Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 5:1-23

5  Ket kalpasanna simrek da Moises ken Aaron ket kinunada ken Faraon:+ “Daytoy ti kinuna ni Jehova a Dios ti Israel, ‘Palubosam ti ilik tapno mangrambakda iti maysa a piesta kaniak idiay let-ang.’”+  Ngem kinuna ni Faraon: “Siasino ni Jehova,+ tapno pagtulnogak ti timekna a palubosak ti Israel?+ Diak a pulos am-ammo ni Jehova+ ken, maysa pay, saankonto a palubosan ti Israel.”+  Nupay kasta, kinunada: “Ti Dios dagiti Hebreo nakisao kadakami.+ Kayatmi ti mapan, pangngaasim, iti maysa a panagbaniaga a tallo nga aldaw nga agturong iti let-ang ket agisakripisiokami ken Jehova a Diosmi;+ ta no saan saplitennakami iti angol wenno iti kampilan.”+  Iti daytoy kinuna kadakuada ti ari ti Egipto: “Apay aya, Moises ken Aaron, a pasardengenyo dagiti umili kadagiti trabahoda?+ Inkay baklayen dagiti awityo!”+  Ket intuloy ni Faraon: “Adtoy! Dagiti umili iti daga adudan,+ ket pudno a pagsardengenyo ida iti panangibaklayda kadagiti awit.”+  Dagus iti dayta nga aldaw binilin ni Faraon dagidiay mangdagdagdag kadagiti umili nga agtrabaho ken dagiti opisialda,+ a kunkunana:  “Dikay agurnong iti garami nga itedyo kadagiti umili a pagaramid kadagiti ladrilio+ kas iti sigud. Bay-anyo nga isuda a mismo ti mapan ket iyurnonganda ti bagbagida iti garami.  Mainayon pay, ti makalikaguman a kaadu dagiti ladrilio a sigud nga ar-aramidenda, kaskasdi nga ipaannurotyo kadakuada. Dikay ik-ikkatan ida, gapu ta agpalpallailangda.+ Dayta ti makagapu nga um-umkisda, a kunkunada, ‘Kayatmi ti mapan, kayatmi ti agisakripisio iti Diosmi!’+  Maidagdagsen ti panagserbi dagiti lallaki ket agtrabahoda iti dayta, ket saanda nga ipangag ti ulbod a sasao.”+ 10  Gapuna rimmuar dagidiay mangdagdagdag kadagiti umili nga agtrabaho+ ken dagiti opisialda ket kinunada kadagiti umili: “Kastoy ti kinuna ni Faraon, ‘Saankayon nga ikkan iti garami. 11  Dakayo a mismo ti mapan, iyalaanyo ti bagbagiyo iti garami sadinoman a pakasarakanyo, agsipud ta awan ti maikkat kadagiti panagserbiyo uray sangkabassit.’”+ 12  Iti kasta nagwawaras dagiti umili iti intero a daga ti Egipto tapno agurnongda iti naggapasan nga agpaay a garami. 13  Ket dinagdagadag ida dagidiay mangdagdagdag kadakuada nga agtrabaho,+ a kunkunada: “Leppasenyo dagiti trabahoyo, tunggal maysa ti trabahona, iti inaldaw-aldaw, kas idi adda pay garami.”+ 14  Iti kalpasanna dagiti opisial+ ti annak ti Israel, nga insaad kadakuada dagiti mamangulo-iti-annong ni Faraon, nakabkabilda,+ a kunkuna dagitoy: “Apay a dikay lineppas ti naibilin nga annongyo iti panagaramid kadagiti ladrilio+ kas iti sigud, agpadpada idi kalman ken ita nga aldaw?”+ 15  Iti kasta dagiti opisial+ ti annak ti Israel simrekda ket nangrugida nga umkis ken Faraon, a kunkunada: “Apay a kastoy ti pannakilangenmo kadagiti adipenmo? 16  Awan naited a garami kadagiti adipenmo ket kaskasdi a kunkunada kadakami, ‘Agaramidkayo kadagiti ladrilio!’ ket adtoy makabkabil dagiti adipenmo, idinto ta dagiti mismo a tattaom ti nagbiddut.”+ 17  Ngem kinunana: “Agpalpallailangkayo, agpalpallailangkayo!+ Dayta ti makagapu a kunkunayo, ‘Kayatmi ti mapan, kayatmi ti agisakripisio ken Jehova.’+ 18  Ket ita mapankayo, agserbikayo! Nupay awan ti garami a maitedto kadakayo, kaskasdi itedyonto ti naikeddeng a kaadu dagiti ladrilio.”+ 19  Idin dagiti opisial ti annak ti Israel nakitada a dakes ti sasaadenda a mismo iti pagkukuna:+ “Dikay kissayan dagiti ladrilioyo iti uray sangkabassit iti inaldaw nga aramiden ti asinoman.”+ 20  Kalpasan dayta nasabetda da Moises ken Aaron,+ a sitatakder idi sadiay a sumabet kadakuada apaman a rimmuarda manipud ken Faraon. 21  Madagdagus a kinunada kadakuada: “Ni Jehova kitaennakayo koma ket mangukom,+ yantangay pinagbalindakami a makapasugkar ti angotna+ iti sanguanan ni Faraon ken iti sanguanan dagiti adipenna iti kasta mangikabilkayo iti kampilan iti imada tapno papatayendakami.”+ 22  Idin ni Moises nagturong ken Jehova+ ket kinunana: “Jehova, apay a nangipagtengka iti dakes itoy nga ili?+ Apay nga imbaonnak?+ 23  Ta nanipud iti tiempo a simrekak iti sanguanan ni Faraon tapno agsaoak iti naganmo,+ isu nagaramid iti dakes itoy nga ili,+ ket saanmo a pulos inispal ti ilim.”+

Footnotes