Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 4:1-31

4  Nupay kasta, kas sungbat kinuna ni Moises: “Ngem no kas pagarigan saandak a patien ket saanda nga umimdeng iti timekko,+ agsipud ta kunaenda, ‘Ni Jehova saan a nagparang kenka.’”  Idin kinuna kenkuana ni Jehova: “Ania dayta adda ita imam?” nga iti dayta kinunana: “Maysa a sarukod.”+  Sumaganad kinunana: “Ipuruakmo iti daga.” Gapuna impuruakna iti daga, ket nagbalin a serpiente;+ ket nangrugi nga adaywan ni Moises.  Ni Jehova kinunana ita ken Moises: “Iyunnatmo ta imam ket gammatam iti ipusna.” Gapuna inyunnatna ti imana ket ginammatanna, ket nagbalin a sarukod iti dakulapna.  “Tapno iti kasta,” kas panangadaw kenkuana, “patienda koma a ni Jehova a Dios dagidi ammada,+ ti Dios ni Abraham,+ ti Dios ni Isaac+ ken ti Dios ni Jacob,+ nagparang kenka.”+  Kalpasanna kinuna kenkuana ni Jehova iti naminsan pay: “Isuksokmo ta imam, pangngaasim, iti makinngato a kupin ti kawesmo.” Gapuna insuksokna ti imana iti makinngato a kupin ti kawesna. Idi inruarna, ay ket, adtoy ti imana nagkukutel a ti langana kasla niebe!+  Kalpasan dayta kinunana: “Isublim ta imam iti makinngato a kupin ti kawesmo.” Gapuna insublina ti imana iti makinngato a kupin ti kawesna. Idi inruarna manipud makinngato a kupin ti kawesna, ay ket, adtoy nagsubli kas iti dadduma a lasagna!+  “Ket mapasamakto a,” kas panangadaw kenkuana, “no saandakanto a patien ket saandanto nga umimdeng iti timek ti umuna a pagilasinan, ngarud sigurado a patiendanto ti timek ti maud-udi a pagilasinan.+  Kaskasdi, mapasamakto a, no saandanto a patien dagitoy mismo a dua a pagilasinan ket saandanto nga umimdeng iti timekmo,+ ngarud kasapulan a mangalakanto iti danum manipud Karayan Nilo ket ibuyatmo iti namaga a daga; ket ti danum nga alaemto iti Karayan Nilo sigurado nga agbalinto, wen, pudno nga agbalinto a dara iti namaga a daga.”+ 10  Ni Moises kinunana ita ken Jehova: “Dispensarennak, Jehova, ngem saanak a natalabit a pumapalawag, uray nanipud pay idi kalman wenno nanipud pay kasakbayan dayta wenno nanipud pay panagsaom iti adipenmo, ta naullayat ti ngiwatko ken naullayat ti dilak.”+ 11  Iti kasta kinuna kenkuana ni Jehova: “Siasino ti nangituding iti ngiwat maipaay iti tao wenno siasino ti mangituding iti umel wenno iti tuleng wenno iti nalawag-panagkitana wenno iti bulsek? Saan aya a siak, ni Jehova?+ 12  Gapuna ita mapanka, ket siak addaakto iti ngiwatmo ket isurokanto no ania ti rebbeng a sawem.”+ 13  Ngem kinunana: “Dispensarennak, Jehova, ngem agbaonka, pangngaasim, babaen ti ima daydiay ibaonmonto.” 14  Idin bimmara ti unget ni Jehova maibusor ken Moises ket kinunana: “Saan aya a kabsatmo ni Aaron a Levita?+ Ammok nga isu pudno a kabalinanna ti agsao. Ket, malaksid iti dayta, adtoy um-umayen a sumabet kenka. Inton makitanaka, sigurado nga agrag-onto iti pusona.+ 15  Ket masapul nga agsaoka kenkuana ket ikabilmo dagiti sao iti ngiwatna;+ ket siak addaakto iti ngiwatmo ken iti ngiwatna,+ ket isurokayto no ania ti aramidenyo.+ 16  Ket masapul nga isawannaka iti ili; ket mapasamakto nga agserbinto kenka a pannakangiwat,+ ket agserbikanto a kas Dios kenkuana.+ 17  Ket daytoy a sarukod itugotmonto ita imam tapno maaramidmo dagiti pagilasinan babaen iti dayta.”+ 18  Iti kasta napan ni Moises ket nagsubli ken Jetro a katuganganna-a-lalaki ket kinunana kenkuana:+ “Kayatko ti mapan, pangngaasim, ket agsubliak iti kakabsatko nga adda idiay Egipto tapno makitak no sibibiagda pay.”+ Gapuna ni Jetro kinunana ken Moises: “Mapanka a sitatalna.”+ 19  Kalpasan dayta ni Jehova kinunana ken Moises idiay Midian: “Mapanka, agsublika idiay Egipto, agsipud ta amin dagiti lallaki a mangan-anup idi iti kararuam nataydan.”+ 20  Idin innala ni Moises ti asawana ken ti annakna ket pinagsakayna ida iti maysa nga asno, ket nagsubli idiay daga ti Egipto. Mainayon pay, intugot ni Moises iti imana ti sarukod ti pudno a Dios.+ 21  Ket ni Jehova kinunana ken Moises: “Kalpasan a nakapankan ken nakasublikan idiay Egipto siguraduem a pudno nga aramidem amin dagiti milagro nga inkabilko iti imam iti sanguanan ni Faraon.+ No maipapan kaniak, bay-akto a sumubeg ti pusona;+ ket saannanto a palubosan ti ili.+ 22  Ket masapul a kunaem ken Faraon, ‘Daytoy ti kinuna ni Jehova: “Ti Israel ket anakko, ti inaunak.+ 23  Ket kunak kenka: Palubosam ti anakko tapno makapagserbi kaniak. Ngem no agkitakitka a mamalubos kenkuana, adtoy papatayek ti anakmo, ti inaunam.”’”+ 24  Ita naaramid iti dalan idiay disso a pagdagusan+ nga isu nasabet ni Jehova+ ket sinapsapulna ti pamay-an a panangpapatay kenkuana.+ 25  Kamaudiananna nangala ni Zipora+ iti maysa a pamulinawen ket gineppasna ti makinsango a kudil ti anakna+ ket insagidna dayta kadagiti sakana ket kinunana: “Agsipud ta maysaka a nobio iti dara kaniak.” 26  Gapu itoy isu binaybay-anna. Iti dayta a tiempo kinunana: “Maysa a nobio iti dara,” gapu iti pannakakugit. 27  Kalpasanna ni Jehova kinunana ken Aaron: “Mapanmo sabten ni Moises idiay let-ang.”+ Iti kasta napan ket sinabetna idiay bantay ti pudno a Dios+ ket isu inagkanna. 28  Ket ni Moises imbagana ken Aaron ti amin a sasao ni Jehova, a nangibaon kenkuana,+ ken amin dagiti pagilasinan nga imbilinna kenkuana nga aramiden.+ 29  Kalpasan dayta napan da Moises ken Aaron ket inummongda amin dagiti lallakay iti annak ti Israel.+ 30  Kalpasanna sinao amin ni Aaron ti sasao a sinao ni Jehova ken Moises,+ ket inaramidna dagiti pagilasinan+ iti imatang ti ili. 31  Gapu itoy namati ti ili.+ Idi nangngegda nga inturong ni Jehova ti asikasona+ iti annak ti Israel ken nakitana ti pannakaparigatda,+ idin nagrukobda ket inruknoyda ti bagbagida.+

Footnotes