Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 8:1-32

8  Kalpasanna ni Jehova kinunana ken Moises: “Mapanka ken Faraon, ket masapul a kunaem kenkuana, ‘Daytoy ti kinuna ni Jehova: “Palubosam ti ilik tapno makapagserbida kaniak.+  Ket no agtultuloyka nga agkitakit a mamalubos kadakuada, adtoy saplitek kadagiti tukak ti isuamin a teritoriam.+  Ket ti Karayan Nilo pudno a mapusekto kadagiti tukak, ket sigurado a sumang-atdanto ket sumrekdanto iti balaymo ken makin-uneg a siled a pagturogam ken iti rabaw ti sopam ken kadagiti balay ti ad-adipenmo ken kadagiti tattaom ken kadagiti urnom ken kadagiti paggamayam.+  Ket dagiti tukak kumalay-atdanto kenka ken kadagiti tattaom ken kadagiti amin nga adipenmo.”’”+  Iti kalpasanna ni Jehova kinunana ken Moises: “Kunaem ken Aaron, ‘Iyunnatmo ta imam agraman ti sarukodmo+ iti rabaw dagiti karayan, dagiti kanal ti Nilo ken dagiti naruno a ban-aw ket pasang-atem dagiti tukak iti rabaw ti daga ti Egipto.’”  Iti kasta inyunnat ni Aaron ti imana iti rabaw ti dandanum ti Egipto, ket dagiti tukak nangrugida a sumang-at ken mangabbong iti daga ti Egipto.  Nupay kasta, inaramid dagiti managsalamangka a papadi ti isu met laeng a banag babaen kadagiti nalimed nga arteda ket pinasang-atda dagiti tukak iti daga ti Egipto.+  Idi agangay inayaban ni Faraon da Moises ken Aaron ket kinunana: “Agpakaasikayo ken Jehova+ tapno ikkatenna koma kaniak dagiti tukak ken kadagiti tattaok, yantangay kayatko a palubosan dagiti umili tapno makapagsakripisioda ken Jehova.”+  Idin ni Moises kinunana ken Faraon: “Gundawaymo a sawen no kaano nga agpakaasiakto maipaay kenka ken kadagiti adipenmo ken kadagiti tattaom tapno dagiti tukak mapukaw kenka ken kadagiti balaymo. Idiay laeng Karayan Nilo ti pagbatiandanto.” 10  Iti daytoy kinunana: “Inton bigat.” Gapuna kinunana: “Maaramidto maitunos iti saom, tapno iti kasta maammuam koma nga awanen ti sabali pay a kas ken Jehova a Diosmi,+ 11  a dagiti tukak sigurado a pumanawdanto kenka ken kadagiti balaymo ken kadagiti adipenmo ken kadagiti tattaom. Idiay laeng Karayan Nilo ti pagbatiandanto.”+ 12  Iti kasta rimmuar da Moises ken Aaron manipud ken Faraon, ket ni Moises imkis ken Jehova+ gapu kadagiti tukak nga Isu inyegna ken Faraon. 13  Idin inaramid ni Jehova ti maitunos iti sao ni Moises,+ ket dagiti tukak nangrugida a matay kadagiti balay, kadagiti paraangan ken kadagiti tay-ak. 14  Ket inggabgabsuonda ida, a nabuntobunton, ket nangrugi a bumangsit ti daga.+ 15  Idi nakita ni Faraon a napasamak ti pannakapagin-awa, pinagbalinna ti pusona nga awanan panagtignay;+ ket saan nga immimdeng kadakuada, kas iti sinao ni Jehova.+ 16  Ni Jehova kinunana ita ken Moises: “Kunaem ken Aaron, ‘Iyunnatmo ti sarukodmo+ ket kabilem ti tapok ti daga, ket agbalinto a sepsep iti intero a daga ti Egipto.’” 17  Ket inaramidda daytoy. Gapuna inyunnat ni Aaron ti imana agraman ti sarukodna ket kinabilna ti tapok ti daga, ket dagiti sepsep naaddada iti tao ken animal. Isuamin a tapok ti daga nagbalin a sepsep iti intero a daga ti Egipto.