Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 6:1-30

6  Gapuna ni Jehova kinunana ken Moises: “Ita makitam no anianto ti aramidek ken Faraon,+ ta maigapu iti napigsa nga ima palubosannanto ida ken maigapu iti napigsa nga ima pagtalawennanto ida iti dagana.”+  Ket ti Dios intultuloyna ti agsao ken Moises ket kinunana kenkuana: “Siak ni Jehova.+  Ket nagparparangak kada Abraham,+ Isaac+ ken Jacob+ kas Dios a Mannakabalin-amin,+ ngem no maipapan iti naganko a Jehova+ saanko nga impakaammo ti bagik+ kadakuada.  Ket impasdekko met ti tulagko kadakuada nga itedko kadakuada ti daga ti Canaan, ti daga a pagnanaedanda kas ganggannaet a nagtaenganda kas ganggannaet.+  Ket siak, mismo a siak, nangngegko ti panagasug ti annak ti Israel,+ nga ad-adipenen dagiti Egipcio, ket malagipko ti tulagko.+  “Ngarud kunaem iti annak ti Israel, ‘Siak ni Jehova, ket sigurado nga iruarkayto manipud sidong dagiti pammadagsen dagiti Egipcio ken ispalenkayo iti panangadipenda,+ ket pudno a bawyenkayto babaen ti siuunnat a takiag ken babaen kadagiti dadakkel a panangukom.+  Ket sigurado nga alaenkayto maipaay kaniak kas maysa nga ili,+ ket pudno nga agbalinakto a Dios kadakayo;+ ket sigurado a maammuanyonto a siak ni Jehova a Diosyo a mangiruar kadakayo manipud sidong dagiti pammadagsen ti Egipto.+  Ket sigurado nga iyegkayto iti daga a nangitag-ayak ti imak iti panagsapata+ nga ited kada Abraham, Isaac ken Jacob; ket pudno nga itedkonto kadakayo kas maysa a banag a tagikuaen.+ Siak ni Jehova.’”+  Kalpasanna ni Moises nagsao iti daytoy a panggep iti annak ti Israel, ngem saanda nga immimdeng ken Moises gapu iti pannakaupay ken iti narigat a pannakaadipen.+ 10  Kalpasanna ni Jehova nagsao ken Moises, a kunkunana: 11  “Sumrekka, agsaoka ken Faraon, ari ti Egipto,+ a rebbeng a palubosanna ti annak ti Israel manipud iti dagana.”+ 12  Nupay kasta, nagsao ni Moises iti sanguanan ni Jehova, a kunkunana: “Adtoy! Ti annak ti Israel saanda nga immimdeng kaniak;+ ket kasano koma nga umimdengto kaniak ni Faraon,+ idinto ta saan a nakugit dagiti bibigko?”+ 13  Ngem intuloy ni Jehova ti agsao kada Moises ken Aaron ken iruar ti bilin babaen kadakuada iti annak ti Israel ken ni Faraon, ari ti Egipto, tapno iruarda ti annak ti Israel manipud daga ti Egipto.+ 14  Dagitoy dagiti pannakaulo ti balay ti ammada: Ti annak ni Ruben, inauna ni Israel,+ isu da Hanoc ken Pallu, Hezron ken Carmi.+ Dagitoy ti pampamilia ni Ruben.+ 15  Ket ti annak ni Simeon isu da Jemuel ken Jamin ken Ohad ken Jaquin ken Zohar ken Shaul nga anak ti maysa a babai a Canaanita.+ Dagitoy ti pampamilia ni Simeon.+ 16  Ket dagitoy ti nagnagan ti annak ni Levi,+ sigun kadagiti kapuonan ti pamiliada:+ Gerson ken Cohat ken Merari.+ Ket dagiti tawen ti panagbiag ni Levi sangagasut tallopulo ket pito a tawen. 17  Ti annak ni Gerson isu da Libni ken Simei,+ sigun iti pampamiliada.+ 18  Ket ti annak ni Cohat isu da Amram ken Izar ken Hebron ken Uzziel.+ Ket dagiti tawen ti panagbiag ni Cohat sangagasut tallopulo ket tallo a tawen. 19  Ket ti annak ni Merari isu da Mali ken Musi.+ Dagitoy ti pampamilia dagiti Levita, sigun kadagiti kapuonan ti pamiliada.+ 20  Ita ni Amram innalana ni Jocabed a kabsat a babai ni amana kas asawana.+ Idi agangay impasngayna kenkuana da Aaron ken Moises.+ Ket dagiti tawen ti panagbiag ni Amram sangagasut tallopulo ket pito a tawen. 21  Ket ti annak ni Izar isu da Kore+ ken Nefeg ken Zicri. 22  Ket ti annak ni Uzziel isu da Misael ken Elzafan ken Sitri.+ 23  Ita ni Aaron innalana ni Eliseba, anak a babai ni Aminadab, ti kabsat a babai ni Naason,+ kas asawana. Idi agangay impasngayna kenkuana da Nadab ken Abihu, Eleazar ken Itamar.+ 24  Ket ti annak ni Kore isu da Asir ken Elcana ken Abiasaf.+ Dagitoy ti pampamilia dagiti Korita.+ 25  Ket ni Eleazar, anak ni Aaron,+ innalana maipaay iti bagina ti maysa iti annak a babbai ni Putiel kas asawana. Idi agangay impasngayna kenkuana ni Finehas.+ Dagitoy dagiti pannakaulo ti amma dagiti Levita, sigun iti pampamiliada.+ 26  Daytoy ti Aaron ken Moises a nagkunaan ni Jehova:+ “Iruaryo ti annak ti Israel manipud daga ti Egipto sigun iti buybuyotda.”+ 27  Isuda ti nagsao ken Faraon, ari ti Egipto, tapno iruarda ti annak ti Israel manipud Egipto.+ Daytoy ti Moises ken Aaron. 28  Ket naaramid iti aldaw a ni Jehova nagsao ken Moises idiay daga ti Egipto,+ 29  a ni Jehova nagsao ken Moises, a kunkunana: “Siak ni Jehova.+ Sawem ken Faraon nga ari ti Egipto ti isuamin a sasawek kenka.” 30  Idin kinuna ni Moises iti sanguanan ni Jehova: “Adtoy! Saan a nakugit dagiti bibigko, gapuna kasano koma nga umimdengto kaniak ni Faraon?”+

Footnotes