Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Exodo 39:1-43

39  Ket manipud iti asul a sinulid ken delana a natinaan iti lumabaga a purpura ken cocus nga eskarlata a material+ nangaramidda kadagiti kawes+ a ginansilio a maipaay iti panagserbi iti nasantuan a disso.+ Gapuna inaramidda ti nasantuan a kawkawes+ a maipaay idi ken Aaron, kas iti imbilin ni Jehova ken Moises.  Iti kasta inaramidna ti efod+ a balitok, asul a sinulid ken delana a natinaan iti lumabaga a purpura ken cocus nga eskarlata a material ken napino a lienso a tinabid.  Kalpasanna nangpitpitda kadagiti plata a balitok a pinagbalinda a naingpis a pedpedaso, ket isu nangtabas kadagiti linabag tapno ibinggabinggasna kadagiti asul a sinulid ken iti delana a natinaan iti lumabaga a purpura ken iti cocus nga eskarlata a material ken iti napino a lienso, kas aramid ti bumuborda.+  Inyaramidanda kadagiti pedaso a pangabaga a naisilpo. Naisilpo dayta iti dua nga ungtona.  Ket ti barikes, nga adda iti dayta a pangigalut a siiirut, naaramid iti isu met laeng a material maitunos iti pannakaaramidna, a balitok, asul a sinulid, ken delana a natinaan iti lumabaga a purpura ken cocus nga eskarlata a material ken napino a lienso a tinabid,+ kas iti imbilin ni Jehova ken Moises.  Kalpasanna inaramidda ti onix+ a batbato a naitampok iti pagitampokan a balitok, nakitikitan babaen kadagiti kitikit ti maysa a selio maitunos kadagiti nagan ti annak ti Israel.+  Gapuna inkabilna ida iti rabaw dagiti pedaso a pangabaga ti efod kas pakalaglagipan+ a batbato maipaay iti annak ti Israel, kas iti imbilin ni Jehova ken Moises.  Kalpasanna inaramidna ti pektoral+ iti gapuanan ti bumuborda, kas iti pannakaaramid ti efod, manipud iti balitok, asul a sinulid ken delana a natinaan iti lumabaga a purpura ken cocus nga eskarlata a material ken napino a lienso a tinabid.+  Kuadrado idi dayta no mapagkupin. Inaramidda ti pektoral, no mapagkupin, a sangadangan ti kaatiddogna ken sangadangan ti kaakabana.+ 10  Kalpasanna pinunnoda dayta iti uppat nga intar ti batbato. Maysa nga intar ti rubi, topasio ken esmeralda ti umuna nga intar.+ 11  Ket ti maikadua+ nga intar turkesa, safiro+ ken jaspe.+ 12  Ket ti maikatlo+ nga intar bato a lesem, agata ken amatista. 13  Ket ti maikapat+ nga intar krisolito ken onix+ ken jade. Naitampokda idi kadagiti pagitampokan a balitok kadagiti panelselda. 14  Ket dagiti bato maitunosda kadagiti nagan ti annak ti Israel. Sangapulo ket duada maitunos kadagiti naganda, babaen kadagiti kitikit ti maysa a selio, tunggal maysa maitunos iti naganna maipaay iti sangapulo ket dua a tribu.+ 15  Ket iti rabaw ti pektoral nangaramidda iti tiniritir a kawkawar, iti aramid a tinali, a puro a balitok.+ 16  Kalpasanna nangaramidda iti dua a pagitampokan a balitok ken dua a singsing a balitok ket inkabilda ti dua a singsing iti rabaw ti dua nga ungto ti pektoral.+ 17  Kalpasan dayta inyusokda ti dua a tali a balitok iti dua a singsing kadagiti ungto ti pektoral.+ 18  Ket inyusokda ti dua a pungto ti dua a tali iti dua a pagitampokan. Kalpasanna inkabilda ida iti rabaw dagiti pedaso a pangabaga ti efod, iti sangona.+ 19  Sumaganad nangaramidda iti dua a singsing a balitok ket insaadda ida iti dua nga ungto ti pektoral iti pingirna nga adda iti sikigan a sumango iti efod nga agpauneg.+ 20  Kalpasanna nangaramidda iti dua a singsing a balitok ket inkabilda ida iti rabaw ti dua a pedaso a pangabaga ti efod manipud baba, iti sangona, iti asideg ti pagsilpuanna, iti ngatuen ti barikes ti efod.+ 21  Kamaudiananna inggalutda ti pektoral kadagiti singsingna kadagiti singsing ti efod babaen ti asul a singdan, tapno makapagtalinaed iti ngatuen ti barikes ti efod ket ti pektoral saan koma a maikkat iti rabaw ti efod, kas iti imbilin ni Jehova ken Moises.