a siak ni Jehova, inton iturongko ti rupak maibusor kadakuada.’”+  “‘Ket ti daga pagbalinekto a langalang a rebbek,+ iti rason a nagtignayda a di simamatalek,’+ kuna ti Soberano nga Apo Jehova.”

Footnotes