+ 18  Ket dagiti managsalamangka a papadi pinadasda nga aramiden ti kasta met laeng babaen kadagiti nalimed nga arteda,+ tapno mangpataudda kadagiti sepsep, ngem saanda a nabalinan.+ Ket dagiti sepsep naaddada iti tao ken animal. 19  Gapuna dagiti managsalamangka a papadi kinunada ken Faraon: “Ramay+ ti Dios dayta!”+ Ngem nagtalinaed a nasubeg ti puso ni Faraon,+ ket saan nga immimdeng kadakuada, kas iti sinao ni Jehova. 20  Kalpasanna ni Jehova kinunana ken Moises: “Bumangonka a nasapa iti bigat ket agsaadka iti sango ni Faraon.+ Adtoy! Isu mapan iti danum! Ket masapul a kunaem kenkuana, ‘Daytoy ti kinuna ni Jehova: “Palubosam ti ilik tapno makapagserbida kaniak.+ 21  Ngem no saanmo a palubosan ti ilik, adtoy ibaonko kenka ken kadagiti adipenmo ken kadagiti tattaom ken kadagiti balaymo ti bingraw;+ ket dagiti balay ti Egipto sigurado a mapnonto iti bingraw, ken kasta met ti daga nga ayanda. 22  Ket iti dayta nga aldaw sigurado a pagbalinekto a naiduma ti daga ti Gosen a pagtaktakderan ti ilik, nga awan ti bingraw sadiay;+ tapno maammuam koma a siak ni Jehova iti tengnga ti daga.+ 23  Ket pudno a mangipasdekakto iti pagsinaan iti nagbaetan ti ilik ken ti ilim.+ Inton bigat maaramidto daytoy a pagilasinan.”’” 24  Ket inaramid ni Jehova ti kasta; ket ti napuskol a pangpangen dagiti bingraw rinugianda a serreken ti balay ni Faraon ken ti balbalay dagiti adipenna ken ti intero a daga ti Egipto.+ Nadadael ti daga kas imbunga dagiti bingraw.+ 25  Kamaudiananna inayaban ni Faraon da Moises ken Aaron ket kinunana: “Mapankayo, agisakripisiokayo iti Diosyo iti daga.”+ 26  Ngem kinuna ni Moises: “Saan a maipalubos a maaramid ti kasta, agsipud ta isakripisiomi ken Jehova a Diosmi ti maysa a banag a nakarimrimon kadagiti Egipcio.+ Kas pagarigan isakripisiomi ti maysa a banag a nakarimrimon kadagiti Egipcio iti imatangda; saandakami ngata nga uboren? 27  Mapankamto iti panagbaniaga a tallo nga aldaw nga agturong iti let-ang ket sigurado nga agisakripisiokamto ken Jehova a Diosmi kas iti sinaona kadakami.”+ 28  Kinuna ita ni Faraon: “Siak—siak palubosankayto,+ ket pudno nga agisakripisiokayto ken Jehova a Diosyo idiay let-ang.+ Isuna laeng ta dikay umad-adayo unay. Agpakaasikayo maigapu kaniak.”+ 29  Idin kinuna ni Moises: “Adtoy panawanka, ket pudno nga agpakaasiakto ken Jehova, ket dagiti bingraw sigurado a pumanawdanto ken Faraon, kadagiti adipenna ken kadagiti tattaona inton bigat. Isuna laeng ta saan koma a mangang-angaw manen ni Faraon iti saanna a panangpalubos kadagiti umili tapno agisakripisio ken Jehova.”+ 30  Kalpasan dayta rimmuar ni Moises manipud ken Faraon ket nagpakaasi ken Jehova.+ 31  Gapuna inaramid ni Jehova ti maitunos iti sao ni Moises,+ ket dagiti bingraw pimmanawda ken Faraon, kadagiti adipenna ken kadagiti tattaona.+ Awan maysa a nabati. 32  Nupay kasta, pinagbalin ni Faraon ti pusona nga awanan panagtignay iti daytoy met a tiempo ket saanna a pinalubosan dagiti umili.+

Footnotes