+ 22  Kalpasanna inaramidna ti awan manggasna a lambon+ ti efod, ti gapuanan ti maysa a trabahador iti pagabelan, a pulpulos a sinulid nga asul. 23  Ket ti paglukatan ti awan manggasna a lambon adda idi iti tengngana, kas iti paglukatan ti maysa a nagsasaip a kabal. Ti paglukatanna addaan iti bilid iti aglikmut tapno saan a mapigis.+ 24  Kalpasanna iti rabaw ti gayadan ti awan manggasna a lambon nangaramidda kadagiti granada nga asul a sinulid ken delana a natinaan iti lumabaga a purpura ken cocus nga eskarlata a material, a nagtinnabid.+ 25  Kanayonanna, nangaramidda kadagiti kampanilia a puro a balitok ket inkabilda dagiti kampanilia iti nagbaetan dagiti granada+ iti rabaw ti gayadan ti awan manggasna a lambon iti aglikmut, iti nagbaetan dagiti granada; 26  maysa a kampanilia ken maysa a granada, maysa a kampanilia ken maysa a granada iti rabaw ti gayadan ti awan manggasna a lambon iti aglikmut,+ maipaay iti panagserbi, kas iti imbilin ni Jehova ken Moises. 27  Sumaganad inaramidda dagiti nagayad a pagan-anay a napino a lienso,+ ti gapuanan ti trabahador iti pagabelan, maipaay ken Aaron ken iti annakna, 28  ken ti turbante+ a napino a lienso ken dagiti uklop a pagarkos+ a napino a lienso ken dagiti lienso a sapin+ a napino a lienso a tinabid, 29  ken ti sintas+ a napino a lienso a tinabid ken asul a sinulid ken delana a natinaan iti lumabaga a purpura ken cocus nga eskarlata a material, ti aramid ti mangngabel, kas iti imbilin ni Jehova ken Moises. 30  Kamaudiananna inaramidda ti sumilsilnag a plata, ti nasantuan a pagilasinan ti dedikasion, manipud iti puro a balitok ket inlanadda iti rabaw dayta ti maysa a kitikit babaen kadagiti kitikit ti maysa a selio: “Ti kinasanto kukua ni Jehova.”+ 31  Kalpasanna ginalutanda iti singdan nga asul a sinulid tapno ikabilda iti rabaw ti turbante iti ngato,+ kas iti imbilin ni Jehova ken Moises. 32  Gapuna ti trabaho maipaay iti tabernakulo ti tolda ti gimong nairingpas aminen, ta ti annak ti Israel inar-aramidda ti maitunos iti isuamin nga imbilin ni Jehova ken Moises.+ Inaramidda ti kasta met laeng. 33  Ket inyegda ken Moises ti tabernakulo,+ ti tolda+ ken amin dagiti aruatenna,+ dagiti kawitna,+ dagiti baskag ti didingna,+ dagiti balunetna+ ken dagiti adigina ken ti sulluop a batbatayna,+ 34  ken ti abbongna a lallalat ti kalakian a karnero a natinaan+ iti nalabaga ken ti abbongna a lallalat ti foka+ ken ti kortina ti tabing,+ 35  ken ti lakasa+ ti pammaneknek ken dagiti assiwna+ ken ti kalub,+ 36  ti lamisaan,+ amin dagiti aruatenna+ ken ti tinapay ti pamarang, 37  ti pagsaadan ti silaw+ a puro a balitok, dagiti pagsilawanna, ti intar dagiti pagsilawan,+ ken amin dagiti aruatenna+ ken ti lana ti pagsilnag,+ 38  ken ti altar+ a balitok ken ti pangpulot a lana+ ken ti napabanglo nga insienso+ ken ti tabing+ a maipaay iti pagserkan ti tolda, 39  ti altar+ a gambang ken ti rehas+ a gambang a maipaay iti dayta, dagiti assiwna+ ken amin dagiti aruatenna,+ ti palanggana+ ken ti pagsaadanna,+ 40  dagiti balengbeng+ ti paraangan, dagiti adigina+ ken ti sulluop a batbatayna+ ken ti tabing+ a maipaay iti ruangan ti paraangan, dagiti singdan ti toldana+ ken dagiti pasok ti toldana+ ken amin dagiti aruaten+ a maipaay iti panagserbi iti tabernakulo, maipaay iti tolda ti gimong, 41  dagiti kawes+ a ginansilio a maipaay iti panagserbi iti santuario, ti nasantuan+ a kawkawes a maipaay ken Aaron a padi ken dagiti kawes ti annakna a maipaay iti panagakem a kas papadi.+ 42  Maitunos iti isuamin nga imbilin ni Jehova ken Moises, kasta ti panangaramid ti annak ti Israel iti isuamin a panagserbi.+ 43  Ket nakita ni Moises ti isuamin a gapuanan, ket, adtoy! inaramidda dayta kas iti imbilin ni Jehova. Kasta ti panangaramidda. Iti kasta binendisionan ida ni Moises.+

Footnotes