Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ezequiel 12:1-28

12  Ket ti sao ni Jehova nagtultuloy a dumteng kaniak, a kunkunana:  “Anak ti tao, iti tengnga ti rebelioso a balay+ isu ti pagnanaedam, nga addaanda kadagiti mata a pagkita ngem pudno a saanda a makakita,+ nga addaan kadagiti lapayag a pagdengngeg ngem pudno a saanda a makangngeg,+ ta rebeliosoda a balay.+  No maipapan kenka, O anak ti tao, isaganaam ta bagim iti gargaret iti pannakaidestiero ket iti imatangda mapanka iti pannakaidestiero iti aldaw, ket iti imatangda masapul a mapanka iti pannakaidestiero manipud iti dissom a mapan iti sabali a lugar. Bareng makitadanto, nupay rebeliosoda a balay.+  Ket iti imatangda masapul nga iruarmo ti gargaretmo a kas iti gargaret iti pannakaidestiero iti aldaw, ket sika rummuarkanto iti rabii iti imatangda kas kadagidiay mairuruar iti pannakaidestiero.+  “Iti imatangda, mangbutbotka iti dalanmo iti pader, ket masapul nga agiruarka iti dayta.+  Iti imatangda agibaklaykanto. Bayat ti kinasipnget agiruarkanto. Abbongamto ti mismo a rupam tapno saanmo a makita ti daga, agsipud ta inaramidka a tanda+ iti balay ti Israel.”+  Ket inaramidko kas iti wagas a naibilin kaniak.+ Inruarko ti gargaretko, kas iti gargaret iti pannakaidestiero, iti aldaw; ket iti rabii nangbutbotak iti dalanko iti pader babaen iti ima. Bayat ti kinasipnget nagiruarak. Iti abagak nagibaklayak, iti imatangda.  Ket ti sao ni Jehova nagtultuloy a dumteng kaniak iti bigat, a kunkunana:  “Anak ti tao, saan kadi a dagidiay kameng ti balay ti Israel, ti rebelioso a balay,+ kinunada kenka, ‘Ania ti ar-aramidem?’ 10  Kunaem kadakuada, ‘Daytoy ti kinuna ti Soberano nga Apo Jehova: “No maipapan iti panguluen,+ adda daytoy a pammakdaar maibusor iti Jerusalem ken iti isuamin a balay ti Israel nga adda iti tengngada.”’ 11  “Kunaem, ‘Maysaak a tanda+ maipaay kadakayo. Kas iti inaramidko, kasta ti maaramidto kadakuada. Iti pannakaidestiero, iti pannakakautibo mapandanto.+ 12  Ket no maipapan iti panguluen nga adda iti tengngada, iti abaga agibaklayto iti kinasipnget ket rummuar; iti pader mangbutbotdanto tapno agiyegdanto iti dayta.+ Abbongannanto ti rupana tapno saanna a makita ti daga iti bukodna a mata.’ 13  Ket sigurado nga iwayatkonto kenkuana ti iketko, ket matiliwto iti iketko a paganup;+ ket isu iyegkonto iti Babilonia, iti daga dagiti Caldeo,+ ngem saannanto a makita dayta; ket matayto sadiay.+ 14  Ket amin nga adda iti aglikmutna a kas saranay, ken amin dagiti bunggoy ti militarna, iwarawarakto iti tunggal angin;+ ket asutekto ti maysa a kampilan a sumaruno kadakuada.+ 15  Ket kasapulanto a maammuanda a siak ni Jehova inton iwarawarak ida kadagiti nasion ket pudno a pagwarawaraek ida iti dagdaga.+ 16  Ket mangibatiakto iti matda kadakuada a sumagmamano a lallaki manipud iti kampilan,+ manipud iti nakaro a bisin ken manipud iti angol, tapno iti kasta maisaritada ti amin a nakarimrimon+ a bambanagda iti tengnga dagiti nasion a masapul a serkanda;+ ket kasapulanto a maammuanda a siak ni Jehova.” 17  Ket ti sao ni Jehova nagtultuloy a dumteng kaniak, a kunkunana: 18  “Anak ti tao, buyogen ti panagpigerger kanem ti tinapaymo, ket buyogen ti panaglagaw ken buyogen ti panagdanag inumem ti danummo.+ 19  Ket masapul a kunaem kadagiti umili ti daga, ‘Daytoy ti kinuna ti Soberano nga Apo Jehova kadagiti agnanaed iti Jerusalem iti daga ti Israel:+ “Buyogen ti panagdanag kanendanto ti tinapayda, ket buyogen ti aligagaw inumendanto ti danumda, tapno iti kasta ti dagana mapaglangalang nga intero dayta+ gapu iti kinaranggas dagidiay amin nga agnanaed kenkuana.+ 20  Ket dagiti met laeng mapagnaedan a siudad mapagwalangwalangto,+ ket ti met laeng daga agbalinto a langalang a rebbek laeng;+ ket kasapulanto a maammuanyo a siak ni Jehova.”’”+ 21  Ket ti sao ni Jehova dimteng pay kaniak, a kunkunana: 22  “Anak ti tao, ania daytoy a pagkukuna a proverbio nga adda kadakayo iti daga ti Israel,+ a kunana, ‘Nayatiddog dagiti aldaw,+ ket tunggal sirmata nadadael’?+ 23  Gapuna kunaem kadakuada, ‘Daytoy ti kinuna ti Soberano nga Apo Jehova: “Sigurado a pasardengekto daytoy a pagkukuna a proverbio, ket saandanton a sawen kas proverbio iti Israel.”’+ Ngem sawem kadakuada, ‘Immasidegen dagiti aldaw,+ ken ti maipapan iti tunggal sirmata.’ 24  Ta awanton ti aniaman nga awanan pateg a sirmata+ wenno uray dua ti rupana a panagpadles iti tengnga ti balay ti Israel.+ 25  ‘“Ta siak, ni Jehova, sawek no ania a sao ti sawek, ket maaramidto.+ Awanton a pulos ti panangitantan,+ ta kadagiti aldawyo,+ O rebelioso a balay, mangisaoakto iti sao ket sigurado nga aramidek,” kuna ti Soberano nga Apo Jehova.’” 26  Ket ti sao ni Jehova nagtultuloy a dumteng kaniak, a kunkunana: 27  “Anak ti tao, adtoy! dagiti kameng ti balay ti Israel kunkunada, ‘Ti sirmata a masirsirmatana adu nga aldaw pay ti kaadayona, ket isu agipadpadto maipapan kadagiti adayo pay a tiempo.’+ 28  Gapuna kunaem kadakuada, ‘Daytoy ti kinuna ti Soberano nga Apo Jehova: “‘Awanton a pulos ti panangitantan no maipapan iti aniaman a sasaok.+ No ania ti sao a sawek, maaramidto a mismo dayta,’+ kuna ti Soberano nga Apo Jehova.”’”+

Footnotes