Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 40:1-38

40  Kalpasanna ni Jehova nagsao ken Moises, a kunkunana:  “Iti aldaw ti umuna a bulan,+ iti umuna ti bulan, ipasdekmo ti tabernakulo ti tolda ti gimong.+  Ket masapul nga ikabilmo iti dayta ti lakasa ti pammaneknek+ ket serraam ti sungadan ti Lakasa babaen ti kortina.+  Ket masapul nga iserrekmo ti lamisaan+ ket isimpam ti pannakaurnosna, ket masapul nga iserrekmo ti pagsaadan ti silaw+ ket gangtam dagiti pagsilawanna.+  Ket masapul nga ikabilmo ti nabalitokan nga altar maipaay iti insienso+ iti sanguanan ti lakasa ti pammaneknek ket isaadmo ti tabing ti pagserkan maipaay iti tabernakulo.+  “Ket masapul nga ikabilmo ti altar+ ti daton a mapuoran iti sanguanan ti pagserkan ti tabernakulo ti tolda ti gimong,  ket masapul nga ikabilmo ti palanggana iti nagbaetan ti tolda ti gimong ken ti altar ket mangikabilka ti danum iti dayta.+  Ket masapul nga isaadmo ti paraangan+ iti aglikmut ket ikabilmo ti tabing+ ti ruangan ti paraangan.  Ket masapul nga alaem ti pangpulot a lana+ ket sapsapuam ti tabernakulo ken isuamin nga adda iti dayta,+ ket masapul a santipikarem dayta ken amin dagiti aruatenna, ket iti kasta agbalinto a nasantuan a banag. 10  Ket masapul a sapsapuam ti altar ti daton a mapuoran ken amin dagiti aruatenna ket santipikarem ti altar,+ ket iti kasta agbalinto a maysa a kasasantuan nga altar.+ 11  Ket masapul a sapsapuam ti palanggana ken ti pagsaadanna ket santipikarem dayta. 12  “Kalpasanna masapul nga iyasidegmo ni Aaron ken ti annakna iti pagserkan ti tolda ti gimong ket bugguam ida iti danum.+ 13  Ket masapul a kawesam ni Aaron iti nasantuan a kawkawes+ ket pulotam+ ken santipikarem, ket iti kasta masapul nga agakem a kas padi kaniak. 14  Kalpasan dayta iyasidegmonto ti annakna ket masapul a kawesam ida kadagiti nagayad a pagan-anay.+ 15  Ket masapul a pulotam ida kas iti panangpulotmo ken amada,+ ket iti kasta masapul nga agakemda a kas papadi kaniak, ket ti pannakapulotda masapul nga agtultuloy nga agserbi maipaay kadakuada kas maysa a kinapadi agingga iti tiempo a di nakedngan bayat ti kapkaputotanda.”+ 16  Ket inaramid ni Moises ti maitunos iti isuamin nga imbilin kenkuana ni Jehova.+ Inaramidna ti kasta met laeng. 17  Iti kasta naaramid nga iti umuna a bulan, iti maikadua a tawen, idi umuna nga aldaw ti bulan, naipasdek ti tabernakulo.+ 18  Idi rinugian ni Moises nga ipasdek ti tabernakulo, indissona ti sulluop a batbatayna+ ken inkabilna dagiti baskag ti didingna+ ken inyusokna dagiti balunetna+ ken impasdekna dagiti adigina.+ 19  Kalpasanna inyukradna ti tolda+ iti rabaw ti tabernakulo ket inkabilna ti abbong+ ti tolda iti rabawna, kas iti imbilin ni Jehova ken Moises. 20  Kalpasan dayta innalana ti Pammaneknek+ ket inkabilna iti uneg ti Lakasa+ ket insaadna dagiti assiw+ iti Lakasa ket inkabilna ti kalub+ iti rabaw ti Lakasa.+ 21  Kalpasanna inserrekna ti Lakasa iti tabernakulo ket insaadna ti kortina+ ti tabing ket sinerraanna ti sungadan ti lakasa ti pammaneknek,+ kas iti imbilin ni Jehova ken Moises. 22  Sumaganad inkabilna ti lamisaan+ iti tolda ti gimong iti sikigan ti tabernakulo nga agpaamianan iti ruar ti kortina, 23  ket inurnosna ti intar ti tinapay+ iti rabaw dayta iti sanguanan ni Jehova, kas iti imbilin ni Jehova ken Moises. 24  Kalpasanna insaadna ti pagsaadan ti silaw+ iti tolda ti gimong iti sanguanan ti lamisaan, iti sikigan ti tabernakulo nga agpaabagatan. 25  Kalpasanna ginangatanna dagiti pagsilawan+ iti sanguanan ni Jehova, kas iti imbilin ni Jehova ken Moises. 26  Sumaganad nga insaadna ti nabalitokan nga altar+ iti tolda ti gimong iti sanguanan ti kortina, 27  tapno mapagasukna ti napabanglo nga insienso iti rabaw dayta,+ kas iti imbilin ni Jehova ken Moises. 28  Kamaudiananna insaadna ti tabing+ ti pagserkan ti tabernakulo. 29  Ket inkabilna ti altar+ ti daton a mapuoran iti pagserkan ti tabernakulo ti tolda ti gimong, tapno maidatonna ti daton a mapuoran+ ken ti daton a bukbukel iti rabaw dayta, kas iti imbilin ni Jehova ken Moises. 30  Kalpasanna inkabilna ti palanggana iti nagbaetan ti tolda ti gimong ken ti altar ket inikkanna iti danum a pagbuggo.+ 31  Ket da Moises ken Aaron ken ti annakna binugguanda dagiti imada ken dagiti sakada iti dayta. 32  No sumrekda idi iti tolda ti gimong ken no umasidegda idi iti altar agbuggoda,+ kas iti imbilin ni Jehova ken Moises. 33  Kamaudiananna impasdekna ti paraangan+ iti aglikmut ti tabernakulo ken ti altar ket inkabilna ti tabing ti ruangan ti paraangan.+ Gapuna nalpas ni Moises ti trabaho. 34  Ket rinugian ti ulep+ nga abbongan ti tolda ti gimong, ket ti dayag ni Jehova pinunnona ti tabernakulo. 35  Ket saan a nabaelan ni Moises ti sumrek iti tolda ti gimong, agsipud ta ti ulep+ nagtaeng iti rabaw dayta ket ti dayag ni Jehova pinunnona ti tabernakulo.+ 36  Ket no agpangato ti ulep manipud rabaw ti tabernakulo pumanaw ti annak ti Israel iti nagpakarsuanda bayat ti isuamin a panagsasaganad ti panagdaliasatda.+ 37  Nupay kasta, no saan nga agpangato ti ulep, ngarud saanda a pumanaw iti nagpakarsuanda agingga iti aldaw a panagpangatona.+ 38  Ta ti ulep ni Jehova adda idi iti rabaw ti tabernakulo iti aldaw, ket ti maysa nga apuy nagtalinaed iti rabaw dayta iti rabii iti imatang ti intero a balay ti Israel bayat ti isuamin a panagsasaganad ti panagdaliasatda.+

Footnotes